ನ್ಯೂಯಾರ್ಕ್: ಜಗತ್ತಿನ ಅತಿ ಶ್ರೀಮಂತರ ಪಟ್ಟಿಯಲ್ಲಿ ಏಳನೇ ಸ್ಥಾನದಲ್ಲಿರುವ ಎಲಾನ್ ಮಸ್ಕ್ ಒಂದೇ ದಿನ ಬರೋಬ್ಬರಿ 1.19 ಲಕ್ಷ ಕೋಟಿ ರೂ. ಕಳೆದುಕೊಂಡಿದ್ದಾರೆ….!
ಬ್ಲೂಮ್ಬರ್ಗ್ಸ್ ಬಿಲಿಯನೇರ್ಗಳ ಪಟ್ಟಿಯಲ್ಲಿ ಒಂದೇ ದಿನ 16.3 ಬಿಲಿಯನ್ ಡಾಲರ್ ( ಅಂದಾಜು 1.19 ಲಕ್ಷ ಕೋಟಿ ರೂ.) ಗಳಷ್ಟು ಬಡವರಾಗಿದ್ದಾರೆ. ಬ್ಲೂಮ್ಬರ್ಗ್ಸ್ನ ಇತಿಹಾಸದಲ್ಲಿಯೇ ಇದು ಅತಿದೊಡ್ಡ ಕುಸಿತವಾಗಿದೆ.
ಇದನ್ನೂ ಓದಿ; ಎಲಾನ್ ಮಸ್ಕ್ ಕಂಪನಿಯಿಂದ ಹಂದಿ ಮಿದುಳಿನಲ್ಲಿ ಕಂಪ್ಯೂಟರ್ ಚಿಪ್; ಶೀಘ್ರದಲ್ಲಿ ಮಾನವರಿಗೂ ಅಳವಡಿಕೆ
ಇಷ್ಟಕ್ಕೂ ಈ ಕುಸಿತಕ್ಕೆ ಕಾರಣವೆಂದರೆ, ಎಲಾನ್ ಮಸ್ಕ್ ಒಡೆತನದ ಎಲೆಕ್ಟ್ರಿಕ್ ಕಾರುಗಳ ಒಡೆತನದ ಕಂಪನಿ ಟೆಸ್ಲಾ ಕಂಪನಿಯ ಷೇರುಗಳು ಶೇ.21ರಷ್ಟು ಕುಸಿತ ಕಂಡಿವೆ. ಈ ಕ್ಷೇತ್ರದಲ್ಲಿ ಟೆಸ್ಲಾಗೆ ಎದುರಾಳಿಗಳಾಗಿರುವ ನಿಕೊಲಾ ಕಾರ್ಪ್ ಹಾಗೂ ಜನರಲ್ ಮೋಟರ್ಸ್ ಜತೆಗೆ ಪಾಲುದಾರಿಕೆಗೆ ಮುಂದಾಗಿರುವುದು.
ಕಳೆದೊಂದು ವಾರದಿಂದ ಇಂಥದ್ದೊಂದು ಸುದ್ದಿ ಹರಿದಾಡುತ್ತಿದ್ದಂತೆ ಕಂಪನಿ ಷೇರು ಮಾರಾಟ ತೀವ್ರವಾಗಿತ್ತು. ಇದೀಗ ನ್ಯೂಯಾರ್ಕ್ ಷೇರು ಮಾರುಕಟ್ಟೆಯಲ್ಲಿ ದಾಖಲೆ ಪ್ರಮಾಣದಲ್ಲಿ ಕುಸಿತ ಕಂಡಿದೆ. ಇದಲ್ಲದೇ ಎಸ್ ಆ್ಯಂಡ್ ಪಿ ಪಟ್ಟಿಯಲ್ಲಿ ಕಾಣಿಸಿಕೊಂಡಿದ್ದಕ್ಕೂ ಹೂಡಿಕೆದಾರರಲ್ಲಿ ಅಸಮಾಧಾನವಿತ್ತು.
ಇದನ್ನೂ ಓದಿ; ಒಂದು ಟ್ವಿಟ್ನಿಂದಾಗಿ ಆತ ಕಳೆದುಕೊಂಡ ಮೊತ್ತ 22 ಸಾವಿರ ಕೋಟಿ…!
ಎಲಾನ್ ಮಸ್ಕ್ ಮಾತ್ರವಲ್ಲ, ಜಗತ್ತಿನ ಅತಿ ಶ್ರೀಮಂತ್ ವ್ಯಕ್ತಿ ಅಮೆಜಾನ್ ಸಂಸ್ಥಾಪಕ ಜೆಫ್ ಬಿಜೋಸ್ ಕೂಡ 58 ಸಾವಿರ ಕೋಟಿ ರೂ. ಕಳೆದುಕೊಂಡಿದ್ದಾರೆ. ಇನ್ನೊಂದೆಡೆ, ಷೇರು ಮಾರುಕಟ್ಟೆಯಲ್ಲಿ ಐಪಿಒಗೆ ದೊರೆತ ಅದ್ಭುತ ಪ್ರತಿಕ್ರಿಯೆಯಿಂದಾಗಿ ಚೀನಾದ ಜಾಂಗ್ ಶಾನ್ಶಾನ್ 2.20 ಲಕ್ಷ ಕೋಟಿ ಆದಾಯ ಪಡೆದುಕೊಂಡು ಚೀನಾದ ಶ್ರೀಮಂತರಲ್ಲಿ ಮೂರನೇ ಸ್ಥಾನಕ್ಕೆ ಬಂದಿದ್ದಾರೆ. ಈ ಹಿಂದೆಯೂ ಎಲಾನ್ ಮಸ್ಕ್ ಒಂದೇ ಒಂದು ಟ್ವಿಟ್ನಿಂದಾಗಿ 22,000 ಕೋಟಿ ರೂ.ಗಳನ್ನು ಕಳೆದುಕೊಂಡಿದ್ದರು.
ರೇಷ್ಮೆ ಬೆಳೆಗಾರರಿಗೆ ಸಿಹಿ ಸುದ್ದಿ; ಚೀನಾ ಸಿಲ್ಕ್ ಬ್ಯಾನ್…? ಸ್ವಾವಲಂಬನೆಗೆ ಸೂತ್ರ…!