ಬೆಂಗಳೂರು: ಭಾರತದ ಮೈಕ್ರೋ ಬ್ಲಾಗಿಂಗ್ ಸೈಟ್ ‘ಕೂ’ನ ಟ್ವಿಟರ್ ಖಾತೆಯನ್ನು ಎಲಾನ್ ಮಸ್ಕ್ ಈಗ ಬ್ಯಾನ್ ಮಾಡಿದ್ದಾರೆ. ಅದಕ್ಕೂ ಮುಂಚೆ ಜಗತ್ತಿನ ಅನೇಕ ಪ್ರಮುಖ ಪತ್ರಿಕೋದ್ಯಮಿಗಳ ಟ್ವಿಟರ್ ಅಕೌಂಟ್ಗಳನ್ನೂ ಬ್ಯಾನ್ ಮಾಡಲಾಗಿತ್ತು.
ಇದನ್ನು ಟೀಕಿಸಿದ ಕೂ ಸ್ಥಾಪಕ, ಮಯಾಂಕ್ ಬಿಡವಟ್ಕಾ ‘ಎಲಾನ್ ಮಸ್ಕ್ರ ಫ್ರೀ ಸ್ಪೀಚ್ ಪಾಲಿಸಿ ಏನಾಯಿತು?’ ಎಂದು ಪ್ರಶ್ನಿಸಿದ್ದಾರೆ. ಇಷ್ಟಕ್ಕೇ ನಿಲ್ಲದ ಮಯಾಂಕ್, ಮಸ್ಕ್ ತೆಗೆದುಕೊಂಡಿದ್ದ ಹಿಂದಿನ ಕೆಲವು ನಿರ್ಧಾರಗಳ ಬಗ್ಗೆಯೂ ಪ್ರಶ್ನಿಸಿದ್ದಾರೆ. ಹಿಂದೆ ಮಸ್ಕ್, ಮ್ಯಾಸ್ಟೊಡಾನ್ ಎನ್ನುವ ಸಾಮಾಜಿಕ ಜಾಲತಾಣ ಸುರಕ್ಷಿತ ಅಲ್ಲ ಎಂದು ಹೇಳಿ ಆ ತಾಣದ ಲಿಂಕ್ಗಳನ್ನು ಟ್ವಿಟರ್ನಲ್ಲಿ ಬ್ಯಾನ್ ಮಾಡಿದ್ದರು. ಜೊತೆಗೇ ಮ್ಯಾಸ್ಟಡಾನ್ನ ಟ್ವಿಟರ್ ಖಾತೆಯನ್ನೂ ಬ್ಯಾನ್ ಮಾಡಿದ್ದರು. ಈ ಆ್ಯಪ್ ಕೂಡ ಟ್ವಿಟರ್ನ ಸ್ಪರ್ಧಿ ಎಂದು ಪರಿಗಣಿಸಲಾಗಿದೆ. ಅದಕ್ಕೆ ತಮ್ಮ ಟ್ವೀಟ್ನಲ್ಲಿ ಪ್ರತಿಕ್ರಿಯೆ ನೀಡಿದ್ದ ಮಯಾಂಕ್, ‘ಇವರಿಗೆ ಇನ್ನೆಷ್ಟು ಅಧಿಕಾರ ಬೇಕು?’ ಎಂದು ಪ್ರಶ್ನಿಸಿದ್ದರು.
ಇದಾದ ಮೇಲೆ ಕೂ ಆ್ಯಪ್ಗೆ ಸಂಬಂಧಪಟ್ಟ ಟ್ವಿಟರ್ನ ಅಕೌಂಟ್ಅನ್ನು ಸಸ್ಪೆಂಡ್ ಮಾಡಲಾಗಿದೆ. ಈ ಅಕೌಂಟ್, ಕೂ ಕ್ವೆರೀಸ್ ಎನ್ನುವ ಅಕೌಂಟ್ಅನ್ನು ಬ್ಯಾನ್ ಮಾಡಲಾಗಿದೆ. ಈ ಅಕೌಂಟ್ ಮುಖಾಂತರ ಜನರು ಕೂ ಆ್ಯಪ್ಗೆ ಸಂಬಂಧಪಟ್ಟ ಸಂದೇಹಗಳನ್ನು ಕೇಳುತ್ತಿದ್ದರು. ಇನ್ನು ಆ ಆಯ್ಕೆ ಇಲ್ಲದ ಹಾಗೆ ಆಗಿದೆ. ಈಗ ಟ್ವಿಟರ್ಗೆ ಸ್ಪರ್ಧೆ ನೀಡುವ ಎಲ್ಲಾ ಸಾಮಾಜಿಕ ಜಾಲತಾಣಗಳನ್ನೂ ಎಲಾನ್ ಮಸ್ಕ್ ಟಾರ್ಗೆಟ್ ಮಾಡುತ್ತಿದ್ದಾರೆ.
ಈಗ, ಗುರುವಾರ ರಾತ್ರಿ ಟ್ವಿಟರ್ನಿಂದ ಬ್ಯಾನ್ ಆದ ಹಲವಾರು ಪತ್ರಕರ್ತರು, ಮಸ್ಕ್ನ ಹೊಸ ನೀತಿ ಮತ್ತು ಅದನ್ನು ಹೇರಲು ಮಸ್ಕ್ ಬಳಸುತ್ತಿರುವ ಹುಚ್ಚು ಲಾಜಿಕ್ ಬಗ್ಗೆ ಟೀಕಿಸಿ ಬರೆಯುತ್ತಿದ್ದಾರೆ. (ಏಜೆನ್ಸೀಸ್)