ಢಾಕಾ: ಬ್ಯಾಟಿಂಗ್ ಹಾಗೂ ಬೌಲಿಂಗ್ ಎರಡೂ ವಿಭಾಗದಲ್ಲೂ ಪ್ರಭುತ್ವ ಸಾಧಿಸಿದ ಆತಿಥೇಯ ಬಾಂಗ್ಲಾದೇಶ ತಂಡಕ್ಕೆ ಎರಡನೇ ಏಕದಿನ ಪಂದ್ಯದಲ್ಲಿ ಶ್ರೀಲಂಕಾ ಡಕ್‌ವರ್ತ್ ಲೂಯಿಸ್ ನಿಮಯದಡಿ 103 ರನ್‌ಗಳಿಂದ ಜಯ ದಾಖಲಿಸಿತು. ಇದರೊಂದಿಗೆ ಬಾಂಗ್ಲಾದೇಶ ತಂಡ 3 ಪಂದ್ಯಗಳ ಸರಣಿಯಲ್ಲಿ 2-0ಯಿಂದ ಮುನ್ನಡೆ ಸಾಧಿಸಿ, ಸರಣಿ ವಶಪಡಿಸಿಕೊಂಡಿತು.
ಇದನ್ನೂ ಓದಿ:ಪತ್ನಿ ನತಾಶಾ ಈಜುಡುಗೆ ಫೋಟೋಗೆ ಪಾಂಡ್ಯ ನೀಡಿದ ಪ್ರತಿಕ್ರಿಯೆ ಹೇಗಿತ್ತು ಗೊತ್ತೇ?,
ಟಾಸ್ ಜಯಿಸಿ ಮೊದಲು ಬ್ಯಾಟಿಂಗ್ ಮಾಡಿದ ಬಾಂಗ್ಲಾದೇಶ ತಂಡ, ಮುಶ್ಫಿಕರ್ ರಹೀಂ (125 ರನ್, 127 ಎಸೆತ, 10 ಬೌಂಡರಿ) ಶತಕದಾಟದ ನೆರವಿನಿಂದ 48.1 ಓವರ್‌ಗಳಲ್ಲಿ 246 ರನ್ ಪೇರಿಸಿತು. ಪ್ರತಿಯಾಗಿ ಈ ಸಾಧಾರಣ ಮೊತ್ತ ಬೆನ್ನಟ್ಟಿದ ಶ್ರೀಲಂಕಾ ತಂಡಕ್ಕೆ ಮೆಹಿದಿ ಹಸನ್ ಮಿರಾಜ್ (28ಕ್ಕೆ 3) ಮುಸ್ತಾಫಿಝರ್ ರೆಹಮಾನ್ (16ಕ್ಕೆ 3) ಜೋಡಿ ಆಘಾತ ನೀಡಿತು. ಶ್ರೀಲಂಕಾ ತಂಡ 38 ಓವರ್‌ಗಳಲ್ಲಿ 9 ವಿಕೆಟ್‌ಗೆ 126 ರನ್ ಪೇರಿಸಿದ್ದ ವೇಳೆ ಪಂದ್ಯಕ್ಕೆ ಮಳೆ ಅಡ್ಡಿಯುಂಟು ಮಾಡಿತು. ಬಳಿಕ ಶ್ರೀಲಂಕಾ ತಂಡಕ್ಕೆ 40 ಓವರ್‌ಗಳಲ್ಲಿ 245 ರನ್ ಪರಿಷ್ಕೃತ ಗೆಲುವಿನ ಗುರಿ ನೀಡಲಾಯಿತು. ಬ್ಯಾಟಿಂಗ್ ಮುಂದುವರಿಸಿದ ಶ್ರೀಲಂಕಾ 9 ವಿಕೆಟ್‌ಗೆ 141 ರನ್ ಜಯ ದಾಖಲಿಸಲಷ್ಟೇ ಶಕ್ತವಾಯಿತು. 3ನೇ ಹಾಗೂ ಅಂತಿಮ ಏಕದಿನ ಪಂದ್ಯ ಶುಕ್ರವಾರ ನಡೆಯಲಿದೆ.
ಇದನ್ನೂ ಓದಿ:2019ರಲ್ಲಿ ನಿಷೇಧಕ್ಕೊಳಗಾದ ಕಥೆ ಬಿಚ್ಚಿಟ್ಟ ಮುಂಬೈ ಬ್ಯಾಟ್ಸ್ಮನ್ ಪೃಥ್ವಿ ಷಾ,
ಬಾಂಗ್ಲಾದೇಶ: 48. 1 ಓವರ್‌ಗಳಲ್ಲಿ 246 (ಮುಶ್ಫಿಕರ್ ರಹೀಂ 125, ಮಹಮದುಲ್ಲಾ 41, ಲಕ್ಷ್ಮಣ್ ಸಂದ್ಕನ್ 54ಕ್ಕೆ 3, ದುಶಾಮಾಂತ ಚಮೀರಾ 44ಕ್ಕೆ 3), ಶ್ರೀಲಂಕಾ: 40 ಓವರ್‌ಗಳಲ್ಲಿ 9 ವಿಕೆಟ್‌ಗೆ 141 (ಧನುಷ್ಕಾ ಗುಣತಿಕಲ 24, ಪಾಥುಮ್ ನಿಸ್ಸಾಂಕ 20, ಮೆಹಿದಿ ಹಸನ್ ಮಿರಾಜ್ 28ಕ್ಕೆ 3, ಮುಸ್ತಾಫಿಝರ್ ರೆಹಮಾನ್ 16ಕ್ಕೆ 3, ಶಕೀಬ್ ಅಲ್ ಹಸನ್ 38ಕ್ಕೆ 2).
Bangladesh win the 2nd ODI and take an unassailable 2-0 series lead.#BANvSL pic.twitter.com/s8hlaHxOnp
— Sri Lanka Cricket 🇱🇰 (@OfficialSLC) May 25, 2021