ನವದೆಹಲಿ: ಸದಾ ಸುದ್ದಿಯಲ್ಲಿರುವ ಎಲಾನ್ ಮಸ್ಕ್ ಇತ್ತೀಚೆಗೆ ಅಮೆರಿಕ ಮಾಜಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ರ ಬ್ಯಾನ್ ಆಗಿದ್ದ ಖಾತೆಯನ್ನು ಮತ್ತೆ ತೆರೆಸಿದ್ದರು. ಆದರೆ ವಿಚಿತ್ರ ಎಂದರೆ ಟ್ವಿಟರ್ನಂತಹ ಪ್ರಬಲ ಸಾಮಾಜಿಕ ಜಾಲತಾಣವನ್ನೇ ತಿರಸ್ಕರಿಸಿದ್ದಾರೆ!
ಅಮೆರಿಕ ಮಾಜಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ತಮ್ಮ ಖಾತೆಯನ್ನು ಬ್ಯಾನ್ನಿಂದ ತೆಗೆದಿದ್ದರೂ ಟ್ವಿಟರ್ಅನ್ನು ತಿರಸ್ಕರಿಸಿದ್ದಾರೆ. ‘ಈಗ ಟ್ವಿಟರ್ಗೆ ಮರಳಲು ಯಾವುದೇ ಕಾರಣ ಕಾಣುತ್ತಿಲ್ಲ’ ಎಂದು ಟ್ರಂಪ್ ಹೇಳಿದ್ದಾರೆ. ರಿಪಬ್ಲಿಕನ್ ಯಹೂದಿ ಒಕ್ಕೂಟದ ವಾರ್ಷಿಕ ಸಭೆಯಲ್ಲಿ ಸಮಿತಿಯನ್ನು ಉದ್ದೇಶಿಸಿ ಮಾತನಾಡಿದ ಟ್ರಂಪ್ ‘ನನಗೆ ಟ್ವಿಟರ್ಗೆ ಮತ್ತೆ ಬರಲು ಯಾವುದೇ ರೀತಿಯ ಕಾರಣ ಕಾಣಿಸುತ್ತಿಲ್ಲ’ ಅಮೆರಿಕದ ಮಾಜಿ ಅಧ್ಯಕ್ಷ ತಮ್ಮ ಟ್ರಂಪ್ ಮೀಡಿಯಾ ಮತ್ತು ಟೆಕ್ನಾಲಜಿ ಗ್ರೂಪ್ (ಟಿಎಮ್‌ಟಿಜಿ) ಅಭಿವೃದ್ಧಿಪಡಿಸಿರುವ ಟ್ರೂತ್ ಸೋಶಿಯಲ್ ಎಂಬ ತಮ್ಮದೇ ಆದ ವೇದಿಕೆಯ ಮುಖಾಂತರ ಜನರನ್ನು ತಲುಪುವುದಾಗಿ ಹೇಳಿದರು.
ಸಮೀಕ್ಷೆಯ ಆಧಾರದ ಮೇಲೆಎಲಾನ್ ಮಸ್ಕ್ ಭಾನುವಾರ ಟ್ವಿಟರ್ಗೆ ವಾಪಸ್ಸಾಗಲು ಟ್ರಂಪ್‌ಗೆ ಅವಕಾಶ ನೀಡಲಾಗಿದೆ ಎಂದು ಘೋಷಿಸಿದ್ದರು. ಈ ಬಗ್ಗೆ ಟ್ವೀಟ್ ಮಾಡಿರುವ ಎಲಾನ್ ಮಸ್ಕ್ ‘ಜನರು ಮಾತನಾಡಿದ್ದಾರೆ. ಟ್ರಂಪ್ರ ಖಾತೆಯನ್ನು ಬ್ಯಾನ್ನಿಂದ ತೆಗೆಯುತ್ತಿದ್ದೇವೆ’ ಎಂದು ಟ್ವೀಟ್ ಮಾಡಿದ್ದರು. ತಮ್ಮ ಟ್ವೀಟ್ನಲ್ಲಿ ‘ವೋಕ್ಸ್ ಪಾಪುಲಿ, ವೋಕ್ಸ್ ಡೀ’ ಎಂದು ಮಸಕ್ ಬರೆದಿದ್ದು ಇದರರ್ಥ ‘ಜನರ ಧ್ವನಿ ದೇವರ ಧ್ವನಿ’
ಈ ಮಧ್ಯೆ ಟ್ವಿಟರ್‌ನ ಅಮೆರಿಕದ ಕಂಟೆಂಟ್ ಪಾಲುದಾರಿಕೆಗಳ ಮುಖ್ಯಸ್ಥೆ ಸಾರಾ ರೋಸೆನ್, ಎಲಾನ್ ಮಸ್ಕ್ ಟ್ರಂಪ್ ಅವರ ಖಾತೆಯನ್ನು ಆ್ಯಕ್ಟಿವೇಟ್ ಮಾಡಿದ ನಂತರ ತಾವು ಟ್ವಿಟರ್ ತ್ಯಜಿಸುವುದಾಗಿ ಘೋಷಿಸಿದ್ದಾರೆ. ಅಂದರೆ ಎಲಾನ್ ಮಸ್ಕ್ ಉದ್ದೇಶಿಸಿದ್ದು ನಡೆದಿಲ್ಲ. ಬದಲಾಗಿ ಮತ್ತೋರ್ವ ಮುಖ್ಯ ಸ್ಥಾನದಲ್ಲಿದ್ದ ಉದ್ಯೋಗಿಯನ್ನು ಕಳೆದುಕೊಂಡಿದ್ದಾರೆ. (ಏಜೆನ್ಸೀಸ್)