ಚೆನ್ನೈ: ಸ್ಟಾರ್ ನಟ, ನಟಿಯರು ಬೆಲೆ ಬಾಳುವ ಮನೆ, ಕಾರು ಖರೀದಿ ಮಾಡುವುದೇನು ಹೊಸ ಸುದ್ದಿಯಲ್ಲ. ಆದರೆ ಫೋನ್ ನಂಬರ್ ಮತ್ತು ಕಾರಿನ ಫ್ಯಾನ್ಸಿ ನಂಬರ್ಗಾಗಿ ಲಕ್ಷಾಂತರ ರೂಪಾಯಿ ಹಣವನ್ನು ವ್ಯಯಿಸುತ್ತಾರೆ. ಇದೇ ಸಾಲಿಗೆ ಮೆಗಾ ಸ್ಟಾರ್ ಚಿರಂಜೀವಿ ಅವರು ಸೇರಿದ್ದಾರೆ.
ಚಿರಂಜೀವಿ ಅವರು ದುಬಾರಿ ಬೆಲೆಯ ಟೊಯೊಟಾ ವೆಲ್ಫೈರ್ ಕಾರು ಖರೀದಿ ಮಾಡಿದ್ದಾರೆ. ಈ ಕಾರಿನ ನೋಂದಣಿ ಸಂಖ್ಯೆ TS 09 GB 1111. ಇದೇ ನಂಬರ್ ಇರಬೇಕು ಎಂಬುದು ಅವರ ಬಯಕೆ ಆಗಿತ್ತು. ಈ ನಂಬರ್ಗಾಗಿ ಲಕ್ಷಾಂತರ ರೂಪಾಯಿ ಹಣವನ್ನು ಕೊಟ್ಟು ಖರೀದಿ ಮಾಡಿದ್ದಾರೆ ಎನ್ನುವ ಸುದ್ದಿ ಹರಿದಾಡುತ್ತಿದೆ.
ಇದನ್ನೂ ಓದಿ: ಕೈ ತಪ್ಪಿದ ಬಿಜೆಪಿ ಟಿಕೆಟ್; ಬೆಟ್ಟಸ್ವಾಮಿಗೆ ಲಘು ಹೃದಯಾಘಾತ
ಈ ಐಷಾರಾಮಿ ವಾಹನದ ಆನ್ ರೋಡ್ ಬೆಲೆ 1.2 ಕೋಟಿ ರೂಪಾಯಿ. ವಿಶೇಷ ಏನೆಂದರೆ, ಚಿರಂಜೀವಿ ಅವರು ಈ ಕಾರಿಗೆ 1111 ನಂಬರ್ ಪಡೆದಿದ್ದಾರೆ. ಇದಕ್ಕಾಗಿ ಅವರು ಲಕ್ಷಾಂತರ ರೂಪಾಯಿ ಖರ್ಚು ಮಾಡಿದ್ದಾರೆ. ಮೂಲಗಳ ಪ್ರಕಾರ ಬರೋಬ್ಬರಿ 4.7 ಲಕ್ಷ ರೂಪಾಯಿ ಕೊಟ್ಟು ಈ ರಿಜಿಸ್ಟ್ರೇಷನ್ ನಂಬರ್ ಪಡೆದಿದ್ದಾರೆ. ಈ ಸುದ್ದಿ ಕೇಳಿ ಚಿರಂಜೀವಿ ಅಭಿಮಾನಿಗಳು ಹುಬ್ಬೇರಿಸಿದ್ದಾರೆ.
VIDEO | ಸಿಎಂ ಜಗನ್ ಪೋಸ್ಟರ್ ಕಿತ್ತು ತೆಗೆದ ನಾಯಿ ವಿರುದ್ಧ ದೂರು ದಾಖಲು!