ಮುಂಬೈ: ಸಲ್ಮಾನ್ ಖಾನ್ ಮತ್ತು ರೇವತಿ ಇದುವರೆಗೂ ನಟಿಸಿದ್ದು ಒಂದೇ ಒಂದು ಚಿತ್ರದಲ್ಲಿ. 1991ರಲ್ಲಿ ಬಿಡುಗಡೆಯಾದ ‘ಲವ್’ ಚಿತ್ರದಲ್ಲಿ ಇಬ್ಬರೂ ಜತೆಯಾಗಿ ಕಾಣಿಸಿಕೊಂಡಿದ್ದರು. ಈ ಚಿತ್ರದ ‘ಸಾಥಿಯಾ ಥೂನೆ ಕ್ಯಾ ಕಿಯಾ’ ಎಂಬ ಹಾಡು ಬಹಳ ಜನಪ್ರಿಯವಾಗಿತ್ತು.
ಇದನ್ನೂ ಓದಿ: ರಶ್ಮಿಕಾ ಮಂದಣ್ಣ ಅವರನ್ನು ಬ್ಯಾನ್ ಮಾಡಲು ಸಾಧ್ಯವಿಲ್ಲ… ಈ ಬಗ್ಗೆ ಯಾವುದೇ ದೂರು ಬಂದಿಲ್ಲ!
ಈಗ್ಯಾಕೆ ಈ ವಿಷಯ ಎಂದರೆ ಸಲ್ಮಾನ್ ಮತ್ತು ರೇವತಿ, ಈಗ 31 ವರ್ಷಗಳ ನಂತರ ಜತೆಯಾಗಿ ನಟಿಸುವುದಕ್ಕೆ ಸಜ್ಜಾಗಿದ್ದಾರೆ. ಈ ಜೋಡಿ ಇಷ್ಟು ವರ್ಷಗಳಲ್ಲಿ ಜತೆಯಾಗಿ ನಟಿಸದಿದ್ದರೂ, 2004ರಲ್ಲಿ ಬಿಡುಗಡೆಯಾದ ‘ಫಿರ್ ಮಿಲೇಂಗೆ’ ಎಂಬ ಚಿತ್ರದಲ್ಲಿ ಸಲ್ಮಾನ್ ಅವರನ್ನು ನಿರ್ರ್ದೇಶಿಸಿದ್ದರು. ಈಗ ‘ಟೈಗರ್ 3’ ಚಿತ್ರದಲ್ಲಿ ಸಲ್ಮಾನ್ ಮತ್ತು ರೇವತಿ ಜತೆಯಾಗಿ ನಟಿಸುತ್ತಿದ್ದಾರೆ.
ಈ ವಿಷಯವನ್ನು ಖುದ್ದು ಸಲ್ಮಾನ್ ಘೋಷಿಸಿದ್ದಾರೆ. ಇತ್ತೀಚೆಗೆ ‘ಬಿಗ್ ಬಾಸ್’ನ ‘ವೀಕೆಂಡ್ ಕಾ ವಾರ್’ ಕಾರ್ಯಕ್ರಮಕ್ಕೆ ಕಾಜೋಲ್ ಮತ್ತು ರೇವತಿ ಅತಿಥಿಗಳಾಗಿ ಬಂದಿದ್ದರು. ಕಾಜೋಲ್ ಮತ್ತು ವಿಶಾಲ್ ಜೇಟ್ವಾ ಅಭಿನಯದ ‘ಸಲಾಂ ವೆಂಕಿ’ ಚಿತ್ರವನ್ನು ರೇವತಿ ನಿರ್ದೇಶನ ಮಾಡಿದ್ದು, ಈ ಚಿತ್ರದ ಪ್ರಚಾರಕ್ಕಾಗಿ ಅವರಿಬ್ಬರೂ ‘ಬಿಗ್ ಬಾಸ್’ ಕಾರ್ಯಕ್ರಮಕ್ಕೆ ಹೋಗಿದ್ದರು. ಈ ಸಮಯದಲ್ಲಿ ಸಲ್ಮಾನ್ ತಾನು ರೇವತಿ ಜತೆಗೆ ‘ಟೈಗರ್ 3’ ಚಿತ್ರದಲ್ಲಿ ನಟಿಸುತ್ತಿರುವುದಾಗಿ ಹೇಳಿಕೊಂಡಿದ್ದಾರೆ. ಆದರೆ, ಈ ಬಗ್ಗೆ ಹೆಚ್ಚು ವಿಷಯಗಳನ್ನು ಬಹಿರಂಗಗೊಳಿಸುವುದಕ್ಕೆ ಹೋಗಿಲ್ಲ.
ಇದನ್ನೂ ಓದಿ: ‘ಅಶ್ವತ್ಥಾಮ’ನಾಗುತ್ತಾರಾ ಸುದೀಪ್? ಕೆಆರ್ಜಿ ಸ್ಟುಡಿಯೋಸ್ನಿಂದ ಚಿತ್ರ ನಿರ್ಮಾಣ?
ಎಲ್ಲಾ ಅಂದುಕೊಂಡಂತೆ ಆಗಿದ್ದರೆ, ‘ಟೈಗರ್ 3’ ಚಿತ್ರವು 2023ರ ಈದ್ ಸಂದರ್ಭದಲ್ಲಿ ಬಿಡುಗಡೆಯಾಗಬೇಕಿತ್ತು. ಆದರೆ, ಚಿತ್ರದ ಬಿಡುಗಡೆಯನ್ನು ಮುಂದೂಡಲಾಗಿದ್ದು, ಚಿತ್ರವು 2023ರ ದೀಪಾವಳಿ ಸಂದರ್ಭದಲ್ಲಿ ಬಿಡುಗಡೆಯಾಗಲಿದೆ. ಈ ಚಿತ್ರವು ಬರೀ ಹಿಂದಿಯಷ್ಟೇ ಅಲ್ಲ, ತೆಲುಗು ಮತ್ತು ತಮಿಳಿನಲ್ಲೂ ಬಿಡುಗಡೆಯಾಗುತ್ತಿದೆ.