ಪರ್ತ್ (ಆಸ್ಟ್ರೇಲಿಯಾ): ಸ್ವಯಂ ಪ್ರತ್ಯೇಕವಾಗಿದ್ದಕೊಂಡೇ ರೋಗಿಗಳಿಗೆ ಚಿಕಿತ್ಸೆ ನೀಡುತ್ತಿದ್ದ ಉಕ್ರೇನಿಯನ್ ದಂತ ವೈದ್ಯೆ ಹಾಗೂ ಪವರ್ಲಿಫ್ಟರ್ ಇದೀಗ ಜೈಲು ಶಿಕ್ಷೆಗೆ ಗುರಿಯಾಗಿದ್ದಾರೆ.
ನತಾಲಿಯಾ ನೈರ್ನ್ (30) ಶಿಕ್ಷೆಗೆ ಗುರಿಯಾದ ವೈದ್ಯೆ. ಆಸ್ಟ್ರೇಲಿಯಾದ ತುರ್ತುಸ್ಥಿತಿ ನಿರ್ವಹಣಾ ಕಾಯ್ದೆಯ ಅನುಸರಣೆ ಮತ್ತು ಆದೇಶವನ್ನು ಅನುಸರಿಸಲು ವಿಫಲವಾದ ಹಿನ್ನೆಲೆಯಲ್ಲಿ ಪರ್ತ್ ನ್ಯಾಯಾಲಯದಲ್ಲಿ ಶುಕ್ರವಾರ ಆರೋಪಿ ವಿರುದ್ಧ ಎರಡು ಪ್ರಕರಣಗಳು ದಾಖಲಾಗಿವೆ.
ಇದನ್ನೂ ಓದಿ: ಕಾರ್ಗಿಲ್ ವಿಜಯೋತ್ಸವಕ್ಕೆ 21 ವರ್ಷ: ಕಳಚಿ ಬೀಳುವಂತಿತ್ತು ಗಾಯಗೊಂಡ ಕಾಲು
ಡಾಕ್ಟರ್ ವೃತ್ತಿಯ ಜತೆಗೆ ಬಿಡುವಿನ ಸಮಯದಲ್ಲಿ ಪವರ್ಲಿಫ್ಟರ್ ಆಗಿರುವ ನೈರ್ನ್, ಜೂನ್ 16ರಂದು ಪೂರ್ವ ಕರಾವಳಿಯಿಂದ ಪೂರ್ವ ಆಸ್ಟ್ರೇಲಿಯಾಗೆ ಭೇಟಿ ನೀಡಿದ ಬಳಿಕ ಕರೊನಾ ವೈರಸ್ ಹಿನ್ನೆಲೆಯಲ್ಲಿ ಸ್ವಯಂ ಪ್ರತ್ಯೇಕವಾಗಿದ್ದರು. ಆದಾಗ್ಯು, ಜೂನ್ 17 ಮತ್ತು 18ರಂದು ಪೊಲೀಸ್ ಅಧಿಕಾರಿಗಳು ಪರ್ತ್ ಉಪನಗರದಲ್ಲಿರುವ ಆಕೆಯ ಮನೆಗೆ ಭೇಟಿ ನೀಡಿದಾಗ ಆಕೆ ಅಲ್ಲಿರಲಿಲ್ಲ.
ಜೂನ್ 21 ರಿಂದ 29ರವರೆಗೆ ಆಕೆ ಅನೇಕ ರೋಗಿಗಳಿಗೆ ತನ್ನ ಜೂಂಡಾಲಪ್ ಡೆಂಟಲ್ ಕ್ಲೀನಿಕ್ನಲ್ಲಿ ಚಿಕಿತ್ಸೆ ನೀಡಿದ್ದಾಳೆಂದು ಅಧಿಕಾರಿಗಳು ನೈರ್ನ್ ವಿರುದ್ಧ ದೂರಿದ್ದಾರೆ. ಈ ಸಂಬಂಧ ಆಕೆಗೆ ಸಮನ್ಸ್ ಕೂಡ ನೀಡಲಾಗಿತ್ತು. ಆದರೆ, ಆಕೆ ವಿಚಾರಣೆಗೆ ಹಾಜರಾಗಿರಲಿಲ್ಲ. ಅಲ್ಲದೆ, ಕಾನೂನು ಪ್ರಾತಿನಿಧ್ಯವನ್ನು ಪಡೆಯಲು ನಿರಾಕರಿಸಿದರು. ಇದರಿಂದ ಕೋರ್ಟ್ ಎಚ್ಚರಿಕೆ ನೀಡಿತ್ತು.
ಇದನ್ನೂ ಓದಿ: ನಿಶ್ಚಿತಾರ್ಥದಲ್ಲಿ ತೆಲುಗು ನಟ ನಿತಿನ್ ಧರಿಸಿದ್ದ ಕುರ್ತಾ ಬೆಲೆ ಕೇಳಿದ್ರೆ ಶಾಕ್ ಆಗೋದು ಖಂಡಿತ!
ಇದೀಗ ಆಕೆಗೆ ಶಿಕ್ಷೆಯನ್ನು ನ್ಯಾಯಾಲಯ ವಿಧಿಸಿದೆ. 12 ತಿಂಗಳ ಶಿಕ್ಷೆ ಅಥವಾ 50 ಸಾವಿರ ಡಾಲರ್ (3,736,801 ರೂ.) ದಂಡ ಕಟ್ಟಬೇಕಿದೆ. ಶಿಕ್ಷೆಗಾಗಿ ಆಗಸ್ಟ್ 7 ರಂದು ನ್ಯಾಯಾಲಯಕ್ಕೆ ಮರಳಲು ನೈರ್ನ್ಗೆ ಜಾಮೀನು ನೀಡಲಾಗಿದೆ. (ಏಜೆನ್ಸೀಸ್)
ಕರೊನಾ ವೈರಸ್ ಓಡಿಸೋಕೆ ಆಗಸ್ಟ್ 5ರ ತನಕ ದಿನಕ್ಕೆ 5 ಸಲ ಹನುಮಾನ್ ಚಾಲೀಸ ಪಠಿಸಿ