ಟೋಕಿಯೊ ಪ್ಯಾರಾಲಿಂಪಿಕ್ಸ್‌ನಲ್ಲಿ ಭಾರತಕ್ಕೆ ಮತ್ತೊಂದು ಪದಕ: ಬೆಳ್ಳಿ ಗೆದ್ದ ಪ್ಯಾರಾ ಪ್ರವೀಣ್​ಗೆ ಪ್ರಧಾನಿ ಅಭಿನಂದನೆ

ಟೋಕಿಯೊ: ಟೋಕಿಯೊ ಪ್ಯಾರಾಲಿಂಪಿಕ್ಸ್‌ನಲ್ಲಿ ಭಾರತದ ಕ್ರೀಡಾಪಟುಗಳ ಪದಕ ಬೇಟೆ ಮುಂದುವರಿದಿದ್ದು, ಪ್ಯಾರಾ ಹೈಜಂಪರ್​ ಪ್ರವೀಣ್​ ಕುಮಾರ್​ ಶುಕ್ರವಾರ ಬೆಳ್ಳಿಯ ಪದಕವನ್ನು ಜಯಿಸಿದ್ದಾರೆ. ಈ ಮೂಲಕ ಪ್ಯಾರಾಲಿಂಪಿಕ್ಸ್‌ನಲ್ಲಿ ಭಾರತದ ಪದಕಗಳ ಸಂಖ್ಯೆ 11ಕ್ಕೇರಿದೆ.

2.07 ಮೀಟರ್​ ಎತ್ತರ ಜಿಗಿಯು ಮೂಲಕ ಪ್ರವೀಣ್​ ಕುಮಾರ್​ ಏಷಿಯನ್ ದಾಖಲೆಯನ್ನು ಮುರಿದರು. ಗ್ರೇಟ್​ ಬ್ರಿಟನ್​ನ ಜೊನಾಥನ್​ ಬ್ರೂಮ್​ ಎಡ್ವರ್ಸ್​ 2.10 ಮೀಟರ್​ ಜಿಗಿಯುವುದರೊಂದಿಗೆ ಚಿನ್ನದ ಪದಕ ಜಯಿಸಿದರೆ, ಎರಡನೇ ಸ್ಥಾನಕ್ಕೆ ತೃಪ್ತಿಪಟ್ಟುಕೊಂಡ ಪ್ರವೀಣ್​ ಬೆಳ್ಳಿ ಪದಕಕ್ಕೆ ಕೊರಳೊಡ್ಡಿದ್ದಾರೆ. ​

ನಿಶಾದ್​ ಕುಮಾರ್​, ಮರಿಯಪ್ಪನ್​ ಥಂಗವೇಲು ಮತ್ತು ಶರದ್​ ಕುಮಾರ್​ ಬಳಿಕ ಪುರುಷರ ಹೈಜಂಪ್​ ಸ್ಪರ್ಧೆಯಲ್ಲಿ ಪದಕ ಜಯಿಸಿದ ನಾಲ್ಕನೇ ಪದಕ ವಿಜೇತ ಎಂಬ ಹೆಗ್ಗಳಿಕೆ ಹೊಂದಿದ್ದಾರೆ.

ಪ್ರವೀಣ್​ ಪದಕ ಜಯಿಸುತ್ತಿದ್ದಂತೆ ಟ್ವೀಟ್​ ಮೂಲಕ ಪ್ರಧಾನಿ ನರೇಂದ್ರ ಮೋದಿ ಅವರು ಅಭಿನಂದನೆ ಸಲ್ಲಿಸಿದ್ದಾರೆ. ಪ್ಯಾರಾಲಿಂಪಿಕ್ಸ್‌ನಲ್ಲಿ ಬೆಳ್ಳಿ ಪದಕ ಗೆದ್ದ ಪ್ರವೀಣ್ ಕುಮಾರ್ ನಮ್ಮ ಹೆಮ್ಮೆ. ಈ ಪದಕ ಅವರ ಕಠಿಣ ಪರಿಶ್ರಮ ಮತ್ತು ಅಪ್ರತಿಮ ಸಮರ್ಪಣೆಯ ಫಲಿತಾಂಶವಾಗಿದೆ. ಅವರಿಗೆ ಅಭಿನಂದನೆಗಳು. ಅವರ ಮುಂದಿನ ಪ್ರಯತ್ನಗಳಿಗೆ ಶುಭ ಹಾರೈಕೆಗಳು ಎಂದಿದ್ದಾರೆ. (ಏಜೆನ್ಸೀಸ್​)

https://www.vijayavani.net/mariyappan-sharad-win-silver-and-bronze-in-high-jump-indias-paralympic-medal-tally-hits-double-digits/

https://www.vijayavani.net/44-dead-as-flash-floods-hit-new-york-area-in-historic-weather-event/

https://www.vijayavani.net/sudeep-fans-ballary-sandur-animal-sacrifice-police-case/