ವಿಶ್ವದ ಬಹುತೇಕ ರಾಷ್ಟ್ರಗಳಲ್ಲಿ ಕರೊನಾ ಲಾಕ್ಡೌನ್ ಇದೆ. ಇದರಿಂದಾಗಿ ಜನರು ದಿನದ ಬಹುಪಾಲು ಸಮಯ ಮನೆಯಲ್ಲಿಯೇ ಕಳೆಯಬೇಕು. ಕೆಲಸಕ್ಕೆಂದು ಕಚೇರಿಗಳಿಗೆ ಹೋಗುವಂತಿಲ್ಲ. ಆಯಾ ರಾಷ್ಟ್ರಗಳು ನೀಡಿದ ಮಾರ್ಗಸೂಚಿ ಕ್ರಮಗಳನ್ನು ಕಟ್ಟುನಿಟ್ಟಾಗಿ ಪಾಲಿಸಬೇಕು.
ಮನೆಯಲ್ಲಿ ಕುಟುಂಬದವರೊಟ್ಟಿಗೆ ಇರುವವರಿಗೆ ಅಷ್ಟೊಂದು ಏಕತಾನತೆ ಕಾಡದು. ಬೇಸರ ಉಂಟಾಗದು. ಆದರೆ ಸಿಂಗಲ್ (ಏಕಾಂಗಿ) ಆಗಿರುವವರಿಗೆ ಸಮಯ ಕಳೆಯುವುದೇ ಕಷ್ಟವಾಗಿದೆ. ಅಂತಹ ಏಕಾಂಗಿ ಮಹಿಳೆ, ಪುರುಷರಿಗೆ ಡಚ್ ಸರ್ಕಾರ ಒಂದು ವಿಶಿಷ್ಟ ಸಲಹೆ ನೀಡಿದೆ. ಅದಕ್ಕೆ ಸಂಬಂಧಪಟ್ಟಂತೆ ಹೊಸ ಮಾರ್ಗಸೂಚಿಯನ್ನೇ ಬಿಡುಗಡೆ ಮಾಡಿದೆ.
ಲಾಕ್ಡೌನ್ನಲ್ಲಿ ಕಾಡುವ ಏಕತಾನತೆಯಿಂದ ಪಾರಾಗಲು ಒಬ್ಬಂಟಿ (ಪುರುಷ/ಮಹಿಳೆ)ಯಾಗಿ ಇರುವವರು ಸೆಕ್ಸ್ಗಾಗಿ ಸಂಗಾತಿಗಳನ್ನು ಹುಡುಕಿಕೊಳ್ಳಿ ಎಂದು ನೆದರ್ಲ್ಯಾಂಡ್ನ ಸಾರ್ವಜನಿಕ ಆರೋಗ್ಯ ಮತ್ತು ಪರಿಸರಕ್ಕಾಗಿ ಇರುವ ರಾಷ್ಟ್ರೀಯ ಸಂಸ್ಥೆ ತನ್ನ ಹೊಸ ಮಾರ್ಗಸೂಚಿಯಲ್ಲಿ ಹೇಳುವ ಮೂಲಕ, ಸಿಂಗಲ್ ಇರುವವರಿಗೆ ಬಂಪರ್ ಐಡಿಯಾ ಕೊಟ್ಟಿದೆ.
ಇದನ್ನೂ ಓದಿ: ಫೋನ್ನಲ್ಲಿ ಕೇಳಿಬರುವ ಕರೊನಾ ಕಾಲರ್ ಟ್ಯೂನ್ಗೆ ಕನ್ನಡದಲ್ಲಿ ಧ್ವನಿ ಕೊಟ್ಟವರು ಇವರೇ ನೋಡಿ…
ಲಾಕ್ಡೌನ್ ವೇಳೆ ಸಮಯ ಕಳೆಯಲು ಲೈಂಗಿಕ ಸಂಪರ್ಕ ಹೊಂದಿ. ಆದರೆ ಸೂಕ್ತ ಸಂಗಾತಿಯನ್ನು ನೀವೇ ಹುಡುಕಿಕೊಳ್ಳಿ. ಹೀಗೆ ಸೆಕ್ಸ್ ಜತೆಗಾರನನ್ನು/ ಜತೆಗಾರ್ತಿಯನ್ನು ಹುಡುಕಿಕೊಳ್ಳುವಾಗ ಎಚ್ಚರವಿರಲಿ. ಅವರಲ್ಲಿ ಕರೊನಾ ಲಕ್ಷಣಗಳು ಇರಬಾರದು. ಒಮ್ಮೆ ಅವರನ್ನು ಮನೆಗೆ ಕರೆದುಕೊಂಡು ಬಂದ ಮೇಲೆ ಸೋಂಕಿನ ಲಕ್ಷಣಗಳು ಕಂಡುಬಂದರೆ, ಯಾವ ಕಾರಣಕ್ಕೂ ಲೈಂಗಿಕ ಕ್ರಿಯೆ ನಡೆಸಬೇಡಿ ಎಂದು ಡಚ್ ಸರ್ಕಾರ ಸಲಹೆ ನೀಡಿದೆ.
ಇದು ಪತಿ ಅಥವಾ ಪತ್ನಿಯಿಂದ ದೂರ ಆಗಿ ಒಂಟಿಯಾಗಿ ಜೀವಿಸುತ್ತಿರುವವರಿಗೆ ನೀಡಲಾದ ಮಾರ್ಗಸೂಚಿ. ಡಚ್ ಸರ್ಕಾರ ಲಾಕ್ಡೌನ್ ಮಾರ್ಗಸೂಚಿ ಬಿಡುಗಡೆ ಮಾಡುತ್ತಿದ್ದಂತೆ ಅಲ್ಲಿನ ಕೆಲವು ವಿಶ್ಲೇಷಕರು ಈ ಬಗ್ಗೆ ಪ್ರಶ್ನೆ ಮಾಡಿದ್ದರು. ಸಿಂಗಲ್ ಆಗಿರುವವರ ದೈಹಿಕ ವಾಂಛೆಯ ಬಗ್ಗೆಯೂ ಗಮನ ಹರಿಸಬೇಕು ಎಂದು ಹೇಳಿದ್ದರು.
ಹಾಗಾಗಿ ಪರಿಷ್ಕೃತ ಗೈಡ್ಲೈನ್ ನೀಡಿರುವ ಸರ್ಕಾರ, ಒಬ್ಬಂಟಿಯಾಗಿರುವವರೂ ಲೈಂಗಿಕ ಸಂಪರ್ಕವನ್ನು ಬಯಸುತ್ತಾರೆ ಎಂಬುದು ಸತ್ಯ. ಹಾಗಾಗಿ ಈ ಅವಕಾಶ ನೀಡಲಾಗಿದೆ. ನೀವು ಇಷ್ಟು ದಿನ ಯಾರೊಂದಿಗಾದರೂ ನಿರಂತರವಾಗಿ ಸೆಕ್ಸ್ನಲ್ಲಿ ತೊಡಗಿದ್ದರೆ ಮೊದಲು ಅವರನ್ನೇ ಸಂಪರ್ಕಿಸಿ. ಇಲ್ಲವಾದರೆ ಜಾಗರೂಕತೆಯಿಂದ ಹುಡುಕಿಕೊಳ್ಳಿ ಎಂದು ಹೇಳಿದೆ.
ಇದನ್ನೂ ಓದಿ: ಲಾಕ್ಡೌನ್ ತೆರವಾದ ಬಳಿಕ ಸಾರ್ವಜನಿಕ ಸಾರಿಗೆ ಬಳಕೆ ಟ್ರೆಂಡ್ ಹೇಗಿರುತ್ತೆ?
ಹಾಗೇ ತುಂಬ ಜನರ ಸಂಪರ್ಕಕ್ಕೆ ಹೋದರೆ, ಅಲ್ಲಿ ಕೂಡ ಕರೊನಾ ಹರಡುವ ಸಾಧ್ಯತೆ ಹೆಚ್ಚಾಗಿರುತ್ತದೆ ಎಂಬುದನ್ನು ಮರೆಯದಿರಿ ಎಂದೂ ತಿಳಿಸಿದೆ.
ನೆದರ್ಲ್ಯಾಂಡ್ನಲ್ಲಿ 43,880 ಸೋಂಕಿತರು ಇದ್ದು, 5,500 ಜನರು ಮೃತಪಟ್ಟಿದ್ದಾರೆ.