ನವದೆಹಲಿ: ಸಲಿಂಗಕಾಮಿ ಸೋದರನಿಗಾಗಿ ಮಹಿಳೆಯೊಬ್ಬಳು ಬಾಡಿಗೆ ತಾಯಿಯಾಗಿದ್ದು, ಆ ಮೂಲಕ ಸೋದರನ ಕನಸು ನನಸಾಗಿಸುವಲ್ಲಿ ಮಹತ್ವ ಪಾತ್ರ ವಹಿಸಿದ್ದಾಳೆ. ಆರು ಮಕ್ಕಳ ತಾಯಿಯ ಈ ಪ್ರಯತ್ನವನ್ನು ಸೋದರ ಬೆಲೆ ಕಟ್ಟಲಾಗದ್ದು ಎಂದು ವರ್ಣಿಸಿದ್ದಾನೆ.
ಯುಕೆಯಲ್ಲಿನ ಆರು ಮಕ್ಕಳ ತಾಯಿ ಟ್ರೇಸಿ ಹಸಲ್ ಸೋದರನಿಗಾಗಿ ಬಾಡಿಗೆ ತಾಯಿಯಾಗಿ ಮೆಚ್ಚುಗೆಗೆ ಪಾತ್ರಳಾಗಿದ್ದಾಳೆ. ಈಕೆಯ ಗೇ ಸೋದರ ಆ್ಯಂಥೋನಿ ಡೀಗನ್ ಹಾಗೂ ರೇ ವಿಲಿಯಮ್ಸ್ ಮದುವೆಯಾಗಿದ್ದು, ಈ ಜೋಡಿ ಮಕ್ಕಳನ್ನು ಪಡೆಯುವುದು ಹೇಗೆ ಎಂಬ ಚಿಂತೆಗೆ ಬಿದ್ದಿತ್ತು.
ತಮ್ಮಿಂದ ಮಕ್ಕಳನ್ನು ಪಡೆಯುವ ಸಲುವಾಗಿ ಈ ಜೋಡಿ ಹಲವಾರು ಕಡೆ ಹುಡುಕಾಟ ನಡೆಸಿದ್ದರೂ ಬಾಡಿಗೆ ತಾಯಿಯಾಗಲು ಯಾವ ಮಹಿಳೆಯೂ ಸಿಕ್ಕಿರಲಿಲ್ಲ. ಸರೋಗೆಸಿ ಯುಕೆ ಎಂಬ ಸಾಮಾಜಿಕ ಕಾರ್ಯಕ್ರಮದ ಮೂಲಕ ಸುಮಾರು ಒಂದು ವರ್ಷದ ಪ್ರಯತ್ನ ನಡೆಸಿದ್ದರೂ ಬಾಡಿಗೆ ತಾಯಿ ಸಿಕ್ಕಿರಲಿಲ್ಲ. ಕೊನೆಗೆ ಸೋದರಿಯೊಂದಿಗೆ ಈ ವಿಷಯ ಹಂಚಿಕೊಂಡಾಗ ಆಕೆ ಒಪ್ಪಿಕೊಂಡಿದ್ದು, ಗೇ ದಂಪತಿ ಮಗು ಪಡೆಯುವುದು ಸಾಧ್ಯವಾಗಿದೆ.
ಇದನ್ನೂ ಓದಿ: ಇಂಧನ ಬೆಲೆ ಇಳಿಸುವವರೆಗೆ ಹಾಲಿನ ದರ ಲೀಟರ್ಗೆ 100 ರೂ! ಇದು ಹೊಸ ರೀತಿಯ ಪ್ರತಿಭಟನೆ
ಆರು ಮಕ್ಕಳ ತಾಯಿಯಾಗಿರುವ ಈಕೆ ಈ ಬಗ್ಗೆ ಪತಿಯ ಬಳಿ ಕೇಳಿಕೊಂಡಿದ್ದಾಗ, ಆತ ಈ ಪ್ರಯತ್ನಕ್ಕೆ ಆಕೆಯ ವಯಸ್ಸು ಅಡ್ಡಿ ಆದೀತು ಎಂದಿದ್ದರಂತೆ. ಆದರೆ ಸೋದರನಿಗಾಗಿ ರಿಸ್ಕ್ ತೆಗೆದುಕೊಳ್ಳು ಮುಂದಾದ ಈ ಸೋದರಿ ಐವಿಎಫ್ನ ಮೂರನೇ ಪ್ರಯತ್ನದಲ್ಲಿ ಯಶಸ್ವಿಯಾಗಿದ್ದು, 2020ರ ಅಕ್ಟೋಬರ್ 12ರಂದು ಮಗುವಿಗೆ ಜನ್ಮ ನೀಡಿದ್ದಾರೆ. ಇತ್ತೀಚೆಗೆ ಈ ವಿಷಯ ಹಂಚಿಕೊಂಡಿರುವ ಸೋದರ, ಸೋದರಿಯ ಈ ಪ್ರಯತ್ನ ಬೆಲೆ ಕಟ್ಟಲಾಗದ್ದು ಇಂದು ಮೆಚ್ಚುಗೆ ವ್ಯಕ್ತಪಡಿಸಿದ್ದಾನೆ. (ಏಜೆನ್ಸೀಸ್)
ಕ್ಷಣಕ್ಷಣದ ಮಾಹಿತಿಗಾಗಿ ವಿಜಯವಾಣಿ ಫೇಸ್ಬುಕ್ ಪೇಜ್ ಲೈಕ್ ಮಾಡಿ
ಆನ್ಲೈನ್ ರಮ್ಮಿ ಆಟಕ್ಕೆ ಬ್ರೇಕ್! ಇನ್ನು ಮುಂದೆ ಈ ರಾಜ್ಯದಲ್ಲಿ ಆನ್ಲೈನ್ ಜೂಜಾಡುವಂತಿಲ್ಲ
ಟಿಕ್ಟಾಕ್ ಸ್ಟಾರ್ ಆತ್ಮಹತ್ಯೆ ಹಿಂದೆ ಮಹಾ ಸಚಿವನ ಕೈವಾಡ? ಸಚಿವ ಸ್ಥಾನಕ್ಕೆ ರಾಜೀನಾಮೆ ಕೊಟ್ಟ ನಾಯಕ