ಮುಂಬೈ: ಕರೊನಾ ಲಾಕ್ಡೌನ್ ಪರಿಣಾಮ ಅರ್ಥವ್ಯವಸ್ಥೆಗೆ ಆಗಿರುವ ನಷ್ಟ ಭರ್ತಿ ಮಾಡುವ ಸಲುವಾಗಿ ಕೇಂದ್ರ ಸರ್ಕಾರ ನಿನ್ನೆ 20 ಲಕ್ಷ ಕೋಟಿ ರೂಪಾಯಿಗಳ ಸ್ವಾವಲಂಬಿ ಭಾರತ ಆರ್ಥಿಕ ಪ್ಯಾಕೇಜ್ ಘೋಷಿಸಿತ್ತು. ಇದು ದೇಶೀಯ ಹೂಡಿಕೆದಾರರ ಭಾವನೆಗಳಿಗೆ ಉತ್ತೇಜನ ನೀಡಿದ್ದು, ಇದರ ಪರಿಣಾಮ ಇಂದು ಷೇರುಪೇಟೆಯ ಮೇಲೂ ಆಗಿದೆ. ಆರಂಭಿಕ ವಹಿವಾಟಿನಲ್ಲಿ ಸೆನ್ಸೆಕ್ಸ್ 1,400ಕ್ಕೂ ಹೆಚ್ಚು ಅಂಶ ಏರಿಕೆ ದಾಖಲಿಸಿದೆ.
ಇದನ್ನೂ ಓದಿ: ಸ್ಥಳೀಯ ಉತ್ಪನ್ನಗಳ ಮಹತ್ವ ತಿಳಿಸಿದೆ ಕೊವಿಡ್-19, ಸ್ವಾವಲಂಬಿಯಾಗುವುದೇ ಗುರಿ: ಪ್ರಧಾನಿ ಮೋದಿ
ಬಾಂಬೆ ಸ್ಟಾಕ್ ಎಕ್ಸ್ಚೇಂಜ್ (ಬಿಎಸ್ಇ) ಸೂಚ್ಯಂಕ ಸೆನ್ಸೆಕ್ಸ್ ಬುಧವಾರದ ಆರಂಭಿಕ ವಹಿವಾಟಿನಲ್ಲಿ 32,845.48 ಅಂಶಕ್ಕೆ ಏರಿ, ಆನಂತರದಲ್ಲಿ 818.68 ಅಂಶ ಏರಿ 32,189.80 ಅಂಶದಲ್ಲಿ ವಹಿವಾಟು ಮುಂದುವರಿಸಿದೆ. ಇದೇ ರೀತಿ ನ್ಯಾಷನಲ್ ಸ್ಟಾಕ್ ಎಕ್ಸ್ಚೇಂಜ್(ಎನ್ಎಸ್ಇ) ಸೂಚ್ಯಂಕ ನಿಫ್ಟಿ ಕೂಡ 213.50 ಅಂಶ ಏರಿಕೆ ದಾಖಲಿಸಿ 9,410.05 ಅಂಶದಲ್ಲಿ ದಿನದ ವಹಿವಾಟು ಮುಂದುವರಿಸಿದೆ.
ಇದನ್ನೂ ಓದಿ: ಕರೊನಾ ಬಿಕ್ಕಟ್ಟು ನಿರ್ವಹಣೆಗಾಗಿ 20 ಲಕ್ಷ ಕೋಟಿ ರೂ.ವಿಶೇಷ ಆರ್ಥಿಕ ಪ್ಯಾಕೇಜ್ ಘೋಷಿಸಿದ ಪ್ರಧಾನಿ ಮೋದಿ
ಸೆನ್ಸೆಕ್ಸ್ ಪಟ್ಟಿಯಲ್ಲಿ ಐಸಿಐಸಿಐ ಬ್ಯಾಂಕು ಷೇರುಗಳು ಶೇಕಡ 7 ಏರಿಕೆ ದಾಖಲಿಸಿ ಮುಂಚೂಣಿಯಲ್ಲಿದ್ದರೆ, ಎಲ್ಆ್ಯಂಡ್ಟಿ, ಏಕ್ಸಿಸ್ ಬ್ಯಾಂಕ್, ಬಜಾಜ್ ಫೈನಾನ್ಸ್, ಹೀರೋ ಮೋಟೋಕಾರ್ಪ್, ಎಂಆ್ಯಂಡ್ಎಂ, ಅಲ್ಟ್ರಾಟೆಕ್ ಸಿಮೆಂಟ್, ಮಾರುತಿ ಕಂಪನಿಯ ಷೇರುಗಳು ಕೂಡ ಏರಿಕೆ ದಾಖಲಿಸಿವೆ. ಉಳಿದಂತೆ, ನೆಸ್ಟ್ಲೆ ಇಂಡಿಯಾ, ಭಾರ್ತಿ ಏರ್ಟೆಲ್, ಸನ್ ಫಾರ್ಮಾ, ರಿಲಯನ್ಸ್ ಇಂಡಸ್ಟ್ರೀಸ್ ಕಂಪನಿಯ ಷೇರುಗಳು ನಷ್ಟದಲ್ಲಿ ವಹಿವಾಟು ನಡೆಸಿವೆ.
ಇದನ್ನೂ ಓದಿ: ಹೂಡಿಕೆ ಆಕರ್ಷಣೆಗೆ ‘ಟ್ಯಾಕ್ಸ್ ಹಾಲಿಡೆ?’
ಮಂಗಳವಾರದ ವಹಿವಾಟಿನಲ್ಲಿ ಸೆನ್ಸೆಕ್ಸ್ 190.10 ಅಂಶ ಇಳಿಕೆಯೊಂದಿಗೆ 31,371.12 ಅಂಶದಲ್ಲಿ ನಿನ್ನೆಯ ವಹಿವಾಟನ್ನು ಕೊನೆಗೊಳಿಸಿತ್ತು. ಇದೇ ರೀತಿ, ನಿಫ್ಟಿ ಕೂಡ 42.65 ಅಂಶ ನಷ್ಟದೊಂದಿಗೆ 9.196.55 ಅಂಶದಲ್ಲಿ ವಹಿವಾಟನ್ನು ಮುಗಿಸಿತ್ತು. ಷೇರುಪೇಟೆಯ ತಾತ್ಕಾಲಿಕ ಡೇಟಾ ಪ್ರಕಾರ, ಫಾರಿನ್ ಪೋರ್ಟ್ಫೋಲಿಯೋ ಇನ್ವೆಸ್ಟರ್ಸ್ 1,662.03 ಕೋಟಿ ರೂಪಾಯಿ ಮೌಲ್ಯದ ಈಕ್ವಿಟಿ ಷೇರುಗಳನ್ನು ಮಂಗಳವಾರ ಮಾರಾಟ ಮಾಡಿದ್ದಾರೆ. (ಏಜೆನ್ಸೀಸ್)
ಹೆಡ್ಲೈನ್ ಹುಡುಕಿದಂತಿದೆ ಪ್ಯಾಕೇಜ್ ಎಂದ ಕಾಂಗ್ರೆಸ್; ಸ್ವಾವಲಂಬಿ ಭಾರತವನ್ನಾಗಿಸುತ್ತೆ ಎಂದ ಬಿಜೆಪಿ