ಡೆಲ್ ಪ್ರಾಡೋ (ಮೆಕ್ಸಿಕೊ): ಪ್ರೇಮ ಮತ್ತು ಯುದ್ಧದಲ್ಲಿ ಎಲ್ಲವೂ ಸರಿಯಾದದ್ದೇ ಎಂಬ ಮಾತಿದೆ. ಹಾಗೆಂದು ಇತ್ತ ಪತ್ನಿಗೂ ಮೋಸ ಮಾಡಿ, ಅತ್ತ ಪ್ರೇಯಸಿಯ ಪತಿಯ ಕಣ್ಣಿಗೂ ಮಣ್ಣೆರೆಚಿ ಗುಟ್ಟುಗುಟ್ಟಾಗಿ ಸಂಧಿಸಲು ಭಯಾನಕ ಪ್ಲ್ಯಾನ್ ಮಾಡೋದೆ? ಆದರೆ ಈ ಯೋಜನೆಯಿಂದ ಮುಂದೆ ಆದದ್ದೆಲ್ಲವೂ ಭಯಾನಕವೆ!
ಇದು ಮೆಕ್ಸಿಕೊದ ಡೆಲ್ ಪ್ರಾಡೋ ಎಂಬ ಪ್ರದೇಶದಲ್ಲಿ ನಡೆದಿರುವ ಘಟನೆ., ಕಟ್ಟಡ ನಿರ್ಮಾಣ ಕಾರ್ಮಿಕನಾಗಿರುವ ಆಲ್ಬರ್ಟೊ ವಿವಾಹಿತ. ಆದರೆ ಆತನಿಗೊಬ್ಬಳು ಪಮೇಲಾ ಎಂಬ ಪ್ರೇಯಸಿ ಇದ್ದಾಳೆ. ವಿಚಿತ್ರ ಎಂದರೆ ಆ ಪಮೇಲಾಗೂ ಮದುವೆಯಾಗಿದೆ.
ಇತ್ತ ಪತ್ನಿ, ಅತ್ತ ಪ್ರೇಯಸಿಯ ಪತಿ ಇಬ್ಬರ ಕಣ್ಣು ತಪ್ಪಿಸಿ ಗುಟ್ಟುಗುಟ್ಟಾಗಿ ಸಂಧಿಸುವುದು ಈ ಪ್ರೇಮಿಗಳಿಗೆ ಭಾರಿ ಕಷ್ಟವಾಗಿತ್ತು. ಆದ್ದರಿಂದ ಆಲ್ಬರ್ಟೊ ಭಯಾನಕ ಯೋಜನೆ ರೂಪಿಸಿದ. ಅದೇನೆಂದರೆ ತಮ್ಮ ಮನೆಯಿಂದ ಗುಟ್ಟಾಗಿ ಸುರಂಗವೊಂದನ್ನು ಕೊರೆದ. ಅದು ಹೇಗಿತ್ತು ಎಂದರೆ ನೇರವಾಗಿ ಪ್ರೇಯಸಿಯ ಬೆಡ್ರೂಂ ತಲುವಂತಿತ್ತು.
ಈ ಪ್ಲ್ಯಾನ್ ಕೆಲವು ತಿಂಗಳು ನಿರಾತಂಕವಾಗಿ ನಡೆಯುತ್ತಿತ್ತು. ಇತ್ತ ಈ ಕಳ್ಳವ್ಯವಹಾರ ಆಲ್ಬರ್ಟ್ನ ಪತ್ನಿಗೂ ತಿಳಿಯಲಿಲ್ಲ, ಅತ್ತ ಪಮೇಲಾ ಮನೆಯಲ್ಲಿಯೇ ಇರುತ್ತಿದ್ದುದರಿಂದ ಆತನ ಪತಿಗೂ ಸ್ವಲ್ಪ ಅನುಮಾನ ಬರಲೇ ಇಲ್ಲ. ಇಬ್ಬರ ಮನೆಯೂ ಅಕ್ಕ-ಪಕ್ಕವೇ ಇದ್ದುದರಿಂದ ಸುರಂಗವನ್ನು ಕೊರೆಯಲು ಈತನಿಗೆ ಹೆಚ್ಚು ಶ್ರಮವೂ ಆಗಿಲ್ಲವಂತೆ.
ಹೀಗೆ ಗುಟ್ಟುಗುಟ್ಟಾಗಿ ಸ್ಪಂದಿಸುತ್ತಾ ತಮ್ಮ ಕೆಲಸವನ್ನು ನಿರಾತಂಕವಾಗಿ ಮುಂದುವರೆಸಿಕೊಂಡು ಬಂದಿತ್ತು ಈ ಜೋಡಿ. ಅದೊಂದು ದಿನ ಇವರ ಗ್ರಹಚಾರ ಕೆಟ್ಟಿತ್ತು. ಪಮೇಲಾಳ ಪತಿ ಜಾರ್ಜ್ ಅನಾರೋಗ್ಯದ ನಿಮಿತ್ತ ಕಚೇರಿಯಿಂದ ಬೇಗನೇ ಮನೆಗೆ ಬಂದ. ಮನೆಯ ಬಾಗಿಲು ಬಡಿಯುತ್ತಿದ್ದಂತೆಯೇ ಬೆಡ್ರೂಂನಲ್ಲಿ ಏಕಾಂತದಲ್ಲಿದ್ದ ಈ ಜೋಡಿಗೆ ದಿಗಿಲು ಬಡಿದಂತಾಯಿತು. ಆದರೆ ಮನೆಗೆ ಬಂದದ್ದು ಪತಿ ಎನ್ನುವುದು ಆಕೆಗೆ ತಿಳಿಯಲಿಲ್ಲ.
ಹಾಗೂ ಹೀಗೂ ಬಂದವರನ್ನು ಸಾಗಿಸಿದರಾಯಿತು ಎಂದುಕೊಂಡ ಆಲ್ಬರ್ಟೊ ಸೋಫಾದ ಹಿಂದೆ ಅಡಗಿ ಕುಳಿತ. ಏನೂ ಆಗಿಲ್ಲ ಎನ್ನುವಂತೆ ಪಮೇಲಾ ಬಾಗಿಲು ತೆರೆದಳು. ಪತಿಯನ್ನು ನೋಡಿ ಆಕೆಗೆ ಶಾಕ್ ಆಯಿತು. ಪತ್ನಿಯ ಮುಖ ನೋಡಿ ಜಾರ್ಜ್ಗೆ ಏನೋ ಎಡವಟ್ಟು ಆಗಿದೆ ಎನ್ನಿಸಿದರೂ ಸುಮ್ಮನಾದ.
ನಂತರ ಆತನ ಕಣ್ಣು ಸೋಫಾದ ಹಿಂದೆ ಬಿತ್ತು. ಅಲ್ಲಿ ಆಲ್ಬರ್ಟೊ ಕಾಣಿಸಿದ. ಅವನನ್ನು ಹಿಡಿದಾಗ ಪಕ್ಕದಲ್ಲಿಯೇ ಆತನಿಗೆ ಸೋಫಾದ ಹಿಂದಿರುವ ರಂಧ್ರವೂ ಕಾಣಿಸಿತು. ಅದೇನೆಂದು ನೋಡಿದಾಗ ಅದು ಸುರಂಗ ಮಾರ್ಗವಾಗಿದ್ದು, ನೇರವಾಗಿ ಆಲ್ಬರ್ಟ್ ಮನೆಗೆ ಹೋಗುವುದು ತಿಳಿಯಿತು.
ಕೂಡಲೇ ಆಲ್ಬರ್ಟ್ನನ್ನು ಹಿಗ್ಗಾಮುಗ್ಗ ಥಳಿಸಿದ ಆತ ಪೊಲೀಸರನ್ನು ಕರೆಸಿದ. ಸದ್ಯ ಆಲ್ಬರ್ಟ್ ಪೊಲೀಸರ ಅತಿಥಿ. ಈ ದಂಪತಿ ಕಥೆ ಏನಾಯಿತೋ ತಿಳಿಯದು. ಆದರೆ ಈ ಸುರಂಗ ಮಾತ್ರ ಜಾಲತಾಣದಲ್ಲಿ ಸಾಕಷ್ಟು ವೈರಲ್ ಆಗಿದ್ದು, ಫೋಟೋ ಶೇರ್ ಆಗುತ್ತಿದೆ.
ಇವ್ನು ನನ್ನ ಗಂಡ… ಇವ್ನು ನನ್ನ ಗಂಡ… ಒಬ್ಬನಿಗಾಗಿ ಅಕ್ಕ-ತಂಗಿ ಕಿತ್ತಾಟ: ಪೊಲೀಸರಿಗೆ ತಲೆನೋವು!
ಹುಡುಗನಿಗೆ ಮದುವೆ ವಯಸ್ಸು ಆಗದಿದ್ದರೂ ವಯಸ್ಕರಿಬ್ಬರು ಒಟ್ಟಿಗೇ ಇರಬಹುದು ಎಂದ ಹೈಕೋರ್ಟ್