ಮುಂಬೈ: ಸನ್ ಫಾರ್ಮಾ ಅಡ್ವಾನ್ಸ್ಡ್ ರಿಸರ್ಚ್ ಕಂಪನಿ (SPARC) ಲಿಮಿಟೆಡ್ನ ಷೇರುಗಳು ತಮ್ಮ 14 ದಿನಗಳ ಕುಸಿತದ ಪ್ರವೃತ್ತಿಯನ್ನು ಮುರಿದಿವೆ. ವಾರದ ಮೂರನೇ ವಹಿವಾಟಿನ ದಿನವಾದ ಗುರುವಾರ ಈ ಷೇರುಗಳ ಬೆಲೆ 4% ವರೆಗೆ ಏರಿಕೆ ಕಂಡಿತು.
ವಹಿವಾಟಿನ ವೇಳೆ ಷೇರಿನ ಬೆಲೆ 243.85 ರೂಪಾಯಿ ತಲುಪಿತ್ತು. ಈ ಸ್ಟಾಕ್ ಸತತ 13 ವಹಿವಾಟು ದಿನಗಳಿಂದ 5% ಕುಸಿತ ಕಂಡು, ಲೋವರ್ ಸರ್ಕ್ಯೂಟ್ ಹಿಟ್ ಆಗುತ್ತ ಬಂದಿದೆ. ಕಳೆದ 14 ವಹಿವಾಟು ದಿನಗಳಲ್ಲಿ ಈ ಷೇರು ಬೆಲೆ 49% ರಷ್ಟು ಕುಸಿತ ಕಂಡಿದೆ. ಈ ಷೇರುಗಳ ಸಾರ್ವಕಾಲಿಕ ಗರಿಷ್ಠ ಬೆಲೆ ರೂ. 593.93 ಹಾಗೂ ಕನಿಷ್ಠ ಬೆಲೆ ರೂ. 35.17 ಇದೆ.
ವೊಡೊಬೆಟಿನಿಬ್ (vodobetinib) ಔಷಧ ಕುರಿತು PROSEEK ಅಧ್ಯಯನವನ್ನು ನಡೆಸಲಾಗಿತ್ತು. ಪಾರ್ಕಿನ್ಸನ್ ಕಾಯಿಲೆಯ ರೋಗಿಗಳ ಕುರಿತುಈ ಅಧ್ಯಯನವನ್ನು ಮಾಡಲಾಗಿದೆ. ಅಧ್ಯಯನದ ಫಲಿತಾಂಶಗಳ ಪ್ರಕಾರ, ವೊಡೊಬೆಟಿನಿಬ್ ತೆಗೆದುಕೊಳ್ಳುವ ರೋಗಿಗಳು ಚಿಕಿತ್ಸೆಯಲ್ಲಿ ಯಾವುದೇ ಪ್ರಯೋಜನವಾಗಿದ್ದು ಕಂಡುಬರಲಿಲ್ಲ. 442 ರೋಗಿಗಳು PROSEEK ಅಧ್ಯಯನದ ಭಾಗ-1 ಅನ್ನು ಪೂರ್ಣಗೊಳಿಸಿದ್ದಾರೆ ಎಂದು ಅಧ್ಯಯನದಲ್ಲಿ ಹೇಳಲಾಗಿದೆ. ಈಗ ಕಂಪನಿಯು ಅಧ್ಯಯನವನ್ನು ಕೈಬಿಡಲು ನಿರ್ಧರಿಸಿದೆ. ಇದು ಕಂಪನಿಗೆ ದೊಡ್ಡ ಹೊಡೆತವಾಗಿದೆ. ಇದನ್ನು ಪಾರ್ಕಿನ್ಸನ್ ಕಾಯಿಲೆ, ಲೆವಿ ದೇಹ ಬುದ್ಧಿಮಾಂದ್ಯತೆ ಮತ್ತು ಆಲ್ಝೈಮರ್ ಬಗ್ಗೆ ಅಧ್ಯಯನ ಮಾಡಲಾಗುತ್ತಿತ್ತು.
ಪಾರ್ಕಿನ್ಸನ್ ಕಾಯಿಲೆಯು ಪ್ರಗತಿಶೀಲ ನರವೈಜ್ಞಾನಿಕ ಅಸ್ವಸ್ಥತೆಯಾಗಿದೆ. ಪಾರ್ಕಿನ್ಸನ್ ಕಾಯಿಲೆಗೆ ವೊಡಾಬಾಟಿನಿಬ್ ಔಷಧ ಮಾರಾಟದ ವ್ಯವಹಾರವು 5 ಶತಕೋಟಿ ಡಾಲರ್ ಆಗಬಹುದೆಂದು ನಿರೀಕ್ಷಿಸಲಾಗಿತ್ತು.
ಸನ್ ಫಾರ್ಮಾ ಅಡ್ವಾನ್ಸ್ಡ್ ರಿಸರ್ಚ್ ಕಂಪನಿಯಲ್ಲಿ 65.67 ರಷ್ಟು ಪಾಲು ಪ್ರವರ್ತಕರ ಬಳಿ ಇದೆ. ಸಾರ್ವಜನಿಕ ಷೇರುದಾರರು ಶೇಕಡಾ 34.33ಷೇರುಗಳನ್ನು ಹೊಂದಿದ್ದಾರೆ. ಪ್ರವರ್ತಕ ಘಟಕಗಳಲ್ಲಿ, ಶಾಂಘ್ವಿ ಫೈನಾನ್ಸ್ ಈ ಸ್ಪಾಕ್ನಲ್ಲಿ 42.28% ಪಾಲನ್ನು ಹೊಂದಿದ್ದರೆ, ಸನ್ ಫಾರ್ಮಾದ ದಿಲೀಪ್ ಶಾಂಘ್ವಿ 19.05% ಪಾಲು ಹೊಂದಿದ್ದಾರೆ.
ನೀವು ಈ ಐಪಿಒದಲ್ಲಿ ಹೂಡಿಕೆ ಮಾಡಿದರೆ ಮೊದಲ ದಿನವೇ ದುಪ್ಪಟ್ಟಾಗಬಹುದು ಹಣ: ಗ್ರೇ ಮಾರುಕಟ್ಟೆಯಲ್ಲಿ ಈಗಾಗಲೇ ಈ ಸ್ಟಾಕ್ಗೆ 125% ಪ್ರೀಮಿಯಂ
ಮಂಗಳವಾರ ಒಂದೇ ದಿನದಲ್ಲಿ 20% ಏರಿಕೆಯಾದ ಷೇರುಗಳು: ಈ 5 ಸ್ಟಾಕ್ಗಳಿಗೆ ಗುರುವಾರವೂ ಡಿಮ್ಯಾಂಡು