ನವದೆಹಲಿ: ಎಫ್‌ಎಂಸಿಜಿ ವಲಯದ ಸ್ಮಾಲ್ ಕ್ಯಾಪ್ ಕಂಪನಿಯಾದ ಸರ್ವೇಶ್ವರ್ ಫುಡ್ಸ್ ಲಿಮಿಟೆಡ್ (Sarveshwar Foods Ltd) ಷೇರುಗಳು ಸೋಮವಾರ, ಫೆ. 5ರಂದು 10% ಅಪ್ಪರ್ ಸರ್ಕ್ಯೂಟ್‌ಗೆ ತಲುಪಿದವು.
ಹಣಕಾಸಿನ ಫಲಿತಾಂಶಗಳನ್ನು ಪರಿಗಣಿಸಲು ಫೆಬ್ರವರಿ 10, 2024 ರಂದು ನಡೆಯಲಿರುವ ನಿರ್ದೇಶಕರ ಮಂಡಳಿಯ ಮುಂಬರುವ ಸಭೆಯ ಕುರಿತು ಕಂಪನಿಯು ಫೆಬ್ರವರಿ 3, 2024 ರಂದು ಮಾಹಿತಿ ನೀಡಿದೆ. ಜನವರಿ 31 ರಂದು, ಸರ್ವೇಶ್ವರ್ ಫುಡ್ಸ್ ವಾಲ್‌ನಟ್ಸ್, ರಾಜ್ಮಾ, ಸೇಬು, ಕಪ್ಪು ಮೊರಲ್ಸ್ (ಗುಚ್ಚಿ), ಕಾಲಾ ಜೀರಾ ಮತ್ತು ಇತರ ಅಧಿಕೃತ ಹಿಮಾಲಯನ್ ಅನ್ನು ಖರೀದಿಸಲು ಕುಲ್ಗಾಮ್ ಮತ್ತು ದೋಡಾದಲ್ಲಿ ಇನ್ನೂ 2 “ಎಸ್‌ಎಫ್‌ಎಲ್-ಚೌಪಲ್‌ಗಳನ್ನು” (ಪ್ರೊಕ್ಯೂರ್‌ಮೆಂಟ್ ಫೆಸಿಲಿಟೇಶನ್ ಸೆಂಟರ್‌ಗಳು) ಸ್ಥಾಪಿಸುವ ಕುರಿತು ಮಾಹಿತಿ ನೀಡಿದೆ.
ಸೋಮವಾರ ಇಂಟ್ರಾ ಡೇ ವಹಿವಾಟಿನಲ್ಲಿ ಶೇ. 10ರ ಅಪ್ಪರ್ ಸರ್ಕ್ಯೂಟ್ ಅನ್ನು ಈ ಕಂಪನಿಯ ಷೇರುಗಳು ಹಿಟ್ ಮಾಡಿದವು. ಅಂದರೆ, ಒಂದು ದಿನದಲ್ಲಿ ಗರಿಷ್ಠ ಮಿತಿ ಏರಿಕೆಯನ್ನು ಷೇರುಗಳು ದಾಖಲಿಸಿದವು. ದಿನದ ಕೊನೆಯಲ್ಲಿ ಈ ಷೇರು ಬೆಲೆ 9.94% ರ ಏರಿಕೆಯೊಂದಿಗೆ ರೂ 8.85 ಆಗಿದೆ. ಈ ಮೂಲಕ ಷೇರುಗಳು 52-ವಾರದ ಗರಿಷ್ಠ ಮಟ್ಟವನ್ನು ತಲುಪಿದವು.
ಈ ಕಂಪನಿಯ ಷೇರುಗಳು ಕಳೆದ 1-ವರ್ಷದಲ್ಲಿ 248% ಮತ್ತು ಕಳೆದ 3-ತಿಂಗಳಲ್ಲಿ 91%; ಕಳೆದ 1 ತಿಂಗಳಲ್ಲಿ ಶೇ. 50ರಷ್ಟು ಏರಿಕೆಯನ್ನು ದಾಖಲಿಸಿವೆ.
ಕಂಪನಿಯ ನಿರ್ದೇಶಕರ ಮಂಡಳಿಯ ಸಭೆಯು 2024 ರ ಫೆಬ್ರವರಿ 10 ನೇ ದಿನವಾದ ಶನಿವಾರದಂದು ನಡೆಯಲಿದೆ. 31ನೇ ಡಿಸೆಂಬರ್, 2023 ರಂದು ಕೊನೆಗೊಂಡ ತ್ರೈಮಾಸಿಕ ಮತ್ತು ಒಂಬತ್ತು ತಿಂಗಳುಗಳ ಲೆಕ್ಕಪರಿಶೋಧನೆಯಿಲ್ಲದ ಸ್ವತಂತ್ರ ಮತ್ತು ಕ್ರೋಢೀಕೃತ ಹಣಕಾಸು ಫಲಿತಾಂಶಗಳು ಮತ್ತು ಕಾರ್ಯಸೂಚಿ ಸೂಚನೆಯಲ್ಲಿ ತಿಳಿಸಲಾದ ಇತರ ವಿಷಯಗಳನ್ನು ಪರಿಗಣಿಸಲು ಮತ್ತು ಅನುಮೋದಿಸಲು ಈ ಸಭೆ ನಡೆಯಲಿದೆ ಎಂದು ಕಂಪನಿ ಪ್ರಕಟಿಸಿದೆ.
ಈ ಷೇರುಗಳ 52-ವಾರದ ಗರಿಷ್ಠ ಬೆಲೆಯು ರೂ 8.89 ಮತ್ತು ಕನಿಷ್ಠ ಬೆಲೆ ರೂ 2.07 ಆಗಿದೆ. ಕಂಪನಿಯ ಮಾರುಕಟ್ಟೆ ಬಂಡವಾಳ 870.17 ಕೋಟಿ ರೂ. ಸರ್ವೇಶ್ವರ್ ಫುಡ್ಸ್ ಸ್ಟಾಕ್ ಕಳೆದ 1-ತಿಂಗಳಲ್ಲಿ 52% ರಷ್ಟು ಏರಿಕೆಯಾಗಿದೆ, ಕಳೆದ 6-ತಿಂಗಳಲ್ಲಿ 99% ಗಳಿಸಿದೆ. ಕಳೆದ 1-ವರ್ಷದಲ್ಲಿ 248% ಗಗನಕ್ಕೇರಿದೆ.
2023 ರಲ್ಲಿ ಸರ್ವೇಶ್ವರ್ ಫುಡ್ಸ್‌ನ ನಿರ್ದೇಶಕರ ಮಂಡಳಿಯು ಸೆಪ್ಟೆಂಬರ್ 15 ರಂದು 2:1 ಬೋನಸ್ ಷೇರು ವಿತರಿಸಿತ್ತು.
ಜಿಐ ಟ್ಯಾಗ್, ಷೇರುಗಳು ಜೂಮ್:
ಕಂಪನಿಯ ಪತ್ರಿಕಾ ಪ್ರಕಟಣೆಯ ಪ್ರಕಾರ , “ಸರ್ವೇಶ್ವರ್ ಫುಡ್ಸ್ ಲಿಮಿಟೆಡ್ ರಫ್ತು ಉದ್ದೇಶಗಳಿಗಾಗಿ ಬಾಸ್ಮತಿ ಅಕ್ಕಿಗೆ GI ಟ್ಯಾಗ್ ಹೊಂದಿರುವ ಜಮ್ಮು ಮತ್ತು ಕಾಶ್ಮೀರ ಪ್ರದೇಶದಲ್ಲಿ ಮೊದಲ ಮತ್ತು ಏಕೈಕ ಕಂಪನಿಯಾಗಿದೆ.” APEDA (ವಾಣಿಜ್ಯ ಮತ್ತು ಕೈಗಾರಿಕಾ ಸಚಿವಾಲಯ, ಭಾರತ ಸರ್ಕಾರದಿಂದ GI ಟ್ಯಾಗ್ ನೀಡಲಾಗಿದೆ. ) ದಾಖಲೆಗಳ ಸಂಪೂರ್ಣ ಪರಿಶೀಲನೆಯ ನಂತರ, ಉತ್ಪನ್ನದ ಗುಣಮಟ್ಟ, ಅವುಗಳ ಗುಣಲಕ್ಷಣಗಳು, ಮೂಲ ಮತ್ತು ಸಂಗ್ರಹಣೆ, ಸರ್ವೇಶ್ವರ್ ಫುಡ್ಸ್ ತನ್ನ ಬಾಸ್ಮತಿ ಅಕ್ಕಿಗೆ ಸಂಸ್ಕರಣಾ ವಿಧಾನವನ್ನು ಅಳವಡಿಸಿಕೊಂಡಿದೆ. ಇನ್ನು ಮುಂದೆ ಕಂಪನಿಯು ರಫ್ತು ಮಾಡಲು ತನ್ನ ಪ್ಯಾಕೇಜಿಂಗ್‌ನಲ್ಲಿ ಜಿಐ ಟ್ಯಾಗ್ ಅನ್ನು ಅಂಟಿಸಲು ಅರ್ಹವಾಗಿದೆ ಎಂದು ಕಂಪನಿಯು ಪತ್ರಿಕಾ ಪ್ರಕಟಣೆಯಲ್ಲಿ ಹೇಳಿದೆ.
ಈ ಕಂಪನಿಯು ದೇಶೀಯ ಮತ್ತು ಅಂತಾರಾಷ್ಟ್ರೀಯ ಮಾರುಕಟ್ಟೆಗಳಲ್ಲಿ ಬ್ರ್ಯಾಂಡೆಡ್ ಮತ್ತು ಅನ್-ಬ್ರಾಂಡೆಡ್ ಬಾಸ್ಮತಿ ಮತ್ತು ಬಾಸ್ಮತಿ ಅಲ್ಲದ ಅಕ್ಕಿಯ ತಯಾರಿಕೆ, ವ್ಯಾಪಾರ, ಸಂಸ್ಕರಣೆ ಮತ್ತು ಮಾರುಕಟ್ಟೆ ವ್ಯವಹಾರದಲ್ಲಿ ತೊಡಗಿಸಿಕೊಂಡಿದೆ.
ಷೇರು ಮಾರುಕಟ್ಟೆಯಲ್ಲಿ ಕರಡಿ ಕುಣಿತ: ಸೂಚ್ಯಂಕ ಕುಸಿತದಲ್ಲಿ ರಿಲಯನ್ಸ್ ನಷ್ಟ, ಟಾಟಾಗೆ ಲಾಭ