ಬೆಂಗಳೂರು: ಕಲಾಕಾರರ ಶ್ರಮಕ್ಕೆ ಬೆಲೆ ಕಟ್ಟಲು ಸಾಧ್ಯವಿಲ್ಲ ಎಂಬ ಮಾತು ಇದಕ್ಕೇ ಹೇಳಿರಬೇಕು ನೋಡಿ. ಕುಶಲಕಮಿರ್ಯೊಬ್ಬರು ಜಗತ್ತಿನ ಏಳು ಅದ್ಭುತಗಳಲ್ಲಿ ಒಂದಾಗಿರುವ ತಾಜ್ಮಹಲ್ ಪ್ರತಿಕೃತಿಯನ್ನು ಚಿನ್ನದಲ್ಲಿ ತಯಾರಿಸಿದ್ದಾರೆ. ಅದೂ ಅತೀ ಸಣ್ಣ ಮೂಗೂತಿ ಗಾತ್ರದಷ್ಟು!
ಶ್ರೀರಾಮಪುರದ ಲಕ್ಷ್ಮೀ ನಾರಾಯಣಪುರದಲ್ಲಿರುವ ಶ್ರೀ ಮಂಜುನಾಥ ಜ್ಯುವೆಲರಿಯ ನಾಗರಾಜು ರೇವಣ್ಕರ್ ಕೇವಲ 16.990 ಗ್ರಾಂ ಚಿನ್ನದಲ್ಲಿ ಪ್ರತಿಕೃತಿ ರೂಪಿಸಿ ಎಲ್ಲರ ಹುಬ್ಬೇರಿಸಿದ್ದಾರೆ. 4 ಸೆಂ.ಮೀ. ಎತ್ತರ ಹಾಗೂ 3.5 ಸೆಂ.ಮೀ. ಅಗಲದ ತಾಜ್ಮಹಲ್ ಪ್ರತಿಕೃತಿ ತಯಾರಿಸಿ ಮಳಿಗೆಯಲ್ಲಿ ಪ್ರದರ್ಶನಕ್ಕೆ ಇಟ್ಟಿದ್ದಾರೆ.
ಇದನ್ನೂ ಓದಿರಿ ರಾತ್ರೋರಾತ್ರಿ ಕುಸಿದ ದೇವಾಲಯ ಗೋಪುರ! ಇದು ಅಪಾಯದ ಮುನ್ಸೂಚನೆಯೇ..?
ತಾಜ್ಮಹಲ್ನ ಕೆಳಭಾಗದಲ್ಲಿ “ಐ ಲವ್ ಮೋದಿ ಜೀ”, “ಕರ್ನಾಟಕ ರತ್ನ”, “ಡಾ.ರಾಜ್ಕುಮಾರ್’ ಹಾಗೂ “ಎಂಟು ಜ್ಞಾನಪೀಠ’ ಎಂದು ಚಿನ್ನದ ಎಳೆಗಳಿಂದ ಅಕ್ಷರ ಬರೆದಿದ್ದಾರೆ. ತಾಜ್ಮಹಲ್ ಮಧ್ಯಭಾಗದಲ್ಲಿ ‘ಐ ಲವ್ ಮೈ ಇಂಡಿಯಾ’ ಬರೆದಿದ್ದು, ನೋಡುಗರನ್ನು ಆಕರ್ಷಿಸುತ್ತಿದೆ.
ಕರೊನಾ ನಿಯಂತ್ರಿಸಲು ಲಾಕ್ಡೌನ್ ಹೇರಿದ್ದರಿಂದ ಸಮಯ ಸಿಕ್ಕಿತ್ತು. ಹೀಗಾಗಿ, ಚಿನ್ನದಲ್ಲಿ ಕಡಿಮೆ ತೂಕದ ಪ್ರತಿಕೃತಿ ತಯಾರಿಸುವ ಯೋಚನೆ ಬಂದಿತು. ಅಂಗಡಿ ಬಾಗಿಲು ಹಾಕಿಕೊಂಡು ಒಳಗೆ ಚಿನ್ನದಲ್ಲಿ ತಾಜ್ಮಹಲ್ ರೂಪಿಸಲು ಆರಂಭಿಸಿದೆ. 27 ದಿನಗಳಲ್ಲಿ ತಯಾರಿಸಿದೆ. 20 ವರ್ಷದಿಂದ ಚಿನ್ನಾಭರಣಗಳ ತಯಾರಿಕೆ ಕೆಲಸ ಮಾಡುತ್ತಿದ್ದೇನೆ. ಈ ಹಿಂದೆ ವಿಶ್ವಕಪ್ ಪ್ರತಿಕೃತಿ ತಯಾರಿಸಿದ್ದೆ. ವಿಶೇಷ ಹಬ್ಬದ ದಿನಗಳಲ್ಲಿ ಬಗೆಬಗೆಯ ಕಲಾಕೃತಿ ರಚಿಸಿದ್ದೇನೆ ಎನ್ನುತ್ತಾರೆ ನಾಗರಾಜು ರೇವಣ್ಕರ್.
ಇದನ್ನೂ ಓದಿರಿ ಕ್ಯಾಬ್ ಚಾಲಕರ ಹೈಟೆಕ್ ವಂಚನೆಗೆ 500 ಸಿಮ್ ಬಳಕೆ… ಹೇಗೆಲ್ಲ ಯಾಮಾರಿಸ್ತಾರೆ ನೋಡಿ!