ನವದೆಹಲಿ: ಜಗತ್ತಿನ ಅತ್ಯಂತ ಶ್ರೀಮಂತ ಎಲಾನ್ ಮಸ್ಕ್. ಈ ಹಿಂದೆ ಟ್ವಿಟರ್ ಎಂದು ಕರೆಯಲಾಗುತ್ತಿದ್ದ ಸೋಷಿಯಲ್ ಮೀಡಿಯಾ ಪ್ಲಾಟ್ಫಾರ್ಮನ್ನು ಅವರು ಖರೀದಿಸಿದ್ದರು. ನಂತರ ಇದರ ಹೆಸರನ್ನು ಎಕ್ಸ್ ಎಂದು ಬದಲಾಯಿಸಿದ್ದಾರೆ. ಈಗ ಪ್ಲಾಟ್ಫಾರ್ಮ್ನ ಅಂದಾಜು ಮೌಲ್ಯ 12.5 ಶತಕೋಟಿ ಡಾಲರ್ ಆಗಿದೆ.
2023ರ ಡಿಸೆಂಬರ್ 30ರಂದು ಫಿಡೆಲಿಟಿ ಸೆಕ್ಯುರಿಟೀಸ್ ಫೈಲಿಂಗ್ ಸಂಸ್ಥೆಯು ಎಕ್ಸ್ನ ಮೌಲ್ಯಮಾಪನ ಮಾಡಿದೆ.
2022ರ ಅಕ್ಟೋಬರ್ನಲ್ಲಿ ಮಸ್ಕ್ ಅವರು ಟ್ವಿಟರ್ ಸ್ವಾಧೀನ ಪಡಿಸಿಕೊಂಡ ನಂತರ ಅದರ ಮೌಲ್ಯದಲ್ಲಿ ಶೇಕಡಾ 71.5ರಷ್ಟು ಕುಸಿತವಾಗಿದೆ ಎಂದು ಫಿಡೆಲಿಟಿ ಸೆಕ್ಯುರಿಟೀಸ್ ಫೈಲಿಂಗ್ ಹೇಳಿದೆ.
ಇದರರ್ಥ ಈ ಪ್ಲಾಟ್ಫಾರ್ಮ್ ಅನ್ನು 44 ಶತಕೋಟಿ ಡಾಲರ್ಗೆ ಮಸ್ಕ್ ಖರೀದಿಸಿದ್ದು, ಈಗ ಅದರ ಮೌಲ್ಯ 12.5 ಶತಕೋಟಿ ಡಾಲರ್ಗೆ ಕುಸಿದಿದೆ.
ಸ್ವಾಧೀನ ಬೆಲೆ. ಬಳಕೆದಾರರ ಇಳಿಕೆ, ಜಾಹೀರಾತಿನ ತೊಂದರೆಗಳು ಮತ್ತು ವಿಷಯವಸ್ತು ಬದಲಾವಣೆ ಕಾಳಜಿಗಳಂತಹ ಅಂಶಗಳು ಈ ಕುಸಿತಕ್ಕೆ ಕಾರಣವಾಗಿದೆ ಎಂದು ಹೇಳಲಾಗಿದೆ.
ಎಲೋನ್ ಮಸ್ಕ್ ಅವರು ಅಕ್ಟೋಬರ್ 2022 ರಲ್ಲಿ ಟ್ವಿಟರ್ ಅನ್ನು ಸ್ವಾಧೀನಪಡಿಸಿಕೊಂಡು, ಜುಲೈ 2023 ರಲ್ಲಿ ಎಕ್ಸ್ ಎಂದು ಮರುನಾಮಕರಣ ಮಾಡಿದರು. ಫಿಡೆಲಿಟಿ ಪ್ರಕಾರ, ಮಸ್ಕ್‌ನ ಮಾಲೀಕತ್ವದ ನಂತರ ಆರಂಭಿಕ ವರ್ಷದಲ್ಲಿ, ಎಕ್ಸ್ನ ಮಾಸಿಕ ಬಳಕೆದಾರ ಸಂಖ್ಯೆಯಲ್ಲಿ ಶೇಕಡಾ 15ರಷ್ಟು ಕುಸಿತವಾಗಿದೆ. ಮಸ್ಕ್ ಅವರು ಈ ಸಂಸ್ಥೆಯನ್ನು ಸ್ವಾಧೀನ ಮಾಡಿಕೊಂಡ ನಂತರ ಅರ್ಧದಷ್ಟು ಸಿಬ್ಬಂದಿ ಕಡಿತ ಮಾಡಿದ್ದರು.
ನವೆಂಬರ್ ಮಧ್ಯದಲ್ಲಿ ಸಾಕಷ್ಟು ಜಾಹೀರಾತುದಾರರು ಎಕ್ಸ್ನಿಂದ ನಿರ್ಗಮಿಸಿದ್ದಾರೆ. ಶೇಕಡಾ 10.7% ರಷ್ಟು ನಷ್ಟಗಳು ಈ ತಿಂಗಳಲ್ಲಿ ಪ್ರತ್ಯೇಕವಾಗಿ ಉಂಟಾಗಿವೆ ಎಂದು ಹೇಳಲಾಗಿದೆ. ನವೆಂಬರ್‌ನಲ್ಲಿ, ಡಿಸ್ನಿ, ಆಪಲ್ ಮತ್ತು ಕೋಕಾ-ಕೋಲಾ ಸೇರಿದಂತೆ ಪ್ರಮುಖ ಜಾಹೀರಾತುದಾರರು ಯಹೂದಿ ವಿರೋಧಿ ಪೋಸ್ಟ್‌ಗೆ ಅನುಮೋದನೆ ನೀಡಿದ ನಂತರ ಜಾಹೀರಾತು ನೀಡುವುದರಿಂದ ಹಿಂದೆ ಸರಿದಿದ್ದಾರೆ.
ಎಲೋನ್ ಮಸ್ಕ್ ಅವರನ್ನು ವಿಶ್ವದ ಅತ್ಯಂತ ಶ್ರೀಮಂತ ವ್ಯಕ್ತಿ ಎಂದು ಫೋರ್ಬ್ಸ್ ಪರಿಗಣಿಸಿದೆ, 251 ಶತಕೋಟಿ ಡಾಲರ್ ನಿವ್ವಳ ಮೌಲ್ಯದ ಆಸ್ತಿಯನ್ನು ಮಸ್ಕ್ ಹೊಂದಿದ್ದಾರೆ ಎಂದು ಅಂದಾಜಿಸಲಾಗಿದೆ.
2 ದಿನಗಳ ಕುಸಿತದ ನಂತರ ಏರಿಕೆ ಕಂಡ ಷೇರು ಮಾರುಕಟ್ಟೆ: ಯಾವ ಸೂಚ್ಯಂಕಗಳಲ್ಲಿ ಎಷ್ಟೆಷ್ಟು ಹೆಚ್ಚಳ?
2 ದಿನಗಳ ಕುಸಿತದ ನಂತರ ಏರಿಕೆ ಕಂಡ ಷೇರು ಮಾರುಕಟ್ಟೆ: ಯಾವ ಸೂಚ್ಯಂಕಗಳಲ್ಲಿ ಎಷ್ಟೆಷ್ಟು ಹೆಚ್ಚಳ?