ಟೋಕಿಯೊ: ಟೋಕಿಯೊ ಪ್ಯಾರಾಲಿಂಪಿಕ್ಸ್ನಲ್ಲಿ ಭಾರತದ ಕ್ರೀಡಾಪಟುಗಳು ಪದಕ ಬೇಟೆಯನ್ನು ಮುಂದುವರಿದಿದ್ದು, ಮಿಶ್ರ 50 ಮೀಟರ್ ಪಿಸ್ತೂಲ್ (ಎಸ್ಎಚ್1) ವಿಭಾಗದಲ್ಲಿ ಪ್ಯಾರಾ ಶೂಟರ್ ಮನೀಶ್ ನರ್ವಾಲ್ ಚಿನ್ನದ ಪದಕ ಗೆದ್ದರೆ, ಸಿಂಗರಾಜ್ ಅಧನಾ ಬೆಳ್ಳಿ ಪದಕಕ್ಕೆ ಕೊರಳೊಡ್ಡಿದ್ದಾರೆ.
ಶನಿವಾರ ನಡೆದ ಮಿಶ್ರ 50 ಮೀಟರ್ ಪಿಸ್ತೂಲ್ ಎಸ್ಎಚ್ 1 ಈವೆಂಟ್ನಲ್ಲಿ ಮನೀಶ್ ಮತ್ತು ಸಿಂಗರಾಜ್ ಚಿನ್ನ ಮತ್ತು ಬೆಳ್ಳಿ ಪದಕ ಗೆಲ್ಲುವ ಮೂಲಕ ಭಾರತದ ಒಟ್ಟು ಪದಕಗಳ ಸಂಖ್ಯೆ 15ಕ್ಕೇರಿದೆ.
ಇದೇ ಸಂದರ್ಭದಲ್ಲಿ ಮನೀಶ್ ನರ್ವಾಲ್ ಅವರು ಮಿಶ್ರ 50 ಮೀಟರ್ ಪಿಸ್ತೂಲ್ ಎಸ್ಎಚ್ 1 ಫೈನಲ್ ಈವೆಂಟ್ನಲ್ಲಿ 218.2 ಅಂಕಗಳೊಂದಿಗೆ ಪ್ಯಾರಾಲಿಂಪಿಕ್ಸ್ ಹೊಸ ದಾಖಲೆಯನ್ನು ಬರೆದಿದ್ದಾರೆ. ಸಿಂಗರಾಜ್ 216.7 ಅಂಕಗಳನ್ನು ಗಳಿಸಿದರು.
14 ಶೂಟ್ಸ್ ನಂತರ ಭಾರತೀಯರು ನಾಲ್ಕನೇ ಮತ್ತು ಐದನೇ ಸ್ಥಾನಕ್ಕೆ ಕುಸಿದರು ಮತ್ತು ಎಲಿಮಿನೇಶನ್ ಅಂಚಿಗೆ ತಲುಪಿದ್ದರು. ಆದರೆ, ನಂತರದಲ್ಲಿ ಮನೀಶ್ ಮತ್ತು ಸಿಂಗರಾಜ್ ಅದ್ಭುತ ಪ್ರದರ್ಶನ ನೀಡಿದರು. ಪದಕ ಬೇಟೆಯ ಗುರಿ ಬೆನ್ನತ್ತಿದೆ ಇಬ್ಬರು ಮತ್ತೆ ಹಿಂದೆ ತಿರುಗಿ ನೋಡಲೇ ಇಲ್ಲ.
ಆಗಸ್ಟ್ 31ರ ಮಂಗಳವಾರವಷ್ಟೇ ಸಿಂಗರಾಜ್ ಅಧನಾ ಟೋಕಿಯೊ ಪ್ಯಾರಾಲಿಂಪಿಕ್ಸ್ ಪುರುಷರ 10 ಮೀ ಏರ್ ಪಿಸ್ತೂಲ್ ಎಸ್ಎಚ್ 1 ಸ್ಪರ್ಧೆಯಲ್ಲಿ ಭಾರತಕ್ಕೆ ಕಂಚಿನ ಪದಕ ಗೆದ್ದಿದ್ದರು. ಇದೀಗ ಬೆಳ್ಳಿ ಗೆದ್ದಿದ್ದು, ಟೋಕಿಯೊ ಪ್ಯಾರಾಲಿಂಪಿಕ್ ಕ್ರೀಡಾಕೂಟದ ಈ ಆವೃತ್ತಿಯಲ್ಲಿ ಸಿಂಗರಾಜ್ ಅವರ ಎರಡನೇ ಪದಕವಾಗಿದೆ. (ಏಜೆನ್ಸೀಸ್)
#GOLD for 19-year-old Manish Narwal! 🤯#IND have won their 14th #Paralympics medal, completing a 1-2 in the Mixed 50m Pistol SH1 Final with Singhraj Adhana finishing 2⃣nd! 💪#Tokyo2020 #ShootingParaSport pic.twitter.com/Wvkx8enKnE
— #Tokyo2020 for India (@Tokyo2020hi) September 4, 2021
ಟೋಕಿಯೊ ಪ್ಯಾರಾಲಿಂಪಿಕ್ಸ್ನಲ್ಲಿ ಭಾರತಕ್ಕೆ ಮತ್ತೊಂದು ಪದಕ: ಬೆಳ್ಳಿ ಗೆದ್ದ ಪ್ಯಾರಾ ಪ್ರವೀಣ್ಗೆ ಪ್ರಧಾನಿ ಅಭಿನಂದನೆ