ಮುಂಬೈ: ಬಾಲಿವುಡ್ ನಟ-ನಿರ್ದೇಶಕ ಅನುರಾಗ್ ಕಶ್ಯಪ್ ಮೇಲೆ ಪಾಯಲ್ ಘೋಶ್ ಮೀಟೂ ಆರೋಪ ಹೊರಿಸಿರುವುದು ಗೊತ್ತೇ ಇದೆ. ಹಿಂದೊಮ್ಮೆ ಅನುರಾಗ್ ಕಶ್ಯಪ್ ಅವರು ತಮ್ಮ ಜತೆಗೆ ಬಹಳ ಕೆಟ್ಟದಾಗಿ ನಡೆದುಕೊಂಡಿದ್ದರು ಎಂದು ಪಾಯಲ್ ಘೋಶ್ ಇತ್ತೀಚೆಗೆ ಹೇಳಿಕೊಂಡಿದ್ದರು.
ಇದನ್ನೂ ಓದಿ: ಶೂಟಿಂಗ್ ಸೆಟ್ನಲ್ಲಿ ನಟ, ನಿರ್ದೇಶಕರ ಪಾಲಿಗೆ ನಾವು ಅವರ ಹೆಂಡ್ತಿಯರು!
ಈ ವಿಷಯ ಸುದ್ದಿಯಾಗುತ್ತಿದ್ದಂತೆಯೇ ಅವರ ಪರವಾಗಿ ನಿಂತ ಕಂಗನಾ, ಅನುರಾಗ್ ಕಶ್ಯಪ್ ಅವರನ್ನು ಹಿಗ್ಗಾಮುಗ್ಗಾ ಬೈದಿದ್ದರು. ಹೀಗಿರುವಾಗ ನಟಿ ತಾಪ್ಸಿ, ಅನುರಾಗ್ ಅವರನ್ನು ದೊಡ್ಡ ಸ್ತ್ರೀವಾದಿ ಎಂದು ಬಣ್ಣಿಸಿದ್ದಾರೆ. ಅಷ್ಟೇ ಅಲ್ಲ, ಅವರ ಜತೆಗೆ ಇನ್ನೊಮ್ಮೆ ಕೆಲಸ ಮಾಡುವ ಇಂಗಿತವನ್ನು ವ್ಯಕ್ತಪಡಿಸಿದ್ದಾರೆ.
ತಾಪ್ಸಿ ಈ ಹಿಂದೆ ಅನುರಾಗ್ ಕಶ್ಯಪ್ ನಿರ್ದೇಶನದಲ್ಲಿ ‘ಮನ್ಮರ್ಜಿಯಾನ್’ ಎಂಬ ಚಿತ್ರದಲ್ಲಿ ನಟಿಸಿದ್ದರು. ಆ ಸಂದರ್ಭದಲ್ಲಿ ಒಂದು ಫೋಟೋ ಶೇರ್ ಮಾಡಿಕೊಂಡಿರುವ ತಾಪ್ಸಿ, ಅನುರಾಗ್ ಕಶ್ಯಪ್ ಅವರನ್ನು ಸ್ತ್ರೀವಾದಿ ಎಂದಿದ್ದಾರೆ ಮತ್ತು ಈ ಮೂಲಕ ಅನುರಾಗ್ ಹಾಗೆ ಕೆಟ್ಟದಾಗಿ ನಡೆದುಕೊಳ್ಳುವುದಕ್ಕೆ ಸಾಧ್ಯವೇ ಇಲ್ಲ ಎಂದು ಪರೋಕ್ಷವಾಗಿ ಹೇಳಿದ್ದಾರೆ.
‘ನನಗೆ ಗೊತ್ತಿರುವ ದೊಡ್ಡ ಸ್ತ್ರೀವಾದಿ ಎಂದರೆ ಅದು ಅನುರಾಗ್. ಪ್ರತಿ ಚಿತ್ರದಲ್ಲೂ ಮಹಿಳೆಯರ ಪರವಾಗಿ ನಿಂತವರು ನೀವು. ನಿಮ್ಮ ಇನ್ನೊಂದು ಚಿತ್ರದಲ್ಲಿ ನಟಿಸುವ ಮತ್ತು ಅದರಲ್ಲೂ ಒಬ್ಬ ದಿಟ್ಟ ಮಹಿಳೆಯರ ಪಾತ್ರವನ್ನು ಪ್ರತಿನಿಧಿಸುವ ಅವಕಾಶ ನನಗೆ ಸಿಗಲಿ’ ಎಂದು ತಾಪ್ಸಿ ಬರೆದುಕೊಂಡಿದ್ದಾರೆ.
ಇದನ್ನೂ ಓದಿ: ‘ಬೆಲ್ಬಾಟಂ’ ಚಿತ್ರಕ್ಕಾಗಿ 18 ವರ್ಷದ ರೂಲ್ ಬ್ರೇಕ್ ಮಾಡಿದ ಅಕ್ಷಯ್ ಕುಮಾರ್!
‘ತಾಪ್ಸಿ ಅವರ ಈ ಮಾತಿಗೆ ಬಾಲಿವುಡ್ನಿಂದ ಯಾವೆಲ್ಲಾ ರೀತಿಯ ಪ್ರತಿಕ್ರಿಯೆ ಸಿಗುತ್ತದೆ ಎಂದು ಕಾದು ನೋಡಬೇಕಿದೆ.