ಚೆನ್ನೈ: ಒಂದು ಕಾಲದಲ್ಲಿ ಕಾಲಿವುಡ್ನ ಜನಪ್ರಿಯ ನಾಯಕಿಯಾಗಿದ್ದವರು ಸಿಮ್ರಾನ್. ಮದುವೆಯ ನಂತರ ಕ್ರಮೇಣ ಅವರು ಚಿತ್ರರಂಗದಿಂದ ದೂರ ಸರಿದರು. ಆದರೆ, ಬಣ್ಣದ ನಂಟು ಬಿಡಬೇಕಲ್ಲ. ಮದುವೆಯ ನಂತರವೂ ಅವರು ಆಗಾಗ ಕೆಲವು ಸಿನಿಮಾಗಳಲ್ಲಿ ನಟಿಸಿದ್ದುಂಟು.
ಇದನ್ನೂ ಓದಿ: ಡ್ರಗ್ಸ್ ವಿರುದ್ಧ ಜಾಗೃತಿ ಮೂಡಿಸಲಿದ್ದಾರೆ ನಟ ಪಂಕಜ್ ತ್ರಿಪಾಠಿ
ಈಗ ಹೊಸ ವಿಷಯವೇನೆಂದರೆ, ಒಂದು ಕಾಲಕ್ಕೆ ಸೂರ್ಯಗೆ ನಾಯಕಿಯಾಗಿದ್ದ ಸಿಮ್ರಾನ್, ಇದೀಗ ಸೂರ್ಯ ಸಹೋದರ ಕಾರ್ತಿ ಎದುರು ವಿಲನ್ ಆಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಕಾರ್ತಿ ಅಭಿನಯದ ಹೊಸ ಸಿನಿಮಾದಲ್ಲಿ ಸಿಮ್ರಾನ್ ನೆಗೆಟಿವ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದು, ಕಾಲಿವುಡ್ನಲ್ಲಿ ಇದು ದೊಡ್ಡ ಸುದ್ದಿಯಾಗಿದೆ.
ಅಂದಹಾಗೆ, ಕಾರ್ತಿ ಅಭಿನಯದ ಹೊಸ ಚಿತ್ರದ ಹೆಸರು ‘ಸರ್ದಾರ್’. ಇದೊಂದು ಸ್ಪೈ ಥ್ರಿಲ್ಲರ್ ಚಿತ್ರವಾಗಿದ್ದು, ಪಿ.ಎಸ್. ಮಿತ್ರನ್ ಕಥೆ ಬರೆದು ನಿರ್ದೇಶನ ಮಾಡುತ್ತಿದ್ದಾರೆ. ಇನ್ನು, ಪ್ರಿನ್ಸ್ ಪಿಕ್ಚರ್ಸ್ ಎಂಬ ಸಂಸ್ಥೆ ಈ ಚಿತ್ರವನ್ನು ನಿರ್ಮಿಸುತ್ತಿದೆ.
ಇದನ್ನೂ ಓದಿ: ಶಾರುಖ್ ಜತೆಗೆ ನಯನತಾರಾ; ಬಾಲಿವುಡ್ಗೆ ಮೊದಲ ಬಾರಿಗೆ ಎಂಟ್ರಿ
ಈ ಚಿತ್ರದಲ್ಲಿ ಕಾರ್ತಿಗೆ ನಾಯಕಿಯರಾಗಿ ರಾಶಿ ಖನ್ನಾ ಮತ್ತು ರಜಿಶಾ ವಿಜಯನ್ ನಟಿಸುತ್ತಿದ್ದು, ಸಿಮ್ರಾನ್ ಒಂದು ವಿಭಿನ್ನ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರಂತೆ. ಇದುವರೆಗೂ ಒಳ್ಳೆಯ ಪಾತ್ರಗಳಲ್ಲೇ ಕಾಣಿಸಿಕೊಂಡಿದ್ದ ಸಿಮ್ರಾನ್ ಅವರನ್ನು ನೆಗೆಟಿವ್ ಪಾತ್ರದಲ್ಲಿ ಪ್ರೇಕ್ಷಕರು ಒಪ್ಪುತ್ತಾರಾ ಎಂಬ ಪ್ರಶ್ನೆ ಸಹಜವಾಗಿಯೇ ಬರಬಹುದು. ಒಪ್ಪುತ್ತಾರೋ ಇಲ್ಲವೋ ಗೊತ್ತಿಲ್ಲ. ಆದರೆ, ಸಿಮ್ರಾನ್ ಈ ಚಿತ್ರದಲ್ಲಿ ಏನು ಪಾತ್ರ ಮಾಡಿದ್ದಾರೆ ಮತ್ತು ಹೇಗೆ ಮಾಡಿದ್ದಾರೆ ಎಂದು ನೋಡುವುದಕ್ಕಾದರೂ ಜನ ಚಿತ್ರಮಂದಿರದ ಕಡೆ ಖಂಡಿತಾ ಬರುತ್ತಾರೆ ಎಂಬ ನಂಬಿಕೆ ಚಿತ್ರತಂಡದವರಿಗೆ ಇದೆ.
ಸ್ಟಾರ್ಗಳು ಅಖಾಡಕ್ಕೆ; 28ರಿಂದ ಲಗಾಮ್, ಶಿವಪ್ಪ ಶೂಟಿಂಗ್