ಹಿರಿಯ ಗಾಯಕಿ ಎಸ್ ಜಾನಕಿ ನಿಧನರಾಗಿದ್ದಾರೆಂಬ ಸುದ್ದಿ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದ್ದು, ಆ ವದಂತಿಗೆ ಕುಟುಂಬದ ಮೂಲಗಳು ಬ್ರೇಕ್ ಹಾಕಿವೆ. ಎಸ್. ಜಾನಕಿಯವರಿಗೆ ಏನೂ ಆಗಿಲ್ಲ. ಅವರ ಆರೋಗ್ಯ ಸ್ಥಿರವಾಗಿದೆ ಎಂದು ಜಾನಕಿ ಕುಟುಂಬ ತಿಳಿಸಿದೆ.
ವಯೋಸಹಜ ಕಾಯಿಲೆಯಿಂದ ಎಸ್.ಜಾನಕಿ ನಿಧನರಾಗಿದ್ದಾರೆ ಎಂಬ ಸುದ್ದಿ ಎಲ್ಲೆಡೆ ವೈರಲ್ ಆಗುತ್ತಿದ್ದಂತೆ, ಗಾಯಕ ಎಸ್ಪಿ ಬಾಲಸುಬ್ರಮಣ್ಯಂ, ಮನೋ ಮತ್ತು ಮನೋಬಾಲ ಸೇರಿ ಹಲವರು ಜಾನಕಿ ಸಾವಿನ ಸುದ್ದಿ ಸುಳ್ಳು ಎಂದು ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.
ಇದನ್ನೂ ಓದಿ: ಸುದೀಪ್ ಚಿತ್ರಕ್ಕೆ ರಾಜಮಂಡ್ರಿಯಿಂದ 22 ಲಾರಿಗಳಲ್ಲಿ ಬಂದಿದ್ದೇನು?
ಜಾನಕಿ ಅವರ ಆರೋಗ್ಯದ ಬಗ್ಗೆ ಬೆಳಗ್ಗೆಯಿಂದ ಏನಿಲ್ಲ ಅಂದರೂ 20ಕ್ಕೂ ಅಧಿಕ ಫೋನ್ ಕರೆಗಳನ್ನು ಸ್ವೀಕರಿಸಿದ್ದೇನೆ. ಒಂದಷ್ಟು ಮಂದಿ ಜಾಲತಾಣಗಳಲ್ಲಿ ಜಾನಕಿ ಇನ್ನಿಲ್ಲ ಎಂಬ ಸುದ್ದಿ ಪ್ರಕಟಿಸುತ್ತಿದ್ದಾರೆ. ಎಂಥ ನಾನ್ಸೆನ್ಸ್ ಕೆಲಸವದು? ಜಾನಕಿ ಅವರ ಜತೆ ಮಾತನಾಡಿದ್ದೇನೆ. ಅವರು ಆರೋಗ್ಯವಾಗಿದ್ದಾರೆ. oಂದಷ್ಟು ಕಲಾವಿದರು ಪ್ರಾಣಕ್ಕಿಂತ ಹೆಚ್ಚು ಅವರನ್ನು ಇಷ್ಟಪಡುತ್ತಾರೆ, ಈ ಸುದ್ದಿ ಕೇಳಿ ಅವರ ಎದೆಯೇ ನಡುಗಿರುತ್ತದೆ. ದಯವಿಟ್ಟು ಜಾಲತಾಣಗಳನ್ನು ಪಾಸಿಟಿವಿಟಿಗಾಗಿ ಬಳಕೆ ಮಾಡಿ, ತಮಾಷೆ ಮಾಡಬೇಡಿ’ ಎಂದು ಎಸ್.ಇ. ಬಾಲಸುಬ್ರಮಣ್ಯ ಟ್ವಿಟರ್ನಲ್ಲಿ ಬರೆದುಕೊಂಡಿದ್ದಾರೆ.
ಇದನ್ನೂ ಓದಿ: ಅಂಬಿ-ವಿಷ್ಣು ಸ್ನೇಹ-ಬಾಂಧವ್ಯಕ್ಕೆ ಮಸಿ ಬೆಳೆಯೋದು ಬೇಡ …
ಇನ್ನು ಎಸ್. ಜಾನಕಿ ಸಾವಿನ ಕುರಿತ ಸುದ್ದಿಗಳು ಹರಿದಾಡುತ್ತಿರುವುದು ಇದೇ ಮೊದಲೇನಲ್ಲ. ಈ ಹಿಂದೆಯೂ ಇದೇ ರೀತಿ ವದಂತಿಗಳು ಹರಿದಾಡಿದ್ದವು. ಆಗ ನೇರವಾಗಿ ಎಸ್. ಜಾನಕಿ ಉತ್ತರ ಕೊಟ್ಟಿದ್ದರು. ಇದೀಗ ಮತ್ತೆ ಅವರ ಸಾವಿನ ಸುದ್ದಿ ಹರಿದಾಡುತ್ತಿರುವುದಕ್ಕೆ ಕಾರಣ ಇದೆ. ಇತ್ತೀಚೆಗಷ್ಟೇ ಸಣ್ಣ ಶಸ್ತ್ರ ಚಿಕಿತ್ಸೆಗೆ ಒಳಗಾಗಿದ್ದರು. ಅದನ್ನೇ ತಿರುಚಿ ಅವರ ನಿಧನವಾಗಿದೆ ಎಂದು ಸುದ್ದಿ ಹಬ್ಬಿಸಲಾಗಿದೆ.
ಅಂದಹಾಗೆ, 1957ರಲ್ಲಿ ಕಾಲಿವುಡ್ ಮೂಲಕ ಗಾಯನ ಲೋಕಕ್ಕೆ ಆಗಮಿಸಿದ ಎಸ್. ಜಾನಕಿ ಇಲ್ಲಿಯವರೆಗೂ 48 ಸಾವಿರಕ್ಕೂ ಅಧಿಕ ಹಾಡುಗಳಿಗೆ ಧ್ವನಿ ನೀಡಿದ್ದಾರೆ. 2016ರಲ್ಲಿ ಗಾಯನಕ್ಕೆ ನಿವೃತ್ತಿ ಘೋಷಿಸಿದ್ದರು.