ವಾಷಿಂಗ್ಟನ್: ಅಮೆರಿಕದಲ್ಲಿ ಜನಾಂಗೀಯ ದ್ವೇಷದ ಕಿಚ್ಚು ಅಷ್ಟು ಬೇಗ ತಣಿಯುವಂತೆ ಕಾಣಿಸುತ್ತಿಲ್ಲ. ಕಳೆದೆರಡು ದಿನಗಳಿಗಿಂತಲೂ ಸ್ವಲ್ಪ ಶಾಂತವಾಗಿದ್ದರೂ ಪ್ರತಿಭಟನಾಕಾರರು ಹೋರಾಟದಿಂದ ಹಿಂದೆ ಸರಿಯುತ್ತಿಲ್ಲ. ಈ ಮಧ್ಯೆ ಬಿಳಿಯರು, ಕಪ್ಪುಜನರ ಕ್ಷಮೆ ಕೇಳಿದ ಘಟನೆಯೂ ನಡೆದಿದೆ.
ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರಂತೂ ಪ್ರತಿಭಟನಾಕಾರರ ವಿರುದ್ಧ ಕಿಡಿಕಾರುತ್ತಿದ್ದಾರೆ. ನಿಮ್ಮನ್ನು ನಿಯಂತ್ರಿಸಲು ಸೇನೆ ಕಳಿಸುತ್ತೇನೆ, ಸುಮ್ಮನೆ ಬಿಡುವುದಿಲ್ಲ ಎಂದು ಬೆದರಿಕೆ ಹಾಕುತ್ತಿದ್ದಾರೆ. ಅದ್ಯಾವುದಕ್ಕೂ ಜಗ್ಗದ ಪ್ರತಿಭಟನಾಕಾರರು ತಮ್ಮ ಹೋರಾಟವನ್ನು ಮುಂದುವರಿಸಿದ್ದಾರೆ.
ಇದನ್ನೂ ಓದಿ: PHOTO GALLERY| ಹುಟ್ಟುಹಬ್ಬ ಸಂಭ್ರಮದಲ್ಲಿರೋ ಪ್ರಿಯಾಮಣಿಯವರ ಹಾಟ್ ಫೋಟೋ ಗ್ಯಾಲರಿ ನಿಮಗಾಗಿ
ಇಷ್ಟೆಲ್ಲದರ ಮಧ್ಯೆ ಡೊನಾಲ್ಡ್ ಟ್ರಂಪ್ ಅವರ ಮಗಳು ಈ ಪ್ರತಿಭಟನಾಕಾರರಿಗೆ ಬೆಂಬಲ ವ್ಯಕ್ತಪಡಿಸಿದ್ದಾರೆ. ಅಮೆರಿಕದಲ್ಲಿ ಮೊದಲಿನಿಂದಲೂ ಇರುವ ಜನಾಂಗೀಯ ದ್ವೇಷದ ವಿರುದ್ಧ ಪಟ್ಟು ಹಿಡಿದು ಹೋರಾಡುತ್ತಿರುವವರಿಗೆ ಅಧ್ಯಕ್ಷರ ಮಗಳು ಟಿಫಾನಿ ಟ್ರಂಪ್ ಸಾಥ್ ನೀಡಿದ್ದಾರೆ.
ಇನ್ಸ್ಟಾಗ್ರಾಂನಲ್ಲಿ ಕಪ್ಪು ಫೋಟೋ ಹಾಕಿರುವ ಟಿಫಾನಿ ಟ್ರಂಪ್, ಅಮೆರಿಕದ ಲೇಖಕಿ ಹೆಲೆನ್ ಕೆಲ್ಲರ್ ಅವರು ಬರೆದ, ‘ನಾವು ಏಕಾಂಗಿಯಾಗಿ ಸ್ವಲ್ಪವನ್ನೇ ಸಾಧಿಸಬಹುದು. ಆದರೆ ಜತೆಯಾಗಿದ್ದರೆ ತುಂಬ ದೊಡ್ಡ ಸಾಧನೆ ಮಾಡಬಹುದು’ ಎಂಬ ಕೋಟ್ನ್ನು ಬರೆದಿದ್ದಾರೆ. ಹಾಗೇ, #blackoutTuesday, #justiceforgeorgefloyd ಎಂಬ ಹ್ಯಾಷ್ಟ್ಯಾಗ್ ಕೊಟ್ಟಿದ್ದಾರೆ.
ಟಿಫಾನಿ, ಡೊನಾಲ್ಡ್ ಟ್ರಂಪ್ರ ಎರಡನೇ ಪತ್ನಿ ಮಾರ್ಲಾ ಮ್ಯಾಪಲ್ಸ್ ಮಗಳು. ಮಾರ್ಲಾ ಹಾಗೂ ಟ್ರಂಪ್ 1993ರಲ್ಲಿ ವಿವಾಹವಾಗಿ, 1999ರಲ್ಲಿ ವಿಚ್ಛೇದನ ಪಡೆದಿದ್ದಾರೆ.
ಇದನ್ನೂ ಓದಿ: ರಾಜಧಾನಿಯಲ್ಲಿವೆ 40 ಕಂಟೇನ್ಮೆಂಟ್ ಪ್ರದೇಶ
ಕಪ್ಪುವರ್ಣೀಯನಾದ ಜಾರ್ಜ್ ಫ್ಲಾಯ್ಡ್ನಲ್ಲಿ ಅಮೆರಿಕದ ಮೂವರು ಶ್ವೇತವರ್ಣೀಯ ಪೊಲೀಸರು ಸೇರಿ ಕೊಂದಿದ್ದರು. ಆಗಿನಿಂದಲೂ ಅಮೆರಿಕದಲ್ಲಿ ಕಪ್ಪುವರ್ಣೀಯರ ಪ್ರತಿಭಟನೆ ಉಗ್ರಸ್ವರೂಪ ಪಡೆದುಕೊಂಡಿದೆ. (ಏಜೆನ್ಸೀಸ್)
https://www.instagram.com/p/CA8DwLPhNPe/
ಭಾರತೀಯ ಕ್ರಿಕೆಟ್ನಲ್ಲೂ ವರ್ಣಭೇದ!: ದೊಡ್ಡ ಗಣೇಶ್, ಮುಕುಂದ್ಗೆ ಇನ್ನೂ ಕಾಡುತ್ತಿದೆ ನೆನಪು