ರಿಯಾದ್: ಇಸ್ರೇಲ್ ಸೇನೆ ಮತ್ತು ಹಮಾಸ್ ಉಗ್ರರ ಯುದ್ಧದ ಮಧ್ಯೆ ಸೌದಿ ಅರೇಬಿಯಾವು ಇಸ್ರೇಲ್ನೊಂದಿಗೆ ಶಾಂತಿ ಒಪ್ಪಂದಗಳನ್ನು ಸ್ಥಗಿತಗೊಳಿಸಿದೆ.
ಸೌದಿ ಅರೇಬಿಯಾವು ಇಸ್ರೇಲ್ ನೊಂದಿಗೆ ಮಾಡಿಕೊಂಡಿರುವ ಒಪ್ಪಂದಗಳನ್ನು ಮುರಿದುಕೊಂಡಿರುವುದರ ಜತೆಗೆ ಹಮಾಸ್ ಮತ್ತು ಇಸ್ರೇಲ್ ನಡುವೆ ಶಾಂತಿ ಮಾತುಕತೆಗಳಲ್ಲಿ ಸಹ ಭಾಗವಹಿಸದಿರಲು ತೀರ್ಮಾನಿಸಿದೆ.
ಇದನ್ನೂ ಓದಿ: ಆ ಫಾಂಟ್ ಬಳಸಿ ಪಾಕ್ ಮಾಜಿ ಪ್ರಧಾನಿ ನವಾಜ್ ಷರೀಫ್ ಜೈಲು ಸೇರಬೇಕಾಯ್ತು!
ಇದೇ ವಿಷಯವನ್ನು ಅಮೆರಿಕಾ ಅಧಿಕಾರಿಗಳಿಗೆ ತಿಳಿಸಿರುವುದಾಗಿ ವರದಿಯಾಗಿದೆ.
ಇಸ್ರೇಲ್ ಅರಬ್ಲೀಗ್ ನೊಂದಿಗೆ ಒಪ್ಪಂದಗಳನ್ನು ಮಾಡಿಕೊಳ್ಳಲು ಯತ್ನಿಸುತ್ತಲೇ ಬಂದಿದೆ. ಇದರ ಭಾಗವಾಗಿ 1979ರಲ್ಲಿ ಈಜಿಫ್ಟ್ ನೊಂದಿಗೆ ಒಪ್ಪಂದ ಮಾಡಿಕೊಂಡಿತ್ತು. ಇದೇ ಸಂದರ್ಭದಲ್ಲಿ ಯೂಎಇ, ಬಹ್ರೇನ್ ನಂಥ ದೇಶಗಳೊಂದಿಗೆ ಒಪ್ಪಂದಗಳನ್ನು ಮಾಡಿಕೊಳ್ಳಲಾಗಿತ್ತು. ಇದಕ್ಕೆ ಅಮೆರಿಕಾ ಸಹಕರಿಸಿತ್ತು. ಇತ್ತೀಚೆಗೆ ಸೌದಿ ಅರೆಬಿಯಾವನ್ನು ಈ ಪಟ್ಟಿಗೆ ಸೇರಿಸಲು ಅಮೆರಿಕಾ ಶತಪ್ರಯತ್ನ ನಡೆಸಿತ್ತು. ಆದರೆ ಪ್ರಸ್ತುತ ನಡೆಯುತ್ತಿರುವ ಯುದ್ಧದಿಂದಾಗಿ ಅಮೆರಿಕಾ ಪ್ರಯತ್ನ ಮಣ್ಣುಪಾಲಾಗಿದೆ. ಅಲ್ಲದೆ ಇಂಥ ಸಂದರ್ಭದಲ್ಲಿ ಒಪ್ಪಂದ ವಿಷಯದಲ್ಲಿ ಮುಂದುವರಿಯುವುದು ಸರಿಯಲ್ಲ ಎಂದು ಸೌದಿ ಇಂತಹ ನಿರ್ಣಯಕ್ಕೆ ಬಂದಿರುವುದಾಗಿ ಅಂತಾರಾಷ್ಟ್ರೀಯ ಮಾಧ್ಯಮಗಳಲ್ಲಿ ವರದಿಯಾಗುತ್ತಿದೆ.
ಅರಬ್ ದೇಶಗಳ ಒಕ್ಕೂಟದಲ್ಲಿ ಸೌದಿ ಪ್ರಮುಖ ದೇಶ. ಇಸ್ರೇಲ್ನೊಂದಿಗೆ ಸೌದಿ ಸಂಬಂಧಗಳನ್ನು ಬಲಪಡಿಸಿಕೊಂಡರೆ ಇತರ ಮುಸ್ಲಿಂ ರಾಷ್ಟ್ರಗಳ ವಿರೋಧ ಎದುರಿಸಬೇಕಾಗುತ್ತದೆ ಎಂಬ ಕಾರಣಕ್ಕೆ ಇಂತಹ ತೀರ್ಮಾನಕ್ಕೆ ಬಂದಿದೆ ಎನ್ನಲಾಗುತ್ತಿದೆ. ಇನ್ನು ಯುದ್ಧ ಭೀಕರತೆ ಪಡೆದುಕೊಂಡಿರುವುದರಿಂದ ಭಾವನಾತ್ಮಕವಾಗಿ ಪಾಲೇಸ್ತೇನ್ ಜತೆ ಇರುವ ಇರಾನ್ ಮತ್ತಿತರ ದೇಶಗಳು ಇಂತಹುದೇ ತೀರ್ಮಾನ ತೆಗೆದುಕೊಳ್ಳಬಹುದು ಎನ್ನಲಾಗುತ್ತಿದೆ.
ವಿಶ್ವಕಪ್ನಲ್ಲಿ ಭಾಗವಹಿಸಿರುವ ಪಾಕ್ ತಂಡಕ್ಕೆ ಅಗೌರವ ತೋರಬೇಡಿ: ಟೀಂ ಇಂಡಿಯಾ ಫ್ಯಾನ್ಸ್ಗೆ ಗಂಭೀರ್ ಸೂಚನೆ