ಜಗತ್ತಿನಾದ್ಯಂತ ಕರೊನಾ ವೈರಸ್ ಪ್ರಕರಣಗಳು ಹೆಚ್ಚುತ್ತಿವೆ. ಭಾರತ ಸೇರಿ ಹಲವು ದೇಶಗಳು ಕೊವಿಡ್-19 ಲಸಿಕೆಯನ್ನು ಅಭಿವೃದ್ಧಿ ಪಡಿಸಿವೆ. ಈ ಪೈಕಿ ರಷ್ಯಾ ತುಸು ಮುಂದಿದ್ದು, ಜಗತ್ತಿನ ಮೊದಲ ಕರೊನಾ ಲಸಿಕೆಯನ್ನು ಈ ವಾರದಲ್ಲಿಯೇ ನೋಂದಣಿ ಮಾಡಲು ಸಿದ್ಧವಾಗಿದೆ.
ರಷ್ಯಾದ ಗಮೆಲಿಯಾ ರಿಸರ್ಚ್ ಇನ್ಸ್ಟಿಟ್ಯೂಟ್ ಮತ್ತು ರಕ್ಷಣಾ ಸಚಿವಾಲಯ ಜಂಟಿಯಾಗಿ ಅಭಿವೃದ್ಧಿ ಪಡಿಸಿದ ಲಸಿಕೆಯನ್ನು ಆಗಸ್ಟ್ 12ರಂದೇ ರಿಜಿಸ್ಟರ್ ಮಾಡಲಾಗುವುದು. ಅದಾದ ಒಂದೇ ವಾರದಲ್ಲಿ ಉತ್ಪಾದನೆಯೂ ಶುರುವಾಗುತ್ತದೆ ಎಂದು ಶುಕ್ರವಾರವೇ ಉಪ ಆರೋಗ್ಯ ಸಚಿವ ಒಲೆಗ್ ಗ್ರಿಡ್ನವ್ ತಿಳಿಸಿದ್ದಾರೆ. ಇದನ್ನೂ ಓದಿ: ಮಾನವರ ಮೇಲಿನ ಪ್ರಯೋಗ ಮುಗಿಸಿದ ರಷ್ಯಾ; ಸೆಪ್ಟೆಂಬರ್ನಿಂದ ಕೋವಿಡ್-19 ಲಸಿಕೆ ಉತ್ಪಾದನೆ ಆರಂಭ
ಲಸಿಕೆ ನೋಂದಣಿಯಾಗುತ್ತಿದ್ದಂತೆ, ಕರೊನಾ ವೈರಸ್ ಮತ್ತು ಫ್ಲ್ಯೂ ಲಸಿಕೆಯ ಹಣಕಾಸು ಜವಾಬ್ದಾರಿಯನ್ನು ಸರ್ಕಾರ ನೋಡಿಕೊಳ್ಳಬೇಕು ಎಂದು ರಷ್ಯಾ ಅಧ್ಯಕ್ಷ ವ್ಲಾದಿಮಿರ್ ಪುತಿನ್ ಹೇಳಿದ್ದಾರೆ ಎಂದು ಅಲ್ಲಿನ ಮಾಧ್ಯಮಗಳೂ ವರದಿ ಮಾಡಿವೆ.
ಗಮೇಲಿಯಾ ನ್ಯಾಷನಲ್ ರಿಸರ್ಚ್ ಸೆಂಟರ್ ಆಫ್ ಎಪಿಡಮಿಯಾಲಜಿ ಆ್ಯಂಡ್ ಮೈಕ್ರೋಬಯಾಲಜಿ ಅಭಿವೃದ್ಧಿ ಪಡಿಸಿರುವ ಈ ಲಸಿಕೆಯ ಪ್ರಯೋಗಕ್ಕೆ ಒಳಗಾದ ಎಲ್ಲರಲ್ಲೂ ರೋಗನಿರೋಧಕ ಶಕ್ತಿ ಉತ್ಪತ್ತಿಯಾಗಿದ್ದು ಅಂತಿಮ ತಪಾಸಣೆ ವೇಳೆ ಸ್ಪಷ್ಟವಾಗಿದೆ ಎಂದು ರಷ್ಯಾದ ರಕ್ಷಣಾ ಸಚಿವಾಲಯ ಈಗಾಗಲೇ ಹೇಳಿದೆ. (ಏಜೆನ್ಸೀಸ್)
11ನೇ ತರಗತಿಗೆ ಪ್ರವೇಶ ಪಡೆಯಲು ಅರ್ಜಿ ಸಲ್ಲಿಸಿದ 53 ವರ್ಷದ ಸಚಿವ; ಶಿಕ್ಷಣ ಮುಂದುವರಿಸಲು ನಿರ್ಧಾರ