ಬೆಂಗಳೂರು: ‘ಪುಷ್ಪ’, ‘ಕೆಜಿಎಫ್’, ‘ಆರ್ಆರ್ಆರ್’ ಮತ್ತು ‘ಕಾರ್ತಿಕೇಯ 2’ ಚಿತ್ರಗಳ ಯಶಸ್ಸು ದಕ್ಷಿಣದ ಕಲಾವಿದರನ್ನು ಪ್ಯಾನ್ ಇಂಡಿಯಾದತ್ತ ಗಮನ ಹರಿಸುವಂತೆ ಮಾಡಿವೆ. ಹೀಗಾಗಿಯೇ ಚಿತ್ರರಂಗದ ಮಂದಿಯನ್ನು ಕೇವಲ ಒಂದು ಭಾಷೆಗೆ, ಒಂದು ರಾಜ್ಯಕ್ಕೆ ಮಾತ್ರ ಸೀಮಿತವಾಗದೇ ದೊಡ್ಡ ಮಟ್ಟದಲ್ಲಿ ಯೋಚಿಸುವಂತೆ ಮಾಡಿದೆ.
ಇದೇ ನಿಟ್ಟಿನಲ್ಲಿ ಯೋಚಿಸಿರುವ ನಟ, ನಿರ್ದೇಶಕ ವಿಶ್ವಕ್ ಸೇನ್ ಪ್ಯಾನ್ ಇಂಡಿಯಾ ಸಿನಿಮಾದೊಂದಿಗೆ ರೆಡಿಯಾಗುತ್ತಿದ್ದಾರೆ. ‘ಲಕ್ನುಮಾ ದಾಸ್’, ‘ಹಿಟ್’, ‘ಪಾಗಲ್’ ಚಿತ್ರಗಳ ನಟ ವಿಶ್ವಕ್ ಸೇನ್ ಅವರೇ ನಾಯಕನಾಗಿ ನಟಿಸಿ, ನಿರ್ದೇಶಿಸುತ್ತಿರುವ ‘ಧಮ್ಕಿ’ ಚಿತ್ರ ತೆಲುಗು, ಕನ್ನಡ, ತಮಿಳು, ಹಿಂದಿ ಹಾಗೂ ಮಲಯಾಳಂ ಭಾಷೆಗಳಲ್ಲಿ ತೆರೆಗೆ ಬರಲಿದೆ.
‘ಪಾಗಲ್’ ಚಿತ್ರದಲ್ಲಿ ವಿಶ್ವಕ್ಗೆ ನಾಯಕಿಯಾಗಿದ್ದ ನಿವೇತಾ ಪೇತುರಾಜ್ “ಧಮ್ಕಿ’ ಚಿತ್ರದಲ್ಲೂ ಅವರಿಗೆ ಜೋಡಿಯಾಗಿದ್ದು, ಈಗಾಗಲೇ ಶೇಕಡಾ 95ರಷ್ಟು ಚಿತ್ರೀಕರಣ ಪೂರ್ಣಗೊಂಡಿದೆ. ಸದ್ಯ ಕ್ಲೈಮ್ಯಾಕ್ಸ್ ಚಿತ್ರೀಕರಣಕ್ಕಾಗಿ ಹೈದರಾಬಾದ್ನ ಸಾರಥಿ ಸ್ಟುಡಿಯೋದಲ್ಲಿ ಅದ್ಧೂರಿ ಸೆಟ್ ಹಾಕಲಾಗಿದ್ದು, ಕೊನೆಯ ಹಂತದ ಶೂಟಿಂಗ್ ನಡೆಯುತ್ತಿದೆ. ಆದಷ್ಟು ಬೇಗ ಚಿತ್ರೀಕರಣ ಪೂರ್ಣಗೊಳಿಸಿ, ದೀಪಾವಳಿ ಹಬ್ಬಕ್ಕೆ ಮೊದಲ ನೋಟ ಬಿಡುಗಡೆ ಮಾಡುವ ಆಲೋಚನೆ ಚಿತ್ರತಂಡದ್ದು.
ಇದನ್ನೂ ಓದಿ: ನಮ್ಮನ್ನು ಬದುಕಲು ಬಿಡಿ: ನೆಟ್ಟಿಗರ ಕಾಟ ಸಹಿಸದೇ ನಟಿ, ನಿರ್ಮಾಪಕಿ ಚಾರ್ಮಿ ಕೌರ್ ತೆಗೆದುಕೊಂಡ ನಿರ್ಧಾರವಿದು…
ವಿಶ್ವಕ್ ಸೇನ್, ನಿವೇತಾ ಪೇತುರಾಜ್ ಜತೆಗೆ ರಾವ್ ರಮೇಶ್, ಹೈಪರ್ ಆದಿ, ರೋಹಿಣಿ, ಪೃಥ್ವಿರಾಜ್ ಚಿತ್ರದ ಪ್ರಮುಖ ತಾರಾಗಣದಲ್ಲಿದ್ದಾರೆ.