ಲಖನೌ: ಪೂನಂ ರಾವತ್ (104*ರನ್, 123 ಎಸೆತ, 10 ಬೌಂಡರಿ) ಅಜೇಯ ಶತಕದ ಹೊರತಾಗಿಯೂ ಭಾರತ ತಂಡ ಮಹಿಳೆಯರ ಏಕದಿನ ಸರಣಿಯ 4ನೇ ಪಂದ್ಯದಲ್ಲಿ ಪ್ರವಾಸಿ ದಕ್ಷಿಣ ಆಫ್ರಿಕಾ ವಿರುದ್ಧ 7 ವಿಕೆಟ್ಗಳಿಂದ ಸೋಲು ಕಂಡಿದೆ. ಇದರಿಂದ 5 ಪಂದ್ಯಗಳ ಸರಣಿಯಲ್ಲಿ ಇನ್ನೊಂದು ಪಂದ್ಯ ಬಾಕಿ ಇರುವಂತೆಯೇ 1-3ರಿಂದ ಸೋಲು ಅನುಭವಿಸಿರುವ ಮಿಥಾಲಿ ರಾಜ್ ಪಡೆ, 2022ರ ಏಕದಿನ ವಿಶ್ವಕಪ್ ಸಿದ್ಧತೆಯಲ್ಲಿ ದೊಡ್ಡ ಹಿನ್ನಡೆ ಎದುರಿಸಿದೆ.
A brilliant hundred by Punam Raut and crucial knocks from Mithali Raj and Harmanpreet Kaur have helped India put up 266/4 in the fourth ODI.
Will it be enough?#INDvSA ➡️ https://t.co/0gv3cOgWyRpic.twitter.com/I8NTM6iBHQ
— ICC (@ICC) March 14, 2021
ಅಟಲ್ ಬಿಹಾರಿ ವಾಜಪೇಯಿ ಕ್ರೀಡಾಂಗಣದಲ್ಲಿ ಭಾನುವಾರ ನಡೆದ ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟಿಂಗ್ಗೆ ಇಳಿದ ಭಾರತ ತಂಡ 4 ವಿಕೆಟ್ಗೆ 266 ರನ್ ಪೇರಿಸಿತು. ಪ್ರತಿಯಾಗಿ ದಕ್ಷಿಣ ಆಫ್ರಿಕಾ ತಂಡ, ಲೈಜೆಲ್ ಲೀ (69), ನಾಯಕಿ ಲೌರಾ ವೊಲ್ವರ್ಡ್ (53), ಲಾರಾ ಗುಡಾಲ್ (59*) ಮತ್ತು ಮಿಗಾನ್ ಡು ಪ್ರೀಜ್ (61) ಅರ್ಧಶತಕಗಳ ನೆರವಿನಿಂದ 48.4 ಓವರ್ಗಳಲ್ಲಿ 3 ವಿಕೆಟ್ಗೆ 269 ರನ್ ಗಳಿಸಿ ಜಯಭೇರಿ ಬಾರಿಸಿತು. ಸರಣಿಯ 5ನೇ ಹಾಗೂ ಅಂತಿಮ ಪಂದ್ಯ ಬುಧವಾರ ನಡೆಯಲಿದೆ.
ಇದನ್ನೂ ಓದಿ: ಭರತನಾಟ್ಯ ತ್ಯಜಿಸಿ ಕ್ರಿಕೆಟ್ಗೆ ಬಂದ ಮಿಥಾಲಿ ರಾಜ್ ಈಗ 10 ಸಾವಿರ ರನ್ಗಳ ರಾಣಿ!
ಭಾರತ: 4 ವಿಕೆಟ್ಗೆ 266 (ಪ್ರಿಯಾ ಪೂನಿಯಾ 32, ಸ್ಮತಿ 10, ಪೂನಂ ರಾವತ್ 104*, ಮಿಥಾಲಿ ರಾಜ್ 45, ಹರ್ಮಾನ್ಪ್ರೀತ್ 54, ದೀಪ್ತಿ ಶರ್ಮ 8*, ಸೆಖುಖುನ್ 63ಕ್ಕೆ 2, ಶಬ್ನಿಮ್ 50ಕ್ಕೆ 1, ಶಂಗಸೆ 41ಕ್ಕೆ 1). ದಕ್ಷಿಣ ಆಫ್ರಿಕಾ: 48.4 ಓವರ್ಗಳಲ್ಲಿ 3 ವಿಕೆಟ್ಗೆ 269 (ಲೈಜೆಲ್ ಲೀ 69, ವೊಲ್ವರ್ಡ್ 53, ಗುಡಾಲ್ 59*, ಪ್ರೀಜ್ 61, ಕಾಪ್ 22*, ಮಾನ್ಸಿ 43ಕ್ಕೆ 1, ರಾಜೇಶ್ವರಿ ಗಾಯಕ್ವಾಡ್ 39ಕ್ಕೆ 1, ಹರ್ಮಾನ್ಪ್ರೀತ್ 38ಕ್ಕೆ 1).
South Africa win the 4th @Paytm #INDWvSAW ODI by 7 wickets and take an unassailable lead in the series. #TeamIndia will look to end the series on a high, hoping for a win in the final ODI.
Scorecard 👉 https://t.co/QTYZdiuqd4 pic.twitter.com/Vmsro97ter
— BCCI Women (@BCCIWomen) March 14, 2021
ಯಾರೀ ಸುಂದರಿ? ಟಿ20 ಪಂದ್ಯದ ಸೋಲಿನ ನೋವು ಮರೆಸಿದ ಬ್ಯೂಟಿ ಹಿಂದೆ ಬಿದ್ದ ನೆಟ್ಟಿಗರು!