ಲಡಾಕ್: ದೇಶದಲ್ಲಿ ಕರೊನಾ ವೈರಸ್ ಪೀಡಿತರ ಸಂಖ್ಯೆ 61ಕ್ಕೆ ಏರಿಕೆಯಾಗಿದೆ. ಲಡಾಕ್ನಲ್ಲಿ ಹಲವರಲ್ಲಿ ಸೋಂಕು ಇರಬಹುದು ಎಂದು ಶಂಕಿಸಲಾಗಿದ್ದು ಅಲ್ಲಿನ ಸರ್ಕಾರ ಸೋಂಕು ತಡೆಗೆ ಅನೇಕ ಮುನ್ನೆಚ್ಚರಿಕಾ ಕ್ರಮಗಳನ್ನು ತೆಗೆದುಕೊಂಡಿದೆ. ಇದುವರೆಗೆ ಶಾಲೆಗಳಿಗೆ ಮಾತ್ರ ರಜೆ ಘೋಷಿಸಲಾಗಿದ್ದು, ಇಂದು ಕಾಲೇಜುಗಳಿಗೂ ಸಹ ರಜೆ ಘೋಷಣೆ ಮಾಡಲಾಗಿದೆ.
ಲಡಾಕ್ನಲ್ಲಿ ಕರೊನಾ ವೈರಸ್ಗೆ ಮುನ್ನೆಚ್ಚರಿಕಾ ಕ್ರಮವಾಗಿ ಕಳೆದ ವಾರ ಶಾಲೆಗಳಿಗೆ ರಜೆ ಘೋಷಿಸಲಾಗಿತ್ತು. ಸೋಂಕಿತರ ಸಂಖ್ಯೆ ದಿನದಿಂದ ದಿನಕ್ಕೆ ಹೆಚ್ಚಳ ಕಾಣುತ್ತಿದ್ದು ಇಂದು ಕಾಲೇಜುಗಳಿಗೂ ಸಹ ರಜೆ ಘೋಷಣೆ ಮಾಡಲಾಗಿದೆ. ಮಾರ್ಚ್ 31ರವರೆಗೆ ಎಲ್ಲಾ ಶಾಲಾ ಕಾಲೇಜುಗಳಿಗೆ ರಜೆ ನೀಡುರುವುದಾಗಿ ಲಡಾಕ್ನ ಉನ್ನತ ಶಿಕ್ಷಣ ಕಾರ್ಯದರ್ಶಿ ರಿಗ್ಜಿಯಾನ್ ಸಂಪೀಲ್ ಆದೇಶ ಹೊರಡಿಸಿದ್ದಾರೆ.
ಇರಾನ್ನಿಂದ ಲಡಾಕ್ಗೆ ಬಂದಿಳಿದಿದ್ದ 76 ವರ್ಷ ವೃದ್ಧ ಮೃತನಾಗಿದ್ದು ಆತನಲ್ಲಿ ಸೋಂಕಿರಬಹುದು ಎಂದು ಶಂಕಿಸಲಾಗಿತ್ತು. ಆದರೆ ವೈದ್ಯಕೀಯ ತಪಾಸಣೆಯಲ್ಲಿ ಆತನಲ್ಲಿ ಸೋಂಕಿರುವುದು ಧೃಡವಾಗಿಲ್ಲ. ಒಟ್ಟು 27 ಜನರ ರಕ್ತವನ್ನು ಪರೀಕ್ಷೆಗೆ ಕಳುಹಿಸಲಾಗಿದ್ದು, ಅದರಲ್ಲಿ 11 ಜನರ ವರದಿ ಬಂದಿದೆ. ಆ ಪೈಕಿ ಇಬ್ಬರಲ್ಲಿ ಸೋಂಕಿರುವುದು ಧೃಡವಾಗಿದೆ ಎಂದು ಅವರು ರಿಗ್ಜಿಯಾನ್ ಸಂಪೀಲ್ ತಿಳಿಸಿದ್ದಾರೆ. (ಏಜೆನ್ಸೀಸ್)
ಟೆಕ್ಕಿಗಳೇ ಹುಷಾರ್!: ಬೆಂಗಳೂರಿನ ಎರಡು ಟಾಪ್ ಟೆಕ್ ಕಂಪನಿಗಳಲ್ಲೇ ಕರೊನಾ ಕಾಣಿಸಿಕೊಂಡಿದ್ದು