ನವದೆಹಲಿ: ಜಿಹಾದಿಗಳ ಜಹಗೀರು ಆಗಿ ಮಾರ್ಪಟ್ಟಿರುವ ಪಾಕ್ ಆಕ್ರಮಿತ ಕಾಶ್ಮೀರದಲ್ಲಿ ಲೈಂಗಿಕ ಜೀತಪದ್ಧತಿ ಜೋರಾಗಿದೆ. ಇಲ್ಲಿ ಕಾರ್ಯಾಚರಿಸುತ್ತಿರುವ ಬಹುತೇಕ ಭಯೋತ್ಪಾದನಾ ಸಂಘಟನೆಗಳು ವೇಶ್ಯಾವಾಟಿಕೆಯ ಮೂಲಕವೇ ಹಣ ಸಂಗ್ರಹಿಸುತ್ತಿರುವುದಾಗಿ ಯುನೈಟೆಡ್ ಕಾಶ್ಮೀರ ಪೀಪಲ್ಸ್ ನ್ಯಾಷನಲ್ ಪಾರ್ಟಿಯ ವಕ್ತಾರ ನಾಸೀರ್ ಅಜೀಜ್ ಖಾನ್ ಆರೋಪಿಸಿದ್ದಾರೆ.
ಜಮ್ಮು ಮತ್ತು ಕಾಶ್ಮೀರದ ಸ್ವಾತಂತ್ರ್ಯದ ಹೋರಾಟದ ನೆಪದಲ್ಲಿ ಹಿಂಸಾಚಾರದಲ್ಲಿ ತೊಡಗಿರುವ ಉಗ್ರರು ಕಾಶ್ಮೀರಿ ಮಹಿಳೆಯರನ್ನು ಲೈಂಗಿಕ ಜೀತದಾಳುಗಳನ್ನಾಗಿ ಮಾಡಿಕೊಳ್ಳುತ್ತಿದ್ದಾರೆ ಎಂದು ಹೇಳಲಾಗಿದೆ.
ಕಾಶ್ಮೀರದ ಉಗ್ರರ ಅಡಗುದಾಣದ ಮೇಲೆ ಭಾರತೀಯ ಭದ್ರತಾಪಡೆ ಸಿಬ್ಬಂದಿ ನಡೆಸಿದ್ದ ದಾಳಿಯಲ್ಲಿ ಸ್ಟಿರಾಯ್ಡ್ಗಳು, ಲೈಂಗಿಕ ಸಾಮರ್ಥ್ಯ ಹೆಚ್ಚಿಸುವ ಮಾತ್ರೆಗಳು, ನಿರೋಧ್ ಮತ್ತು ನೀಲಿಚಿತ್ರಗಳು ಪತ್ತೆಯಾಗಿದ್ದವು.
ಜೈಷ್ ಎ ಮೊಹಮ್ಮದ್ ಭಯೋತ್ಪಾದನಾ ಸಂಘಟನೆಯ ಉಗ್ರನಿಂದ ಅತ್ಯಾಚಾರಕ್ಕೆ ಒಳಗಾಗಿದ್ದ ಮಹಿಳೆ, ಹಾಡಹಗಲೇ ತನ್ನನ್ನು ತನ್ನ ಮನೆಯಿಂದ ಅಪಹರಿಸಿದ್ದ ಉಗ್ರರು ನಿರಂತರವಾಗಿ ಅತ್ಯಾಚಾರ ಎಸಗಿದ್ದಾಗಿ ದೂರಿದ್ದರು.
ನಾಯಿಗೂಡಿನಂತ ಬಂಕರ್ಗಳಲ್ಲೇ ಅತ್ಯಾಚಾರ: ಪಿಒಕೆಯಲ್ಲಿ ಯೋಧರ ಭದ್ರತೆಗಾಗಿ ನಿರ್ಮಿಸಲಾಗಿರುವ ನಾಯಿಗೂಡುಗಳಂಥ ಬಂಕರ್ಗಳಲ್ಲೇ ಉಗ್ರರು ಮಹಿಳೆಯರ ಮೇಲೆ ಅತ್ಯಾಚಾರ ಎಸಗುತ್ತಾರೆ ಎಂದು ಪಿಒಕೆಯ ಪ್ರತ್ರಕರ್ತ ಜಲಾಲುದ್ದೀನ್ ಮುಘಲ್ ಈ ಹಿಂದೆ ವರದಿ ಮಾಡಿದ್ದರು.
ಇದನ್ನೂ ಓದಿ: VIDEO| ಪಾಕ್ ಧ್ವಜ ಧರಿಸಿ ಭಾರತ ಬಾವುಟ ಕಾಲಲ್ಲಿ ಮೆಟ್ಟಿ ನಿಂತಿರುವ ಈ ದ್ರೋಹಿ ಯಾರು?
ಇಸ್ಲಾಮಿಕ್ ರಿಲೀಫ್ ಫೌಂಡೇಷನ್ ಎಂಬ ಸಂಸ್ಥೆ 1990ರ ದಶಕದಲ್ಲಿ ಈ ಬಂಕರ್ಗಳನ್ನು ನಿರ್ಮಿಸಿತ್ತು ಎನ್ನಲಾಗಿದೆ. ಪಾಕ್ ಸೇನಾಪಡೆಯ ಅಪ್ರಚೋದಿತ ಗುಂಡಿನ ದಾಳಿಗೆ ಭಾರತೀಯ ಸೇನಾಪಡೆ ಪ್ರತಿಯಾಗಿ ನಡೆಸುವ ಗುಂಡಿನ ದಾಳಿಯಿಂದ ಬಚಾವಾಗಲು ಸ್ಥಳೀಯರು ರಾತ್ರಿಯ ವೇಳೆ ಈ ಬಂಕರ್ಗಳನ್ನೇ ಆಶ್ರಯಿಸುತ್ತಾರೆ ಎನ್ನಲಾಗಿದೆ.
ಈ ಸಂದರ್ಭವನ್ನು ಬಳಸಿಕೊಂಡು ಈ ಪ್ರದೇಶದಲ್ಲಿ ಭದ್ರತೆಗಾಗಿ ನಿಯೋಜನೆಗೊಂಡಿರುವ ಪಾಕ್ನ ಸೇನಾಪಡೆ ಸಿಬ್ಬಂದಿ ಮತ್ತು ಅಲ್ಲಿಂದ ಕಾರ್ಯಾಚರಿಸುವ ಉಗ್ರರು ಆ ಮಹಿಳೆಯರ ಮೇಲೆ ಅತ್ಯಾಚಾರ ಎಸಗುತ್ತಾರೆ. ಯೋಧರು ಎಂಬ ಕಾರಣಕ್ಕೆ ಪಾಕ್ ಸೇನಾಪಡೆ ಸಿಬ್ಬಂದಿ ವಿರುದ್ಧ ಯಾವುದೇ ಪ್ರಕರಣ ದಾಖಲಾಗುವುದಿಲ್ಲ. ಉಗ್ರರ ಪ್ರಾಣಬೆದರಿಕೆಯಿಂದಾಗಿ ಅವರ ವಿರುದ್ಧವೂ ಪೊಲೀಸರಿಗೆ ದೂರು ಕೊಡಲು ಜನರು ಹಿಂದೇಟು ಹಾಕುತ್ತಾರೆ ಎನ್ನಲಾಗಿದೆ.