ವಾಷಿಂಗ್ಟನ್:ಕರೊನಾ COVID 19 ಸೋಂಕು ಪೀಡಿತರ ಸಂಖ್ಯೆ ಅಮೆರಿಕದಲ್ಲಿ 7 ಲಕ್ಷದ ಗಡಿದಾಟಿದೆ. ಆ ಮೂಲಕ ಅತಿಹೆಚ್ಚು ಸೋಂಕುಪೀಡಿತರನ್ನು ಹೊಂದಿದ ರಾಷ್ಟ್ರವಾಗಿ ಅಮೆರಿಕ ಕಾಣಿಸಿಕೊಂಡಿದೆ. ಜಾನ್ಸ್ ಹಾಪ್ಕಿನ್ಸ್ ಯೂನಿವರ್ಸಿಟಿ ಅಮೆರಿಕದ ಡೇಟಾವನ್ಜು ಗಮನಿಸುತ್ತಿದ್ದು, ಅದರ ಅಂಕಿ ಅಂಶ ಪ್ರಕಾರವೇ 7 ಲಕ್ಷ ಪಾಸಿಟಿವ್ ಕೇಸ್ಗಳು ಅಲ್ಲಿ ದೃಢಪಟ್ಟಿವೆ.
ಜಗತ್ತಿನಲ್ಲಿ ಅತಿಹೆಚ್ಚು ಅಂದರೆ 7,00,282 ಕರೊನಾ ಪಾಸಿಟಿವ್ ಕೇಸ್ಗಳೊಂದಿಗೆ ಅಮೆರಿಕ ಮುಂಚೂಣಿಯಲ್ಲಿದೆ.ಸ್ಥಳೀಯ ಕಾಲಮಾನ ಶುಕ್ರವಾರ ರಾತ್ರಿ 8.30ರ ಅಂಕಿ ಅಂಶಗಳ ಪ್ರಕಾರ ಈ ಡೇಟಾ ಇದ್ದು, 36,773 ಜನ ಮೃತಪಟ್ಟಿದ್ದಾರೆ. ಕಳೆದ 24 ಗಂಟೆಗಳ ಅವಧಿಯಲ್ಲಿ 3,856 ಸಾವು ಸಂಭವಿಸಿದೆ ಎಂದು ಬಾಲ್ಟಿಮೋರ್ನಲ್ಲಿರುವ ಈ ಜಾನ್ಸ್ ಹಾಪ್ಕಿನ್ಸ್ ಯೂನಿವರ್ಸಿಟಿ ಹೇಳುತ್ತಿದೆ.
ನ್ಯೂಯಾರ್ಕ್ ನಗರದಲ್ಲಿ ಈ ವಾರ ಸಂಭವಿಸಿರುವ ಸಾವಿನ ಸಂಖ್ಯೆ ಅಂದಾಜು 3,778 ಆಗಿರಬಹುದು. ಅಮೆರಿಕದ ಸೆಂಟರ್ಸ್ ಫಾರ್ ಡಿಸೀಸ್ ಕಂಟ್ರೋಲ್ ಆ್ಯಂಡ್ ಪ್ರಿವೆನ್ಶನ್ ಹೇಳುವ ಪ್ರಕಾರ ಶುಕ್ರವಾರ ರಾತ್ರಿ ತನಕ 33,049 ಜನ ಸಾವನ್ನಪ್ಪಿದ್ದಾರೆ. ಇದರಲ್ಲಿ 4,226 ಸೋಂಕು ಪೀಡಿತರು ಇರಬಹುದೆಂಬ ಶಂಕೆಯುಳ್ಳವರ ಸಂಖ್ಯೆಯೂ ಸೇರಿಕೊಂಡಿದೆ.
ಜಾಗತಿಕವಾಗಿ ಗಮನಿಸಿದರೆ ಅಮೆರಿಕದ ನಂತರದ ಸ್ಥಾನದಲ್ಲಿ ಇಟೆಲಿ ಇದ್ದು ಅಲ್ಲಿ 22,745 ಜನ ಸಾವನ್ನಪ್ಪಿದ್ದಾರೆ. ಸ್ಪೇನ್ನಲ್ಲಿ 19,478 ಜನ, ಫ್ರಾನ್ಸ್ನಲ್ಲಿ 18,681 ಜನ, ಬ್ರಿಟನ್ನಲ್ಲಿ 14,576ಜನ ಸಾವನ್ನಪ್ಪಿದ್ದಾರೆ.(ಏಜೆನ್ಸೀಸ್)
VIDEO| ದೆವ್ವ ಬಂತು ದೆವ್ವ!: ಕರೊನಾ ಲಾಕ್ಡೌನ್ ಶುರುವಾದಾಗಿನಿಂದ ಈ ಗ್ರಾಮದಲ್ಲಿ ದೆವ್ವದ್ದೇ ಕಾಟ…