ಸಿಡ್ನಿ: ವಿಷಕಾರಿಯಾದ ಸಮುದ್ರ ಹಾವು(ಸೀ ಸ್ನೇಕ್) ತಮ್ಮೆಡೆಗೆ ಹರಿದುಕೊಂಡು ಬಂದು ಪ್ಯಾಡಲ್ ಬೋಟಿನ ಮೇಲೆ ತಲೆ ಇಡುವ ರೋಮಾಂಚಕ ದೃಶ್ಯವೊಂದನ್ನು ಯೂಟ್ಯೂಬರ್ ಬ್ರಾಡೀ ಮಾಸ್ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಎರಡು ದಿನಗಳ ಹಿಂದೆ ಅವರು ಇನ್ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿದ ಈ ವಿಡಿಯೋಗೆ ಒಂದು ಮಿಲಿಯನ್ಗೂ ಹೆಚ್ಚು ವ್ಯೂಗಳು ಲಭಿಸಿವೆ.
ಆಸ್ಟ್ರೇಲಿಯಾದ ಯೂಟ್ಯೂಬರ್ ಆದ ಮಾಸ್, ಸಾಮಾನ್ಯವಾಗಿ ಮನುಷ್ಯರಿಂದ ದೂರವಿರುವ ಸಮುದ್ರ ಹಾವು, ನೀರಿನ ಮೇಲೆ ಈಜುತ್ತಾ ತಮ್ಮ ಬೋಟಿನ ಕಡೆಗೆ ಬರುವುದನ್ನು ಚಿತ್ರೀಕರಿಸಿದ್ದಾರೆ. ವರ್ಷದ ಈ ಋತುವಿನಲ್ಲಿ ಅವು ಸಂಗಾತಿಯನ್ನು ಅರಸುತ್ತಿರುವುದರಿಂದ ದಾಳಿ ಮಾಡುವ ಸ್ವಭಾವ ಹೊಂದಿರುತ್ತವೆ. ಆದ್ದರಿಂದ ಕಚ್ಚುವ ಭಯವಿರುತ್ತದೆ ಎಂದು ವಿವರಿಸಿದ್ದಾರೆ.
View this post on Instagram
ಬ್ರಾಡಿ ಮಾಸ್ ಅವರ ಈ ಪೋಸ್ಟ್ಗೆ ಈವರೆಗೆ 80 ಸಾವಿರಕ್ಕೂ ಹೆಚ್ಚು ಲೈಕ್ಗಳು ಲಭಿಸಿವೆ. ಅವರ ಈ ವಿಡಿಯೋವನ್ನು ನೆಟ್ಟಿಗರು ಇತರ ಸಾಮಾಜಿಕ ಮಾಧ್ಯಮಗಳಲ್ಲೂ ಹಂಚಿಕೊಳ್ಳುತ್ತಿದ್ದಾರೆ. ಈ ವಿಡಿಯೋವನ್ನು ಮಾಲ್ಸ್ ಎಂಬುವರು ಟ್ವಿಟರ್ನಲ್ಲಿ ಹಂಚಿಕೊಂಡಿದ್ದು, ಅದಕ್ಕೆ ಅದಾಗಲೇ 5 ಮಿಲಿಯನ್ ವ್ಯೂಗಳು ಲಭಿಸಿವೆ. ಹಾವು ಈಜುವುದನ್ನು ನೋಡಿಯೇ ಇರಲಿಲ್ಲ ಎಂದು ಹಲವರು ಹುಬ್ಬೇರಿಸಿದ್ದರೆ, ಈ ರೀತಿ ಹಾವಿನ ವಿಡಿಯೋ ಮಾಡುವುದು ಸಾವಿನೊಡನೆ ಸರಸವಾಡಿದಂತೆ ಎಂದು ಕೆಲವರು ಎಚ್ಚರಿಸಿದ್ದಾರೆ. (ಏಜೆನ್ಸೀಸ್)
ಮಹಿಳೆಯರೇ, ಸ್ತನ ಕ್ಯಾನ್ಸರ್ ಬಗ್ಗೆ ಎಚ್ಚರ ವಹಿಸಿ! ರೋಗಲಕ್ಷಣ, ತಪಾಸಣೆ, ಚಿಕಿತ್ಸೆ… ವಿವರಗಳು ಇಲ್ಲಿವೆ