ನವ ದೆಹಲಿ: 200 ಕೋಟಿ ರೂ. ಅಕ್ರಮ ಹಣ ವರ್ಗಾವಣೆ ಪ್ರಕರಣದ ಪ್ರಮುಖ ಆರೋಪಿ ಸುಕೇಶ್ ಚಂದ್ರಶೇಖರ್, ಬಾಲಿವುಡ್ ನಟಿ ಜಾಕ್ವೆಲಿನ್ ಫರ್ನಾಂಡಿಸ್ ಹುಟ್ಟುಹಬ್ಬದಂದು ಮಂಡೋಲಿ ಜೈಲಿನಿಂದ ಪತ್ರ ಬರೆದಿದ್ದಾರೆ. ಅಷ್ಟೇ ಅಲ್ಲ, ಜಾಕ್ವೆಲಿನ್ ಅವರ ಮುಂದಿನ ಹುಟ್ಟುಹಬ್ಬವನ್ನು ಒಟ್ಟಿಗೆ ಆಚರಿಸುವುದಾಗಿ ಭರವಸೆ ನೀಡಿದ್ದಾರೆ.
ಸುಕೇಶ್ ಚಂದ್ರಶೇಖರ್ ಪತ್ರದಲ್ಲಿ, “ನನ್ನ ಬೇಬಿ ಜಾಕ್ವೆಲಿನ್, ಜನ್ಮದಿನದ ಶುಭಾಶಯಗಳು. ದೇವರು ನನ್ನ ಹೆಣ್ಣು ಮಗುವನ್ನು ಆಶೀರ್ವದಿಸಲಿ. ನಿಮ್ಮ ಜನ್ಮದಿನವು ಪ್ರತಿ ವರ್ಷ ನನ್ನ ಜೀವನದ ಸಂತೋಷದ ದಿನವಾಗಿದೆ. ಬೇಬಿ ನೀನು ದಿನದಿಂದ ದಿನಕ್ಕೆ ಇನ್ನೂ ಹೆಚ್ಚು ಸುಂದರವಾಗಿ ಕಾಣುತ್ತಿರುವೆ, ಚಿಕ್ಕವಳ ಹಾಗೆ. ನಾನು ನಿನ್ನನ್ನು ತುಂಬಾ ಮಿಸ್ ಮಾಡಿಕೊಳ್ಳುತ್ತಿದ್ದೇನೆ”.
“ಈ ಪತ್ರದೊಂದಿಗೆ ಲಗತ್ತಿಸಲಾದ ಶುಭಾಶಯವು ನಾನೇ ಕೈಯಿಂದ ಬರೆದಿರುವುದು. ಈ ಸುಂದರ ದಿನದಂದು ನಾನು ಮಿಸ್ ಮಾಡಿಕೊಳ್ಳುವ ಕೆಲವು ಪ್ರಮುಖ ನೆನಪುಗಳನ್ನು ಚಿತ್ರಿಸಿದ್ದೇನೆ. ನಮ್ಮ ಪ್ರೀತಿ ಶಾಶ್ವತ. ಈ ಗ್ರಹದಲ್ಲಿ ಯಾವುದೇ ಶಕ್ತಿಯು ನಿಮ್ಮನ್ನು ಪ್ರೀತಿಸುವುದನ್ನು ಅಥವಾ ನೀವು ನನ್ನನ್ನು ಪ್ರೀತಿಸುವುದನ್ನು ತಡೆಯಲು ಸಾಧ್ಯವಿಲ್ಲ. ಮುಂದಿನ ವರ್ಷ ಜನ್ಮದಿನವನ್ನು ಇನ್ನಷ್ಟು ವಿಶೇಷವಾಗಿಸುತ್ತೇನೆ ಎಂದು ಭರವಸೆ ನೀಡುತ್ತೇನೆ. ಜಗತ್ತು ಅಸೂಯೆಪಡುವಷ್ಟು. ನೀವು ‘ಸೂಪರ್ ಸ್ಟಾರ್ ಮತ್ತು ಸೂಪರ್ ಸ್ಪೆಷಲ್. ಈ ದಿನವನ್ನು ಆನಂದಿಸಿ, ದಯವಿಟ್ಟು ಆ ಸುಂದರ ನಗು ಹಾಗೆ ಇರಲಿ. ಬೇರೆ ಯಾವುದರ ಬಗ್ಗೆ ಚಿಂತಿಸಬೇಡಿ ನಾನು ನಿಮಗಾಗಿ ಇಲ್ಲಿದ್ದೇನೆ … ಜನ್ಮದಿನದ ಶುಭಾಶಯಗಳು ನನ್ನ ಬೊಮ್ಮ, ನನ್ನ ಹನಿಬೀ. ಹ್ಯಾವ್ ಎ ಬ್ಲಾಸ್ಟ್. ಲವ್ ಯೂ ಸೂಪರ್ ಕ್ರೇಜಿ ಮೈ ಬನ್” ಎಂದು ವಿಶ್ ಮಾಡಿದ್ದಾರೆ.
ಜಾಕ್ವೆಲಿನ್ ಈ ಹಿಂದೆ ಸುಕೇಶ್ ಅವರೊಂದಿಗಿನ ತಮ್ಮ ಸಂಬಂಧವನ್ನು ಹೇಳಲು ನಿರಾಕರಿಸಿದರು. ವೃತ್ತಿಪರ ಉದ್ದೇಶಗಳಿಗಾಗಿ ಮಾತ್ರ ಭೇಟಿಯಾಗಿರುವುದಾಗಿ ಸ್ಪಷ್ಟಪಡಿಸಿದ್ದರು.