ಹೈ ಅಲರ್ಟ್​: ವಿದ್ಯಾರ್ಥಿಗಳ ಮೇಲೆ ಅಪರಿಚಿತರಿಂದ ವಿಚಿತ್ರ ಲಿಕ್ವಿಡ್ ಸ್ಪ್ರೇ!; ಮೈಗೆ ತಾಕುತ್ತಿದ್ದಂತೆ ಅಲರ್ಜಿ..

ಮುಂಬೈ: ಇಂದು ಕರ್ನಾಟಕದಲ್ಲಿ ಬಹಳಷ್ಟು ಜನರ ಮೊಬೈಲ್​​ಫೋನ್​ಗೆ ಒಂದು ತುರ್ತು ಅಲರ್ಟ್ ಮೆಸೇಜ್ ಬಂದಿದೆ. ಇದೀಗ ಇನ್ನೊಂದು ಹೈ ಅಲರ್ಟ್ ಘೋಷಣೆ ಆಗಿದೆ. ಅದೂ ವಿದ್ಯಾರ್ಥಿಗಳಿಗೆ ಸಂಬಂಧಿಸಿದಂತೆ.. ವಿದ್ಯಾರ್ಥಿಗಳ ಮೇಲೆ ಅಪರಿಚಿತರು ಅಲರ್ಜಿ ಉಂಟು ಮಾಡುವಂಥ ವಿಚಿತ್ರ ದ್ರವವೊಂದನ್ನು ಸಿಂಪಡಣೆ ಮಾಡಿರುವುದರಿಂದ ಈ ಹೈ ಅಲರ್ಟ್​ ನೀಡಲಾಗಿದೆ.

ಅಂದಹಾಗೆ ಮಹಾರಾಷ್ಟ್ರದ ಪುಣೆ ಸಮೀಪದ ಅಂಬೆಗಾಂವ್​​ನ ಗಾಯ್ಮುಖ್​ನಿಂದ ಭೋರ್ವಾಡಿ ರಸ್ತೆಯಲ್ಲಿ ಇಂಥದ್ದೊಂದು ಘಟನೆ ನಡೆದಿದೆ. ವಿದ್ಯಾರ್ಥಿಗಳನ್ನೇ ಗುರಿಯಾಗಿಸಿಕೊಂಡು ಕೆಲವು ಅಪರಿಚಿತರು ಅಲರ್ಜಿ ಉಂಟು ಮಾಡುವಂಥ ವಿಚಿತ್ರ ದ್ರವವೊಂದನ್ನು ಸ್ಪ್ರೇ ಮಾಡಿದ್ದಾರೆ. ವಾರಕ್ಕೆರಡು ಸಲ ಎಂಬಂತೆ ಇಂಥ ಘಟನೆಗಳು ನಡೆದಿವೆ.

ಇದನ್ನೂ ಓದಿ: ಭಿಕ್ಷೆ ಬೇಡುತ್ತಿದ್ದ ವಿದೇಶಿ ಮಹಿಳೆಯ ಬದುಕು ಬದಲಿಸಿದ ಭಾರತೀಯ; ಯಾರೀಕೆ, ಈಗೇನು ಮಾಡುತ್ತಿದ್ದಾರೆ?

ಇಂಥ ದ್ರವ ಮೈಮೇಲೆ ಬೀಳುತ್ತಿದ್ದಂತೆ ತುರಿಕೆ, ದದ್ದು ಉಂಟಾಗಿ ಅಲರ್ಜಿಯಂಥ ಲಕ್ಷಣಗಳು ಗೋಚರಿಸಿವೆ. ಇದರಿಂದ ವಿದ್ಯಾರ್ಥಿಗಳಷ್ಟೇ ಅಲ್ಲದೆ, ಅವರ ಪಾಲಕರೂ ಆತಂಕಗೊಂಡಿದ್ದಾರೆ. ಈ ಸಂಬಂಧ ಮಂಚಾರ್ ಪೊಲೀಸ್ ಠಾಣೆಗೆ ಸಾರ್ವಜನಿಕರು ದೂರು ನೀಡಿದ್ದಾರೆ.

ಪೊಲೀಸರು ಇಂಥ ಸ್ಥಳಕ್ಕೆ ತೆರಳಿ ಪರಿಶೀಲನೆ ನಡೆಸಿದ್ದು ತನಿಖೆ ಆರಂಭಿಸಿದ್ದಾರೆ. ಸದ್ಯ ಮಕ್ಕಳೊಂದಿಗೆ ಪಾಲಕರೂ ಶಿಕ್ಷಣ ಸಂಸ್ಥೆಗಳ ವರೆಗೆ ಹೋಗಿ ಬರಲಾರಂಭಿಸಿದ್ದಾರೆ. ದ್ವಿಚಕ್ರ ವಾಹನದಲ್ಲಿ ಬರುತ್ತಿರುವ ಅಪರಿಚಿತರು ಈ ರೀತಿ ಮಾಡುತ್ತಿದ್ದು, ಅನುಮಾನಾಸ್ಪದ ವ್ಯಕ್ತಿಗಳು ಕಂಡುಬಂದರೆ ಮಾಹಿತಿ ನೀಡುವಂತೆ ಪೊಲೀಸರು ತಿಳಿಸಿದ್ದಾರೆ. ಸದ್ಯ ಮಕ್ಕಳು ಗುಂಪಾಗಿ ಶಾಲೆಗೆ ತೆರಳುವಂತೆ ಪೊಲೀಸರು ಕಿವಿಮಾತು ಹೇಳಿದ್ದು, ಹೈ ಅಲರ್ಟ್​ನಲ್ಲಿ ಇರುವಂತೆಯೂ ತಿಳಿಸಿದ್ದಾರೆ.

https://www.vijayavani.net/sahasasimha-dr-vishnuvardhan-punyabhoomi-controversy-here-is-the-recent-development

https://www.vijayavani.net/this-tiny-1rk-in-bengaluru-is-available-for-12000-rupees-rent-per-month