ನವದೆಹಲಿ: ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ(ಬಿಸಿಸಿಐ) ಅಧ್ಯಕ್ಷ ಹಾಗೂ ಟೀಂ ಇಂಡಿಯಾ ಮಾಜಿ ಕ್ಯಾಪ್ಟನ್ ಸೌರವ್ ಗಂಗೂಲಿ ಅವರನ್ನು ಇಂಟರ್ನಾಷನಲ್ ಕ್ರಿಕೆಟ್ ಕೌನ್ಸಿಲ್(ಐಸಿಸಿ)ನ ಮೆನ್ಸ್ ಕ್ರಿಕೆಟ್ ಕಮಿಟಿ(ಪುರುಷರ ಕ್ರಿಕೆಟ್ ಸಮಿತಿ)ಯ ಅಧ್ಯಕ್ಷರನ್ನಾಗಿ ನೇಮಿಸಲಾಗಿದೆ. ಕಳೆದ 9 ವರ್ಷಗಳಿಂದ ಅನಿಲ್ ಕುಂಬ್ಳೆ ವಹಿಸಿಕೊಂಡಿದ್ದ ಹುದ್ದೆಯ ಜವಾಬ್ದಾರಿಯನ್ನು ಇದೀಗ ಗಂಗೂಲಿ ನಿರ್ವಹಿಸಲಿದ್ದಾರೆ ಎಂದು ಐಸಿಸಿ ಘೋಷಿಸಿದೆ.
“ಅನಿಲ್ ಕುಂಬ್ಳೆ ಅವರು ಮೂರು ವರ್ಷ ಅವಧಿಯ ಗರಿಷ್ಠ ಮೂರು ಟೆನ್ಯೂರ್ಗಳನ್ನು ಮುಗಿಸಿ ಆ ಸ್ಥಾನದಿಂದ ಕೆಳಗಿಳಿದಿದ್ದಾರೆ. ಆ ಹುದ್ದೆಗೆ ಬಿಸಿಸಿಐ ಅಧ್ಯಕ್ಷ ಸೌರವ್ ಗಂಗೂಲಿ ಅವರನ್ನು ನೇಮಿಸಲಾಗಿದೆ” ಐಸಿಸಿ ಹೇಳಿಕೆ ನೀಡಿದೆ. ಒಂದು ಕಾಲದ ಅದ್ವಿತೀಯ ಬ್ಯಾಟ್ಸ್ಮನ್ ಆದ ಗಂಗೂಲಿ, ಬಂಗಾಳ ಕ್ರಿಕೆಟ್ ಅಸೋಸಿಯೇಷನ್ನ ಅಧ್ಯಕ್ಷರಾಗಿ 2015 ರಿಂದ 2019ರವರೆಗೆ ಕಾರ್ಯನಿರ್ವಹಿಸಿದ್ದರು. ಅಕ್ಟೋಬರ್ 2019 ರಲ್ಲಿ ಬಿಸಿಸಿಐ ಅಧ್ಯಕ್ಷರಾಗಿ ಅಧಿಕಾರ ಸ್ವೀಕರಿಸಿದ್ದರು.
ಇದನ್ನೂ ಓದಿ: ಹಿಂದು ಎದ್ದರೆ ಕೇಸರಿ, ಹಿಂದು ಎದ್ದರೆ ವ್ಯಾಘ್ರ! ಸಹನೆಯನ್ನ ತಪ್ಪು ತಿಳೀಬೇಡಿ ಎಂದ ಬಿಜೆಪಿ ನಾಯಕ
ಐಸಿಸಿ ಚೇರ್ಮನ್ ಗ್ರೆಗ್ ಬಾರ್ಕ್ಲೇ, ಕುಂಬ್ಳೆ ಅವರ ಕಳೆದ ಒಂಭತ್ತು ವರ್ಷಗಳ ನಾಯಕತ್ವಕ್ಕೆ ಧನ್ಯವಾದ ಅರ್ಪಿಸಿದ್ದು, ನೂತನ ಸ್ಥಾನಕ್ಕೆ ಗಂಗೂಲಿಗೆ ಸ್ವಾಗತ ಕೋರಿದ್ದಾರೆ. “ಅನಿಲ್ ಕುಂಬ್ಳೆ ಅವರು ಡಿಆರ್ಎಸ್ನ ಸಮರ್ಪಕ ಅನುಷ್ಠಾನದೊಂದಿಗೆ ಅಂತರರಾಷ್ಟ್ರೀಯ ಕ್ರಿಕೆಟ್ ಆಟಗಾರಿಕೆಯನ್ನು ಉತ್ತಮವಾಗಿಸುವಲ್ಲಿ ವಿಶಿಷ್ಟ ಪಾತ್ರ ವಹಿಸಿದ್ದಾರೆ” ಎಂದು ಬಾರ್ಕ್ಲೇ ಹೇಳಿದ್ದಾರೆ. (ಏಜೆನ್ಸೀಸ್)
ಬಿಟ್ಕಾಯಿನ್ ಹಾವಲ್ಲ, ಕಾಂಗ್ರೆಸ್ನವರು ಎರಡು ತಲೆಯ ಮಣ್ಣುಮುಕ್ಕ ಹಾವು: ರೇಣುಕಾಚಾರ್ಯ
1947ರಲ್ಲಿ ಯಾವ ಯುದ್ಧ ನಡೆಯಿತು ಹೇಳಿದರೆ, ಪದ್ಮಶ್ರೀ ವಾಪಸ್ ಕೊಡುವೆ ಎಂದ ಕಂಗನಾ