ಎರಡು ಪರದೆಯ ಮಡಿಚಬಲ್ಲ ಸ್ಮಾರ್ಟ್ಫೋನ್ ಸರ್ಫೇಸ್ ಡುಯೋವನ್ನು ಮುಂದಿನ ತಿಂಗಳೇ ಬಿಡುಗಡೆ ಮಾಡಲು ಮೈಕ್ರೋಸಾಫ್ಟ್ ಸಿದ್ಧತೆ ನಡೆಸಿದೆ. ಸ್ಯಾಮ್ಸಂಗ್ ಗ್ಯಾಲೆಕ್ಸಿ ಫೋಲ್ಡ್ 2 ಫೋನ್ಗೆ ಪ್ರತಿಸ್ಪರ್ಧಿ ಎಂದು ಇದನ್ನು ಪರಿಗಣಿಸಲಾಗಿದೆ. ಗ್ಯಾಲಕ್ಸಿ ಫೋಲ್ಡ್ 2 ಆಗಸ್ಟ್ 5ರಂದು ಮಾರುಕಟ್ಟೆಗೆ ಬರಲಿದೆ.
ವಿಂಡೋಸ್ ಸೆಂಟ್ರಲ್ನ ಝಾಕ್ ಬೋವ್ಡನ್ ಪ್ರಕಾರ, ಮೈಕ್ರೋಸಾಫ್ಟ್ ಕಂಪನಿ ಸರ್ಫೇಸ್ ಡುಯೋ ಸ್ಮಾರ್ಟ್ಫೋನನ್ನು ಮುಂದಿನ ತಿಂಗಳೇ ಬಿಡುಗಡೆ ಮಾಡುವ ಇರಾದೆಯಲ್ಲಿದೆ. ಈ ಹೊಸ ಫೋನ್ ಸ್ಟೈಲಿಷ್ ಆಗಿದ್ದು, ಅಡ್ವಾನ್ಸ್ಡ್ ಕೂಡ ಆಗಿದೆ. ಇದರಲ್ಲಿ ಇರುವ ಫೀಚರ್ಗಳು ಬಳಕೆದಾರರಿಗೆ ಅತ್ಯುತ್ತಮ ಅನುಭವವನ್ನು ನೀಡಬಲ್ಲದು. ಒಮ್ಮೆ ಈ ಫೋನ್ ಬಿಡುಗಡೆಯಾದರೆ ಮುಂದಿನ ಎರಡು ತಿಂಗಳ ಅವಧಿಯಲ್ಲಿ ಮಾರುಕಟ್ಟೆಯಲ್ಲಿ ಸಾಕಷ್ಟು ಪ್ರಮಾಣದಲ್ಲಿ ಇದು ಲಭ್ಯವಾಗಿರಲಿದೆ. ಬಿಡುಗಡೆಯ ದಿನಾಂಕ ಇನ್ನೂ ನಿಗದಿಯಾಗಿಲ್ಲದ ಕಾರಣ ನಿರ್ದಿಷ್ಟವಾಗಿ ಏನೂ ಹೇಳಲಾಗದು.
ಆದಾಗ್ಯೂ, ಸರ್ಫೇಸ್ ಡುಯೋದ ಫೀಚರ್ಗಳ ವಿವರ ಮತ್ತು ಪ್ರಾಡಕ್ಟ್ ಟೀಸರ್ ಬಿಡುಗಡೆಯಾಗಿದೆ. ಮಧ್ಯಮ ವರ್ಗದ ದರದಲ್ಲಿ ಇದು ಮಾರುಕಟ್ಟೆಯಲ್ಲಿ ಲಭ್ಯವಾಗಲಿದೆ. ಕ್ವಾಲ್ಕಂ ಸ್ನಾಪ್ಡ್ರಾಗನ್ 855ಎಸ್ಒಸಿ, 6ಜಿಬಿ ರಾಮ್, 64 ಜಿಬಿ ಅಥವಾ 256 ಜಿಬಿ ಸ್ಟೋರೇಜ್ ಸೌಲಭ್ಯವಿರಲಿದೆ. 11 ಮೆಗಾ ಪಿಕ್ಸಲ್ ಕ್ಯಾಮೆರಾ ಸೆನ್ಸರ್ ಫ್ರಂಟ್ ಮತ್ತು ಹಿಂಭಾಗದಲ್ಲಿ ಇರಲಿದೆ. 5.6 ಇಂಚು ಅಮೋಲ್ಡ್ ಡಿಸ್ಪ್ಲೇ ಇದ್ದು, ಸ್ಕ್ರೀನ್ 4:3 ಅನುಪಾತ, 1800×1350 ಪಿಕ್ಸೆಲ್ ರೆಸೊಲುಷನ್ ಮತ್ತು 401 ಪಿಕ್ಸೆಲ್ ಡೆನ್ಸಿಟಿ ಹೊಂದಿರಲಿದೆ. ಆ್ಯಂಡ್ರಾಯ್ಡ್ 10 ಒಎಸ್ ಇದರಲ್ಲಿ ಇದ್ದು, ಮೈಕ್ರೋಸಾಫ್ಟ್ ಆ್ಯಪ್ಗಳು ಇರಲಿವೆ. ಸರ್ಫೇಸ್ ಡುಯೋದಲ್ಲಿ 3460 mAh ಬ್ಯಾಟರಿ ಇದ್ದು, ಯುಎಸ್ಬಿ-ಸಿ ಫಾಸ್ಟ್ ಚಾರ್ಜಿಂಗ್ ಸೌಲಭ್ಯವಿದೆ. 5ಜಿ ಸಪೋರ್ಟ್ ಮಾಡಲ್ಲ. 4ಜಿ ಎಲ್ಟಿಇ ಸ್ಪೀಡ್ನಲ್ಲಿ ಕೆಲಸ ಮಾಡಲಿದೆ. (ಏಜೆನ್ಸೀಸ್)