ಮುಂಬೈ: ಸ್ಮಾರ್ಟ್‌ಫೋನ್‌ಗಳು ಅತ್ಯಂತ ಉಪಯುಕ್ತ ಸಾಧನಗಳಾಗಿದ್ದರೂ, ಇವುಗಳ ವಿಪರೀತ ಬಳಕೆಯು ಕೆಲಸ ಮತ್ತು ಸಂಬಂಧಗಳಿಗೆ ಅಡ್ಡಿಯಾಗಬಹುದು. ಅನೇಕ ದುಷ್ಪರಿಣಾಮಗಳನ್ನೂ ಬೀರಬಹುದು.
ಮಹಿಳೆಯೊಬ್ಬರು ತಮ್ಮ ಕುಟುಂಬದ ಸ್ಮಾರ್ಟ್‌ಫೋನ್ ಚಟವನ್ನು ನಿಭಾಯಿಸಲು ವಿಶಿಷ್ಟವಾದ ಉಪಾಯವೊಂದನ್ನು ರೂಪಿಸಿದ್ದು, ಇದು ಇಂಟರ್ನೆಟ್ನಲ್ಲಿ ಸಾಕಷ್ಟು ಸದ್ದು ಮಾಡುತ್ತಿದೆ.
ಮಂಜು ಗುಪ್ತಾ ಎಂಬ ಮಹಿಳೆಯೊಬ್ಬರು ಮೊಬೈಲ್ಫೋನ್ಗಳನ್ನು ಸೂಕ್ತ ರೀತಿಯಲ್ಲಿ ಬಳಸುವ ಕುರಿತು ಒಪ್ಪಂದವೊಂದಕ್ಕೆ ತಮ್ಮ ಕುಟುಂಬ ಸದಸ್ಯರಿಂದ ಸಹಿ ಹಾಕಿಸಿಕೊಂಡಿದ್ದಾರೆ.
ನ್ಯಾಯಾಂಗೇತರ ಸ್ಟ್ಯಾಂಪ್ ಪೇಪರ್‌ನಲ್ಲಿ ಹಿಂದಿಯಲ್ಲಿ ಬರೆದಿರುವ ಒಪ್ಪಂದದಲ್ಲಿ ಮೂರು ನಿಯಮಗಳನ್ನು ಹೇಳಲಾಗಿದೆ.
1) ಕುಟುಂಬ ಸದಸ್ಯರು ಎಚ್ಚರವಾದ ನಂತರ, ಅವರು ಸೂರ್ಯನನ್ನು ನೋಡಬೇಕು ಹೊರತು ತಮ್ಮ ಫೋನ್‌ಗಳತ್ತ ನೋಡಬಾರದು.
2) ಎಲ್ಲರೂ ಒಟ್ಟಿಗೆ ಡೈನಿಂಗ್ ಟೇಬಲ್‌ನಲ್ಲಿ ಊಟ ಮಾಡಬೇಕು ಮತ್ತು ಫೋನ್‌ಗಳನ್ನು ದೂರವಿಡಬೇಕು.
3) ಎಲ್ಲಾ ಸದಸ್ಯರು ತಮ್ಮ ಫೋನ್‌ಗಳನ್ನು ಬಾತ್ರೂಮ್‌ನಲ್ಲಿ ಬಳಸುವುದನ್ನು ನಿಷೇಧಿಸಲಾಗಿದೆ. ಇದರಿಂದ ಅವರು ರೀಲ್‌ಗಳನ್ನು ವೀಕ್ಷಿಸಲು ಸಮಯವನ್ನು ವ್ಯರ್ಥ ಆಗುವುದಿಲ್ಲ.
ಯಾವುದೇ ರೀತಿಯ ಕೋಪ, ಸಿಟ್ಟಿನಲ್ಲಿ ಈ ಒಪ್ಪಂದಕ್ಕೆ ಸಹಿ ಹಾಕುವ ನಿರ್ಧಾರ ಕೈಗೊಂಡಿಲ್ಲ ಎಂದೂ ಒಪ್ಪಂದದಲ್ಲಿ ಉಲ್ಲೇಖಿಸಲಾಗಿದೆ.
my maasi made everyone in the house sign this agreement 😭 pic.twitter.com/hnEfo5JELH
— Jesus (@clownlamba) January 3, 2024
ಯಾರಾದರೂ ಈ ನಿಯಮಗಳನ್ನು ಪಾಲಿಸಲು ವಿಫಲವಾದರೆ, ಅವರು ಒಂದು ತಿಂಗಳ ಕಾಲ ಸ್ವಿಗ್ಗಿ ಅಥವಾ ಜೊಮ್ಯಾಟೊ ಮೂಲಕ ಆಹಾರವನ್ನು ಆರ್ಡರ್ ಮಾಡುವುದನ್ನು ನಿಷೇಧಿಸಲಾಗುತ್ತದೆ.
ಮಹಿಳೆ ಈ ಒಪ್ಪಂದದ ಕುರಿತು ಪೋಸ್ಟ್ ಅನ್ನು ಸಾಮಾಜಿಕ ಮಾಧ್ಯಮ ಬಳಕೆದಾರರೊಬ್ಬರು ಹಂಚಿಕೊಂಡಿದ್ದು, ಇದಕ್ಕೆ ಸಾಕಷ್ಟು ಪ್ರತಿಕ್ರಿಯೆಗಳನ್ನು ವ್ಯಕ್ತವಾಗಿವೆ.
“ನನ್ನ ಮೌಸಿ (ಚಿಕ್ಕಮ್ಮ) ಮನೆಯವರೆಲ್ಲರನ್ನೂ ಈ ಒಪ್ಪಂದಕ್ಕೆ ಸಹಿ ಹಾಕುವಂತೆ ಮಾಡಿದ್ದಾರೆ” ಎಂದು ಪೋಸ್ಟ್‌ನ ಶೀರ್ಷಿಕೆಯಲ್ಲಿ ಹೇಳಲಾಗಿದೆ.
“ಮಂಜು ಮೌಸಿ ಎಂಬುದು ಪರಂಪರೆ, ಪ್ರತಿಷ್ಠೆ, ಅನುಶಾಸನಗಳ ಮಾನವ ಆವೃತ್ತಿಯಾಗಿದೆ” ಎಂದು ಇಂಟರ್ನೆಟ್ ಬಳಕೆದಾರರೊಬ್ಬರು ಪ್ರತಿಕ್ರಿಯಿಸಿದ್ದಾರೆ.
“ಮಂಜು ಮೌಸಿ ಮಾದರಿಯಾಗಿ ಮುನ್ನಡೆಸುತ್ತಿದ್ದಾರೆ” ಎಂದು ಮತ್ತೊಬ್ಬರು ಹೇಳಿದ್ದಾರೆ.
ಒಪ್ಪಂದದ ಉಲ್ಲಂಘನೆಗಾಗಿ ದಂಡನೆ ಏನೆಂದು ಓದಲು ನಾನು ಕಾಯುತ್ತಿದ್ದೆ ಮತ್ತು ನಿರಾಶೆಯಾಗಲಿಲ್ಲ! ಎಂದು ಮಗದೊಬ್ಬರು ಹೇಳಿದ್ದಾರೆ.
“ಇದು ನನ್ನ ತಾಯಿಯ ಕಣ್ಣುಗಳನ್ನು ತಲುಪುವುದಿಲ್ಲ ಎಂದು ಭಾವಿಸುತ್ತೇವೆ.” ಎಂದು ಮತ್ತೊಬ್ಬರು ಪ್ರತಿಕ್ರಿಯಿಸಿದ್ದಾರೆ.
ಅಗ್ನಿವೀರ್ ವಾಯು ನೇಮಕಾತಿಗೆ ಅಧಿಸೂಚನೆ: ಜ. 17ರಿಂದ ಅರ್ಜಿ ಸಲ್ಲಿಕೆ ಆರಂಭ
ಉದ್ಯೋಗಿಗಳಿಗೆ ಕಾರು ಉಡುಗೊರೆ ನೀಡಿದ ಚೆನ್ನೈ ಐಟಿ ಕಂಪನಿ: ಶೇಕಡಾ 33ರಷ್ಟು ಷೇರು ಹಂಚಲೂ ನಿರ್ಧಾರ