ಬೆಂಗಳೂರು: ಶಾಸಕ ರಾಮಪ್ಪ, ಈ ಬಾರಿಯೂ ಚುನಾವಣೆಯಲ್ಲಿ ಸ್ಪರ್ಧಿಸಲು ಉತ್ಸುಕರಾಗಿದ್ದು ಟಿಕೆಟ್ ಗಾಗಿ ಮಾಜಿ ಸಿಎಂ ಸಿದ್ದರಾಮಯ್ಯ ನಿವಾಸದ ಬಳಿ ಬಂದಿದ್ದರು. ಅವರೊಂದಿಗೆ ಅವರ ಅಭಿಮಾನಿ ಬಳಗವೂ ಬಂದಿತ್ತು. ಈ ಸಂದರ್ಭ ಶಾಸಕರಿಗೆ ತಮ್ಮ ನಿರ್ಧಾರವನ್ನು ತಿಳಿಸಿದ ಸಿದ್ದರಾಮಯ್ಯ ‘ಟಿಕೆಟ್ ಆಮೇಲೆ ನೋಡಣ. ಸರ್ವೆ ರಿಪೋರ್ಟ್ ಬರಲಿ’ ಎಂದು ಹೇಳಿದ್ದರು.
ಈ ಘಟನೆ ನಡೆದ ಮೇಲೆ ಸಿದ್ದರಾಮಯ್ಯ ಹೊಡಲಿದ್ದರು. ಹೊರಡುವಾಗ ಸಿದ್ದರಾಮಯ್ಯರನ್ನು ಶಾಸಕರ ಅಭಿಮಾನಿಗಳು ಹಾಗೂ ಬೆಂಬಲಿಗರು ಸುತ್ತುವರೆದರು. ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಹೊರ ಬಂದಾಗಲೂ ತಳ್ಳಾಟ ನೂಕಾಟ ನಡೆಯುತ್ತಲೇ ಇತ್ತು. ಇದರಿಂದ ಸುಸ್ತಾದ ಸಿದ್ದರಾಮಯ್ಯ ತಮ್ಮನ್ನು ತಳ್ಳಿದ ಅಭಿಮಾನಿಗೆ ಕಪಾಳ ಮೋಕ್ಷ ಮಾಡಿದ್ದಾರೆ.