ಬೆಂಗಳೂರು: ರಾಜಧಾನಿಯಲ್ಲಿ ಜಿಲ್ಲಾ ಮಟ್ಟದ ಹಾಗೂ ಅಂತರಕಾಲೇಜು ಮಟ್ಟದ ಪವರ್ಲಿಫ್ಟಿಂಗ್ ಸ್ಪರ್ಧೆ ನಡೆದಿದ್ದು, ಬಲಿಷ್ಠರು ಯಾರು ಎಂಬುದರ ಕುರಿತು ಫಲಿತಾಂಶ ಹೊರಹೊಮ್ಮಿದೆ.
ಬೆಂಗಳೂರು ಜಿಲ್ಲಾ ಮಟ್ಟದ ಪವರ್ಲಿಫ್ಟಿಂಗ್ ಸ್ಪರ್ಧೆಯಲ್ಲಿ ದತ್ತಾತ್ರೇಯ ಸ್ಟ್ರಾಂಗ್ಮ್ಯಾನ್ ಆಫ್ ಬೆಂಗಳೂರು ಹಾಗೂ ಸತ್ಯವತಿ ಸ್ಟ್ರಾಂಗ್ ವುಮನ್ ಆಫ್ ಬೆಂಗಳೂರು ಪ್ರಶಸ್ತಿಯನ್ನು ಗಳಿಸಿದ್ದಾರೆ. ಇವರಿಬ್ಬರೂ ಬೆಂಗಳೂರಿನ ಬಾಲರ್ಕ ಫಿಟ್ನೆಸ್ನ ಪವರ್ಲಿಫ್ಟರ್ಸ್.
ಹಾಗೆಯೇ ಬೆಂಗಳೂರು ಜಿಲ್ಲಾ ಅಂತರಕಾಲೇಜು ಪವರ್ಲಿಫ್ಟಿಂಗ್ ಚಾಂಪಿಯನ್ಷಿಪ್ನಲ್ಲಿ ಸಿಮ್ರಾನ್ ಮಲ್ಲಿಕ್ ಚಿನ್ನದ ಪದಕ ಗೆಲ್ಲುವುದರ ಜತೆಗೆ ಈ ವಿಭಾಗದಲ್ಲಿ ಸ್ಟ್ರಾಂಗ್ ವುಮನ್ ಆಫ್ ಬೆಂಗಳೂರು ಆಗಿ ಹೊರಹೊಮ್ಮಿದ್ದಾರೆ.
ಪ್ರಪ್ರಥಮ ಬೆಂಗಳೂರು ಜಿಲ್ಲಾ ಪವರ್ಲಿಫ್ಟಿಂಗ್ ಹಾಗೂ ಅಂತರಕಾಲೇಜು ಚಾಂಪಿಯನ್ಷಿಪ್ನಲ್ಲಿ 6 ಚಿನ್ನದ ಪದಕ ಹಾಗೂ 2 ಬೆಳ್ಳಿ ಮತ್ತು ಒಂದು ಕಂಚಿನ ಪದಕ ಪಡೆಯುವುದರ ಮೂಲಕ ಅಂತಾರಾಷ್ಟ್ರೀಯ ಮಟ್ಟದ ಪವರ್ಲಿಫ್ಟರ್ ವಿಶ್ವನಾಥ್ ಭಾಸ್ಕರ್ ಅವರ ನೇತೃತ್ವದ ಬಾಲರ್ಕ ಫಿಟ್ನೆಸ್ ‘ಟೀಮ್ ಚಾಂಪಿಯನ್ಶಿಪ್’ ಕೂಡ ತನ್ನದಾಗಿಸಿಕೊಂಡಿದೆ. ಈ ಚಾಂಪಿಯನ್ಷಿಪ್ ಗ್ಲೋಬಲ್ ಅಕಾಡೆಮಿ ಆಫ್ ಟೆಕ್ನಾಲಜಿಯಲ್ಲಿ ಇತ್ತೀಚೆಗೆ ನಡೆದಿತ್ತು.
ಕಾಮನ್ವೆಲ್ತ್ ಗೇಮ್ಸ್, ಭಾರತಕ್ಕೆ ಮತ್ತೊಂದು ಪದಕ; ಕಂಚು ಗೆದ್ದ ಕುಂದಾಪುರದ ಗುರುರಾಜ್ ಪೂಜಾರಿ..
ಬುಲೆಟ್ನ ಹಿಂದೊಂದು ನಂಬರ್, ಮುಂದೊಂದು ನಂಬರ್; 29 ಸಾವಿರ ರೂ. ದಂಡ, ಬೈಕ್ ಸವಾರ ಅಂದರ್