ಮುಂಬೈ: ಟಾಟಾ ಇನ್ವೆಸ್ಟ್ಮೆಂಟ್ ಕಾರ್ಪೊರೇಷನ್ (Tata Investment Corporation) ಷೇರುಗಳ ಬೆಲೆ 5% ಏರಿಕೆಯೊಂದಿಗೆ ಹೊಸ ಗರಿಷ್ಠ ಮಟ್ಟವನ್ನು ತಲುಪಿತು. ಈ ಷೇರುಗಳ ಬೆಲೆ ಕಳೆದ 6 ತಿಂಗಳಲ್ಲಿ 211% ರಷ್ಟು ಭಾರಿ ಏರಿಕೆ ಕಂಡಿದೆ. ಅಲ್ಲದೆ, ಒಂದು ವರ್ಷದಲ್ಲಿ ಶೇ. 279ರಷ್ಟು ಏರಿಕೆಯಾಗಿದೆ.
ಶುಕ್ರವಾರ ಟಾಟಾ ಇನ್ವೆಸ್ಟ್ಮೆಂಟ್ ಕಾರ್ಪೊರೇಷನ್ ಷೇರುಗಳ ಬೆಲೆ ರಾಕೆಟ್ ವೇಗದಲ್ಲಿ ಮುಗಿಲು ಮುಟ್ಟಿದವು. ಷೇರುಗಳ ಬೆಲೆ 7635.10 ರೂಪಾಯಿಗಳಿಗೆ ತಲುಪಿದವು. ಇದು ಹೊಸ 52 ವಾರಗಳ ಗರಿಷ್ಠ ಮಟ್ಟವಾಗಿದೆ. ಈ ಷೇರುಗಳ ಬೆಲೆ ಏರಿಕೆಗೆ ಕಾರಣ ಸೆಮಿಕಂಡರ್ ಚಿಪ್ ಘಟಕ ಸ್ಥಾಪನೆ ಸುದ್ದಿ.
3 ಸೆಮಿಕಂಡಕ್ಟರ್ ಚಿಪ್ ತಯಾರಿಕೆ ಘಟಕಗಳ ಪ್ರಸ್ತಾವನೆಗಳಿಗೆ ಸಚಿವ ಸಂಪುಟ ಗುರುವಾರ ಅನುಮೋದನೆ ನೀಡಿದೆ. ಇವುಗಳಲ್ಲಿ ಟಾಟಾ ಗ್ರೂಪ್ ವತಿಯಿಂದ 2 ಸೆಮಿಕಂಡಕ್ಟರ್ ಘಟಕಗಳನ್ನು ಸ್ಥಾಪಿಸಲಾಗುತ್ತಿದೆ. ಈ ಸೆಮಿಕಂಡಕ್ಟರ್ ಘಟಕಗಳ ಮೇಲೆ 1.26 ಲಕ್ಷ ಕೋಟಿ ರೂಪಾಯಿ ಹೂಡಿಕೆ ಮಾಡಲಾಗುತ್ತಿದೆ. ಮುಂದೆ ಈ ಮೂರು ಘಟಕಗಳ ನಿರ್ಮಾಣ ಕಾರ್ಯ 100 ದಿನಗಳಲ್ಲಿ ಆರಂಭವಾಗಲಿದೆ.
ಕಳೆದ 3 ವರ್ಷಗಳಲ್ಲಿ ಟಾಟಾ ಇನ್ವೆಸ್ಟ್ಮೆಂಟ್ ಕಾರ್ಪೊರೇಷನ್ ಷೇರುಗಳ ಬೆಲೆ 587% ರಷ್ಟು ಏರಿಕೆಯಾಗಿದೆ. 5 ಮಾರ್ಚ್ 2021 ರಂದು ಷೇರುಗಳ ಬೆಲೆ 1110 ರೂ. ಇತ್ತು. ಕಂಪನಿಯ ಷೇರುಗಳ ಬೆಲೆ ಮಾರ್ಚ್ 1, 2024 ರಂದು ರೂ 7635.10 ತಲುಪಿದೆ. ಕಳೆದ 10 ವರ್ಷಗಳಲ್ಲಿ ಮೆಂಟಾಟಾ ಇನ್ವೆಸ್ಟ್ಮೆಂಟ್ ಕಾರ್ಪೊರೇಷನ್ ಷೇರುಗಳು 1587% ಹೆಚ್ಚಾಗಿದೆ.
ಕಂಪನಿಯ ಷೇರುಗಳು ಮಾರ್ಚ್ 14, 2014 ರಂದು 452.65 ರೂ. ಇತ್ತು. ಈಗ ಇದು ರೂ 7635.10 ತಲುಪಿದೆ. ಒಂದು ವರ್ಷದಲ್ಲಿ ಷೇರುಗಳ ಬೆಲೆ 279% ರಷ್ಟು ಏರಿದೆ. ಷೇರುಗಳ ಬೆಲೆ ಮಾರ್ಚ್ 2, 2023 ರಂದು 2013.35 ರೂ. ಇತ್ತು. ಕಳೆದ 6 ತಿಂಗಳಲ್ಲಿ ಈ ಷೇರುಗಳ ಬೆಲೆಯಲ್ಲಿ 211% ಏರಿಕೆಯಾಗಿದೆ. ಈ ಅವಧಿಯಲ್ಲಿ ಷೇರುಗಳ ಬೆಲೆ ರೂ. 2458.75ರಿಂದ ರೂ.7635.10ಕ್ಕೆ ಏರಿಕೆಯಾಗಿದೆ. ಈ ವರ್ಷದ ಆರಂಭದಿಂದ ಇದುವರೆಗೆ ಕಂಪನಿಯ ಷೇರುಗಳಲ್ಲಿ ಶೇ 80 ರಷ್ಟು ಹೆಚ್ಚಳವಾಗಿದೆ. ಈ ಕಂಪನಿಯ ಷೇರುಗಳ 52 ವಾರಗಳ ಗರಿಷ್ಠ ಬೆಲೆ 7635.10 ರೂ. ಹಾಗೂ ಕನಿಷ್ಠ ಬೆಲೆ 1735 ರೂ. ಇದೆ.
ಸಾರ್ವಕಾಲಿಕ ದಾಖಲೆ ಬರೆದ ಷೇರು ಸೂಚ್ಯಂಕ: ಗೂಳಿಯ ವೇಗದ ಓಟಕ್ಕೆ ಕೊಡುಗೆ ನೀಡಿವೆ ಈ 4 ಕಾರಣಗಳು…
ಪೇಟಿಎಂ, ಯೆಸ್ ಬ್ಯಾಂಕ್ ಷೇರುಗಳ ಬೆಲೆಯಲ್ಲಿ ದಿಢೀರ್ ಏರಿಕೆ: ಇದರ ಹಿಂದಿದೆ ದೊಡ್ಡ ಡೀಲು…