ವಾಷಿಂಗ್ಟನ್: ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಕಾರ್ಯವೈಖರಿ ಒಂದಿಲ್ಲೊಂದು ಕಾರಣಕ್ಕೆ ಸುದ್ದಿಯಾಗುತ್ತಿದೆ. ವಿವಾದಕ್ಕೀಡಾಗುತ್ತಿದೆ. ಇವೆಲ್ಲದರ ನಡುವೆ, ಅಧ್ಯಕ್ಷೀಯ ಚುನಾವಣೆ ಸಮೀಪದಲ್ಲಿರುವಾಗಲೇ ಅವರು ಭಾರಿ ಎಡವಟ್ಟು ಮಾಡಿಕೊಂಡಿದ್ದಾರೆ.
ತನ್ನ ಬೆಂಬಲಿಗರ ಕೂಗುತ್ತಿದ್ದ ವೈಟ್ ಪವರ್ ಘೋಷಣೆಯ ವಿಡಿಯೋವನ್ನು ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಟ್ವೀಟ್ ಮಾಡಿದ್ದರು. ಈ ಘೋಷಣೆ ಜನಾಂಗೀಯ ಧೋರಣೆಗೆ ಸಂಬಂಧಿಸಿದ್ದಾಗುತ್ತದೆ ಎಂಬ ತಪ್ಪಿನ ಅರಿವು ಅವರಿಗೆ ಆಗುತ್ತಲೇ ಆ ವಿವಾದಾತ್ಮಕ ವಿಡಿಯೋ ಟ್ವೀಟ್ ಅನ್ನು ಟ್ರಂಪ್ ಡಿಲೀಟ್ ಮಾಡಿದ್ದಾರೆ.
ಇದನ್ನೂ ಓದಿ: ‘ಕರೊನಾ ಕವಚ್’ ಇದ್ದರೆ ಸಾಕು ಚಿಂತೆ ದೂರ
ವಿಡಿಯೋ ದೃಶ್ಯ ದ ವಿಲೇಜಸ್ ಎಂಬ ಫ್ಲೋರಿಡಾ ರಿಟೈರ್ಮೆಂಟ್ ಕಮ್ಯೂನಿಟಿಯದ್ದಾಗಿತ್ತು. ಅಲ್ಲಿ ಟ್ರಂಪ್ ಪರ ಮತ್ತು ವಿರೋಧಿಗಳು ಎದುರುಬದುರು ಪ್ರತಿಭಟನೆ ನಡೆಸುತ್ತಿದ್ದ ವೇಳೆ ಈ ವೈಟ್ ಪವರ್ ಘೋಷಣೆಯನ್ನು ಅವರು ಕೂಗಿದ್ದರು. ಈ ವಿಡಿಯೋವನ್ನೇ ಟ್ರಂಪ್ ಭಾನುವಾರ ಟ್ವೀಟ್ ಮಾಡಿದ್ದು, ಥಾಂಕ್ ಯೂ ಟು ದ ಗ್ರೇಟ್ ಪೀಪಲ್ ಆಫ್ ದ ವಿಲೇಜಸ್ ಎಂಬ ಮೆಚ್ಚುಗೆಯನ್ನೂ ವ್ಯಕ್ತಪಡಿಸಿದ್ದರು.
ಇದನ್ನೂ ಓದಿ: ಕರೊನಾ ಹೊಸ ದಾಖಲೆ; ದೇಶಾದ್ಯಂತ ಒಂದೇ ದಿನ 20 ಸಾವಿರಕ್ಕೂ ಅಧಿಕ ಪ್ರಕರಣ ಪತ್ತೆ
ಈ ಬಗ್ಗೆ ಸ್ಪಷ್ಟೀಕರಣ ನೀಡಿರುವ ವೈಟ್ ಹೌಸ್, ಅಧ್ಯಕ್ಷರಿಗೆ ವೈಟ್ ಪವರ್ ಎಂಬ ಪದ ಕೇಳಿಸಿರಲಿಲ್ಲ. ಪ್ರಮಾದವಶಾತ್ ಆ ವಿಡಿಯೋವನ್ನು ಅವರು ಟ್ವೀಟ್ ಮಾಡಿದ್ದರು ಎಂದು ಸಮಜಾಯಿಸಿ ನೀಡಿದೆ. ವೈಟ್ಹೌಸ್ನ ವಕ್ತಾರ ಜುಡ್ ಡೀರೆ ಈ ಬಗ್ಗೆ ಮಾತನಾಡಿದ್ದು, ಪ್ರೆಸಿಡೆಂಟ್ ಟ್ರಂಪ್ ಅವರು ದ ವಿಲೇಜಸ್ನ ಭಾರಿ ದೊಡ್ಡ ಅಭಿಮಾನಿ. ವಿಡಿಯೋದಲ್ಲಿದ್ದ ಘೋಷಣೆಯನ್ನು ಅವರು ಆಲಿಸಿರಲಿಲ್ಲ. ಅವರ ಬೆಂಬಲಿಗರ ಭಾರಿ ಉತ್ಸಾಹವನ್ನಷ್ಟೇ ಅವರು ಗಮನಿಸಿ ವಿಡಿಯೋವನ್ನು ಟ್ವೀಟ್ ಮಾಡಿದ್ದರು ಎಂದು ಪ್ರತಿಕ್ರಿಯಿಸಿದ್ದಾರೆ. ಆದರೆ, ಬೆಂಬಲಿಗರ ಘೋಷಣೆಯನ್ನು ಟ್ರಂಪ್ ಖಂಡಿಸಿದ್ದಾರೆಯೇ ಎಂಬ ಸುದ್ದಿಗಾರರ ಪ್ರಶ್ನೆಗೆ ವೈಟ್ ಹೌಸ್ ಪ್ರತಿಕ್ರಿಯಿಸಿಲ್ಲ ಎಂದು ವರದಿಯಾಗಿದೆ. (ಏಜೆನ್ಸೀಸ್)
ಗಲ್ವಾನ್ ನದಿ ತಿರುವಿನಲ್ಲಿ ಬೀಡುಬಿಟ್ಟಿದೆ; ಚೀನಾ ಸೇನೆ 16ಕ್ಕೂ ಹೆಚ್ಚು ಶಿಬಿರ ನಿರ್ಮಾಣ