ನವದೆಹಲಿ: ಗೂಡಿನಲ್ಲಿ ತುಂಬಿಟ್ಟಿದ್ದ ನೂರಾರು ಹಸಿರು ಗಿಣಿಗಳನ್ನು ಬಿಡುಗಡೆ ಮಾಡುತ್ತಿರುವ ವೀಡಿಯೋ ತುಣುಕೊಂದು ನೆಟ್ಟಿಗರ ಮನ ಗೆದ್ದಿದೆ. ಕೆಲವೇ ಗಂಟೆಗಳಲ್ಲಿ 30,000 ಕ್ಕೂ ಹೆಚ್ಚು ವ್ಯೂಗಳನ್ನು ಪಡೆದಿರುವ ಈ ಟ್ವೀಟ್ಗೆ “ಸ್ವಾತಂತ್ರ್ಯ ಅನ್ನೋದು ಕಾಣೋದು ಹೀಗೆ” ಎಂಬ ತಲೆಬರಹ ನೀಡಲಾಗಿದೆ.
ಇಂಡಿಯನ್ ಫಾರೆಸ್ಟ್ ಸರ್ವೀಸ್ (ಐಎಫ್ಎಸ್) ಅಧಿಕಾರಿ ಪರ್ವೀನ್ ಕಾಸ್ವಾನ್ ಅವರು ಭಾನುವಾರ ಬೆಳಿಗ್ಗೆ ತಮ್ಮ ಟ್ವಿಟರ್ ಖಾತೆಯಲ್ಲಿ ಹಲವಾರು ಗಿಣಿಗಳ ಮುಖವನ್ನು ಬಟ್ಟೆಯಿಂದ ಮುಚ್ಚಿ ಗೂಡಿನಲ್ಲಿಟ್ಟಿದ್ದ ಫೋಟೋ ಒಂದನ್ನು ಶೇರ್ ಮಾಡಿದ್ದರು. “ನೀವು ಸ್ಥಳೀಯ ಮಾರುಕಟ್ಟೆಗಳಲ್ಲಿ ಖರೀದಿಸುವ ಹಕ್ಕಿಗಳನ್ನು ಈ ರೀತಿಯಾಗಿ ಸಾಗಣೆ ಮಾಡುತ್ತಾರೆ. ಖರೀದಿಸಬೇಡಿ” ಎಂದವರು ಮನವಿ ಮಾಡಿದ್ದರು. ಈ ಟ್ವೀಟ್ಗೆ ಪ್ರತಿಕ್ರಯಿಸಿದ್ದ ಹಲವರು ಕ್ಷಣಿಕ ಸಂತೋಷಕ್ಕಾಗಿ ಪಕ್ಷಿಗಳನ್ನು ಗೂಡಿನಲ್ಲಿಟ್ಟು ಸಾಕುವುದರ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸಿದ್ದರು.
ಇಂದು ಬೆಳಿಗ್ಗೆ 11 ಗಂಟೆಗೆ ಕಾಸ್ವಾನ್ ಮತ್ತೊಂದು ಟ್ವೀಟ್ ಮಾಡಿದರು, ಗೂಡಿನಲ್ಲಿಟ್ಟಿದ್ದ ಪಕ್ಷಿಗಳನ್ನು ಕಾಡಿನಲ್ಲಿ ಹಾರಿಸುತ್ತಿರುವ ವೀಡಿಯೋ ತುಣುಕದು. ಈ ಬಾರಿಯ ತಲೆಬರಹ ಬೇರೆಯೇ ಇತ್ತು. “ಸ್ವಾತಂತ್ರ್ಯ ಅನ್ನೋದು ಕಾಣೋದು ಹೀಗೆ” ಎಂದು ಬರೆದು ಪಕ್ಷಿಗಳನ್ನು ಭಾನುವಾರ ಬಂಧನದಿಂದ ಪಾರಾಗಿಸಿದ ಬಗ್ಗೆ ಹೇಳಿಕೊಂಡಿದ್ದರು.
This is how freedom looks like. Yesterday. Team. pic.twitter.com/0OojqLyv6n
— Parveen Kaswan, IFS (@ParveenKaswan) February 1, 2021
ಸಾವಿರಾರು ವೀಕ್ಷಣೆಗಳನ್ನು ಪಡೆದ ಈ ವೀಡಿಯೋ ತುಣುಕು ಹಲವರ ಮೆಚ್ಚುಗೆಯನ್ನೂ ಪಡೆಯಿತು. ತುಂಬಾ ಒಳ್ಳೆಯ ಕೆಲಸ ಮಾಡಿದ್ದೀರಾ ಎಂದು ಹೊಗಳಿದವರು ಕೆಲವರಾದರೆ, “ಪಕ್ಷಿಗಳನ್ನು ಹಾರಲು ಬಿಡಬೇಕು; ಆಕಾಶವೇ ಅವುಗಳ ಮನೆ” ಎಂದು ಮತ್ತೆ ಕೆಲವರು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.
VIDEO | “ವೆಲ್ಕಮ್ ಟು ದ ಕ್ಲಬ್, ಅಮೆರಿಕ…!”
ಬೇಗೂರು ರಸ್ತೆಯ ಬಳಿ ಮತ್ತೆ ಕಾಣಿಸಿಕೊಂಡ ಚಿರತೆ…