ನಾಗಪುರ: ಭಾರತೀಯ ರೈಲ್ವೆಯ ಸೆಂಟ್ರಲ್ ಝೋನ್ ಇದೇ ಮೊದಲ ಬಾರಿಗೆ ಹೊಸ ಆಟೋಮ್ಯಾಟೆಡ್ ಟಿಕೆಟ್ ಚೆಕ್ಕಿಂಗ್ ಆ್ಯಂಡ್ ಮ್ಯಾನೇಜಿಂಗ್ ಆಕ್ಸೆಸ್ (ಆತ್ಮ) ಯಂತ್ರವನ್ನು ನಾಗಪುರ ರೈಲ್ವೆ ನಿಲ್ದಾಣದಲ್ಲಿ ಸ್ಥಾಪಿಸಿದೆ. ಕೋವಿಡ್ 19 ಸೋಂಕು ಹರಡದಂತೆ ತಡೆಯುವ ನಿಟ್ಟಿನಲ್ಲಿ ಈ ಯಂತ್ರವನ್ನು ಸ್ಥಾಪಿಸಲಾಗಿದೆ ಎಂದು ರೈಲ್ವೆ ಮೂಲಗಳು ತಿಳಿಸಿವೆ. ಈ ಸಂಬಂಧದ ವಿಡಿಯೋವನ್ನು ರೈಲ್ವೆ ಸಚಿವ ಪಿಯೂಷ್ ಗೋಯೆಲ್ ಅವರ ಕಚೇರಿ ಟ್ವೀಟ್ ಮಾಡಿದೆ ಕೂಡ.
ಪ್ರಯಾಣಿಕರ ಟಿಕೆಟ್ ಪರಿಶೀಲನೆ, ಅವರ ಶರೀರದ ಉಷ್ಣತೆ ಪರಿಶೀಲನೆ, ಫೇಸ್ ಮಾಸ್ಕ್ ಚೆಕ್ಕಿಂಗ್ ಮುಂತಾದವೆಲ್ಲವನ್ನೂ ಈ ಯಂತ್ರ ಮಾಡುತ್ತಿದೆ. ಇದನ್ನು ಸ್ಥಾಪಿಸಿರುವ ಕಾರಣ ಸುರಕ್ಷತೆ ಹೆಚ್ಚಿದ್ದು, ಉದ್ಯೋಗಿಗಳ ಸಂಖ್ಯೆ ಕಡಿಮೆ ಇದ್ದರೂ ಪ್ರಯಾಣಿಕರನ್ನು ನಿರ್ವಹಿಸಬಹುದಾಗಿದೆ. ರೈಲು ಹತ್ತುವ ಮೊದಲು ಅನುಸರಿಸಬೇಕಾದ ಮಾರ್ಗಸೂಚಿಯನ್ನು ಪಾಲಿಸುವ ನಿಟ್ಟಿನಲ್ಲಿ ಇದು ಸಹಕಾರಿಯಾಗಿದೆ.
ಈ ಯಂತ್ರ ಇರುವಲ್ಲಿ ಮಾನವ ಸ್ಪರ್ಶ ಕಡಿಮೆ ಇರುತ್ತದೆ. ಇದು ಟಿಕೆಟ್ ಪರಿಶೀಲನೆ, ಗುರುತಿನ ಚೀಟಿ ಸ್ಕ್ಯಾನ್ ಮಾಡಿ ಪಿಎನ್ಆರ್ ನಂಬರ್ ತಿಳಿಸುವುದಲ್ಲದೆ, ಸಾಮಾಜಿಕ ಅಂತರ ಕಾಯ್ದುಕೊಳ್ಳುವಂತೆ ಸೂಚಿಸುವ ಕೆಲಸವನ್ನೂ ಮಾಡುತ್ತದೆ. ಈ ಯಂತ್ರದಲ್ಲಿ ಸಂವಹನಕ್ಕಾಗಿ ಉಭಯ ಸಂವಹನದ ಮೈಕ್ ಅಳವಡಿಸಲಾಗಿದೆ. ಇದನ್ನು ನಿರ್ವಹಿಸುವುದಕ್ಕಾಗಿ ಕ್ಯಾಬಿನ್ನಲ್ಲಿ ಒಬ್ಬ ಉದ್ಯೋಗಿ ಇರಬೇಕಾಗುತ್ತದೆ. ಸರದಿಯಂತೆ ಪ್ರಯಾಣಿಕರ ಪರಿಶೀಲನೆ ಟಿಕೆಟ್ ವಿತರಣೆ ಮಾಡಬಹುದಾಗಿದೆ.
ಇದನ್ನೂ ಓದಿ: ಕೋವಿಡ್ ಕಂಟಕ: ಐದನೆಯ ಆರ್ಥಿಕ ಹಿಂಜರಿತ ಎದುರಿಸುತ್ತಿದೆ ಭಾರತ
ಇತ್ತೀಚೆಗಷ್ಟೇ ಭಾರತೀಯ ರೈಲ್ವೆ ಪಟನಾ ಜಂಕ್ಷನ್ನಲ್ಲಿ ಸ್ವಯಂ ಚಾಲಿತವಾಗಿ ಫೇಸ್ ಮಾಸ್ಕ್ ಮತ್ತು ಹ್ಯಾಂಡ್ ಸ್ಯಾನಿಟೈಸರ್ ಒದಗಿಸುವ ಯಂತ್ರವನ್ನು ಸ್ಥಾಪಿಸಿತ್ತು. ಸ್ಯಾನಿಟೈಸರ್ ತರುವುದನ್ನು ಮತ್ತು ಫೇಸ್ ಮಾಸ್ಕ್ ಹಾಕುವುದನ್ನು ಮರೆತು ಬಂದವರಿಗೆ ಇದರಿಂದ ಅನುಕೂಲವಾಗಿದೆ. (ಏಜೆನ್ಸೀಸ್)
VIDEO: ಮುಂದಿನ ತಿಂಗಳು ಬಿಡುಗಡೆಯಾಗಲಿದೆಯೆ ಮೈಕ್ರೋಸಾಫ್ಟ್ ಸರ್ಫೇಸ್ ಡುಯೋ?