ನವದೆಹಲಿ : ಮತ ಕೇಳಲು ಹೋಗುವ ರೀತಿಯಲ್ಲಿ ಜನರ ಮನೆಗಳಿಗೆ ತೆರಳಿ ಕರೊನಾ ಲಸಿಕೆ ಪಡೆಯಲು ಸ್ಲಾಟ್ಗಳನ್ನು ಒದಗಿಸುವುದು. ನಂತರ ನಿಗದಿತ ಮತಗಟ್ಟೆಗಳಲ್ಲೇ ಲಸಿಕೆ ನೀಡುವುದು – ಇದು ದೆಹಲಿ ಸಿಎಂ ಅರವಿಂದ್ ಕೇಜ್ರಿವಾಲ್ ಅವರ ಹೊಸ ಯೋಜನೆ. ಇದಕ್ಕೆ ಅವರು ನೀಡಿರುವ ಹೆಸರು – ‘ಜಹಾ ವೋಟ್, ವಹಾ ವ್ಯಾಕ್ಸಿನ್’ ಅರ್ಥಾತ್ ವೋಟ್ ಎಲ್ಲೋ, ಅಲ್ಲೇ ವ್ಯಾಕ್ಸಿನ್!
ರಾಜಧಾನಿಯಲ್ಲಿ 45 ವರ್ಷ ಮೇಲ್ಪಟ್ಟವರಲ್ಲಿ ಎಷ್ಟೋ ಜನರು ಇನ್ನೂ ಲಸಿಕೆ ಪಡೆದಿಲ್ಲ. ಅಂಥ ಜನರಿಗೆ ಅನುಕೂಲವಾಗಲು ಮನೆಯ ಹತ್ತಿರವಿರುವ ಮತಗಟ್ಟೆಗಳಿಗೆ ಭೇಟಿ ನೀಡಿ ಲಸಿಕೆ ಪಡೆಯಲು ಪ್ರೇರೇಪಿಸಲಾಗುವುದು. ಲಸಿಕೆ ಸ್ಟಾಕ್ ಲಭ್ಯವಿದ್ದಲ್ಲಿ ನಾಲ್ಕು ವಾರಗಳಲ್ಲಿ ಇಡೀ ದೆಹಲಿಯ 280 ವಾರ್ಡ್ಗಳಲ್ಲಿ 45 ವರ್ಷ ಮೇಲ್ಪಟ್ಟವರಿಗೆ ಲಸಿಕಾಕರಣ ಪೂರೈಸಲಾಗುವುದು ಎಂದು ಕೇಜ್ರಿವಾಲ್ ಹೇಳಿದ್ದಾರೆ.
ಇಂದಿನಿಂದ 70 ವಾರ್ಡ್ಗಳಲ್ಲಿ ಬೂತ್ ಮಟ್ಟದ ಅಧಿಕಾರಿಗಳ ತಂಡ ಮನೆಗಳಿಗೆ ಭೇಟಿ ನೀಡಿ ಲಸಿಕೆ ಪಡೆಯಲು ಮನವೊಲಿಸಲಿದೆ ಎಂದಿರುವ ಕೇಜ್ರಿವಾಲ್, ದೆಹಲಿಯಲ್ಲಿ 45 ವರ್ಷ ಮೇಲ್ಪಟ್ಟವರು 57 ಲಕ್ಷ ಜನರಿದ್ದಾರೆ. ಅವರಲ್ಲಿ ಈಗಾಗಲೇ 27 ಲಕ್ಷ ಜನ ಮೊದಲನೇ ಡೋಸ್ ಪಡೆದಿದ್ದಾರೆ ಎಂದಿದ್ದಾರೆ. (ಏಜೆನ್ಸೀಸ್)
ಬ್ಯಾಕ್ಪ್ಯಾಕಲ್ಲಿ ವಿದೇಶಕ್ಕೆ ಹ್ಯಾಶಿಶ್ ಆಯಿಲ್ ಸಾಗಣೆ ! ಇಬ್ಬರ ಬಂಧನ
VIDEO| ಮನೆ ಬಾಗಿಲಿಗೆ ಹೋಗಿ ಕರೆದರೂ ಕರೊನಾ ವ್ಯಾಕ್ಸಿನ್ ಪಡೆಯಲು ಸೋಲಿಗರು ಹಿಂದೇಟು