ಮುಂಬೈ: ಚಾಕೊಲೇಟ್ ತಯಾರಿಕಾ ಕಂಪನಿಯಾಗಿರುವ ಲೋಟಸ್ ಚಾಕೊಲೇಟ್, ಮುಖೇಶ್ ಅಂಬಾನಿಯವರ ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ ಒಡೆತನದಲ್ಲಿದೆ. ಮಂಗಳವಾರದ ವಹಿವಾಟಿನಲ್ಲಿ ಲೋಟಸ್ ಚಾಕೊಲೇಟ್ ಕಂಪನಿಯ ಶೇರು ಶೇ. 14ರಷ್ಟು ಏರಿಕೆಯಾಗಿ ದಾಖಲೆಯ 470 ರೂಪಾಯಿ ತಲುಪಿದೆ.
ಲೋಟಸ್ ಚಾಕೊಲೇಟ್ ಕಂಪನಿಯು ತನ್ನ ನಾಲ್ಕನೇ ತ್ರೈಮಾಸಿಕ ಫಲಿತಾಂಶಗಳನ್ನು ಈಗ ಪ್ರಸ್ತುತಪಡಿಸಬಹುದು ಎಂದು ಹೇಳಲಾಗಿದೆ. ಉತ್ತಮ ತ್ರೈಮಾಸಿಕ ಫಲಿತಾಂಶಗಳ ನಿರೀಕ್ಷೆ ಹಿನ್ನೆಲೆಯಲ್ಲಿ ಷೇರುಗಳ ಬೆಲೆ ಹೆಚ್ಚಳವಾಗಿದೆ.
ರಿಲಯನ್ಸ್ ರಿಟೇಲ್ ವೆಂಚರ್ಸ್ನ ರಿಲಯನ್ಸ್ ಕನ್ಸ್ಯೂಮರ್ ಪ್ರಾಡಕ್ಟ್ಸ್ ಲಿಮಿಟೆಡ್ ಕಂಪನಿಯು ಕಳೆದ ವರ್ಷ ಮೇ ತಿಂಗಳಲ್ಲಿ ಲೋಟಸ್ ಚಾಕೊಲೇಟ್ ಅನ್ನು ಸ್ವಾಧೀನಪಡಿಸಿಕೊಂಡಿದ್ದು, ಕಂಪನಿಯ ಗರಿಷ್ಠ ಪಾಲನ್ನು ತನ್ನಲ್ಲಿಯೇ ಇಟ್ಟುಕೊಂಡಿದೆ.
ಸ್ವಾಧೀನದ ನಂತರ, ರಿಲಯನ್ಸ್ ರಿಟೇಲ್ ಲೋಟಸ್ ಚಾಕೊಲೇಟ್ ಕಂಪನಿಯನ್ನು ಮಾರುಕಟ್ಟೆಯಲ್ಲಿ ಇತರ ಎಫ್ಎಂಸಿಜಿ ಕಂಪನಿಗಳಾದ ಬ್ರಿಟಾನಿಯಾ ಇಂಡಸ್ಟ್ರೀಸ್ ಮತ್ತು ನೆಸ್ಲೆ ಇಂಡಿಯಾದೊಂದಿಗೆ ಸ್ಪರ್ಧೆಯಾಗಿ ಪರಿಗಣಿಸುತ್ತಿದೆ.
ಲೋಟಸ್ ಚಾಕೊಲೇಟ್ ಸ್ಟಾಕ್ನ ಕಾರ್ಯಕ್ಷಮತೆಯನ್ನು ನಾವು ನೋಡಿದರೆ, ಕಳೆದ ಒಂದು ವರ್ಷದಲ್ಲಿ ಷೇರುಗಳ ಬೆಲೆ ಶೇಕಡಾ 128 ಕ್ಕಿಂತ ಹೆಚ್ಚು ಏರಿಕೆಯಾಗಿದೆ. ಕಳೆದ ಮೂರು ವರ್ಷಗಳಲ್ಲಿ ಷೇರುಗಳ ಬೆಲೆ 2849 ಪ್ರತಿಶತದಷ್ಟು ಹೆಚ್ಚಳವಾಗಿದೆ.
ಲೋಟಸ್ ಚಾಕೊಲೇಟ್ ಕಂಪನಿಯು ಭಾರತದ ಅಗ್ರ ಚಾಕೊಲೇಟ್ ಉತ್ಪಾದನಾ ಕಂಪನಿಯಾಗಿದ್ದು, ಇದು ಉತ್ತಮವಾದ ಚಾಕೊಲೇಟ್ಗಳು, ಕೋಕ್ ಉತ್ಪನ್ನಗಳು ಮತ್ತು ಇತರ ಕೋಕೋ ಸಂಬಂಧಿತ ಉತ್ಪನ್ನಗಳನ್ನು ತಯಾರಿಸುತ್ತದೆ.
ಕಂಪನಿಯು 1989 ರಿಂದ ಮಾರುಕಟ್ಟೆಯಲ್ಲಿದೆ. 1992 ರಿಂದ ಮಾರುಕಟ್ಟೆಯಲ್ಲಿ ಅಧಿಕೃತವಾಗಿ ವ್ಯಾಪಾರ ಕಾರ್ಯಾಚರಣೆಯನ್ನು ಪ್ರಾರಂಭಿಸಿದೆ. ಚಕೆಲ್ಸ್ ಮಾರುಕಟ್ಟೆಯಲ್ಲಿ ಮಾರಾಟವಾಗುವ ಪ್ರಸಿದ್ಧ ಬ್ರಾಂಡ್ ಆಗಿದೆ.
ಕರ್ನಾಟಕದಲ್ಲಿ ಬಿಜೆಪಿಗೆ 21, ಜೆಡಿಎಸ್ಗೆ 2, ಕಾಂಗ್ರೆಸ್ಗೆ ಬರೀ 5 ಸ್ಥಾನ: ಮೆಗಾ ಚುನಾವಣೆ ಸಮೀಕ್ಷೆ ಭವಿಷ್ಯ