ಕಾಟೇರ ಬಾಕ್ಸ್​ಆಫೀಸ್​ ಕಲೆಕ್ಷನ್​; ನನಗೆ ನಾಲ್ಕು ನೋಟಿಸ್​ ಬಂದಿದೆ ಎಂದ ರಾಕ್​ಲೈನ್​ ವೆಂಕಟೇಶ್

ಬೆಂಗಳೂರು: ಚಾಲೆಂಜಿಂಗ್​ ಸ್ಟಾರ್​ ದರ್ಶನ್​ ನಟನೆಯ ಕಾಟೇರ ಚಿತ್ರವು ಯಶಸ್ವಿಯಾಗಿ 50ನೇ ದಿನ ಪೂರೈಸಿದ ಬೆನ್ನಲ್ಲೇ ಚಿತ್ರತಂಡದ ನಗರದ ಪ್ರಸನ್ನ ಚಿತ್ರಮಂದಿರದಲ್ಲಿ ಸಂಭ್ರಮಾಚರಣೆಯನ್ನು ಆಯೋಜಿಸಿತ್ತು. ಇನ್ನು ಕಾರ್ಯಕ್ರಮವನ್ನು ಉದ್ಧೇಶಿಸಿ ಮಾತನಾಡಿದ ನಿರ್ಮಾಪಕ ರಾಕ್​ಲೈನ್ ವೆಂಕಟೇಶ್ ತಾವು ಸಂಕಷ್ಟಕ್ಕೆ ಸಿಲುಕಿರುವುದಾಗಿ ಹೇಳಿದ್ದಾರೆ.

ಕಾಟೇರ ಸಿನಿಮಾ ಕಲೆಕ್ಷನ್ ವಿಚಾರವಾಗಿ ಹಲವು ಉಹಾಪೋಹಗಳು ಎದ್ದಿದ್ದು ಈ ಸಂಬಂಧ ನನಗೆ ಜಾರಿ ನಿರ್ದೇಶನಾಲಯ ಹಾಗೂ ಆದಾಯ ತರಿಗೆ ಇಲಾಖೆಯಿಂದ ನಾಲ್ಕು ನೋಟಿಸ್​ಗಳನ್ನು ಕೊಡಲಾಗಿದೆ ಎಂದಿದ್ದಾರೆ.

ಮದಕರಿ ನಾಯಕ ಸಿನಿಮಾ ಮಾಡಲು ಹೋಗಿ ಕಾಟೇರ ಆಯ್ತು. ಮದಕರಿ ನಾಯಕ ಸಿನಿಮಾ ನನ್ನ ಕನಸಿನ ಯೋಜನೆ ಆಗಿದ್ದು, ಆ ಸಿನಿಮಾವನ್ನು ಖಂಡಿತವಾಗಿ ಮಾಡಿಯೇ ಮಾಡುತ್ತೇನೆ. ಕಾಟೇರ ಸಿನಿಮಾದ ಕಲೆಕ್ಷನ್​ ಬಗ್ಗೆ ಹಲವರು ಹಲವು ರೀತಿ ಹೇಳುತ್ತಿದ್ದಾರೆ. ಮಾಧ್ಯಮಗಳವರು ಒಬ್ಬೊಬ್ಬರು ಒಂದೊಂದು ಲೆಕ್ಕ ಕೊಟ್ಟಿದ್ದಾರೆ. ಇದರಿಂದ ನನಗೆ ಸಂಕಷ್ಟ ಎದುರಾಗಿದೆ.

ಇದನ್ನೂ ಓದಿ: ಶಿಕ್ಷಕರ ಕ್ಷೇತ್ರದ ಉಪಚುನಾವಣೆ; ಕಾಂಗ್ರೆಸ್​ನ ಪುಟ್ಟಣ್ಣಗೆ ಗೆಲುವು

ಕಾಟೇರ ಕಲೆಕ್ಷನ್​ ವಿಚಾರವಾಗಿ ಬೇರೆ ಬೇರೆ ರೀತಿ ಸುದ್ದಿ ಕೇಳಿ ಬರುತ್ತಿದ್ದು, ನನಗೆ ನಾಲ್ಕು ನೋಟೀಸ್​ಗಳು ಬಂದಿವೆ. ಮೊದಲೆಲ್ಲ ತೆರಿಗೆ ಇಲಾಖೆಯವರು ಮಾತ್ರವೇ ನೋಟಿಸ್ ಕಳಿಸುತ್ತಿದ್ದರು. ಆದರೆ ಈಗ ಇಡಿಯವರೂ ಸಹ ಬಂದಿದ್ದಾರೆ. ಯಾರೆಲ್ಲಾ ಕಾಟೇರ ಸಿನಿಮಾದ ಮಾಹಿತಿಬ ಹಂಚಿಕೊಂಡಿದ್ದಾರೋ ಅವರ ಲಿಂಕ್​ ಹಾಗೂ ಪೋನ್​ ನಂಬರ್​ಗಳನ್ನು ಕೊಡುತ್ತೇನೆ ಅವರನ್ನು ವಿಚಾರಣೆಗೆ ಒಳಪಡಿಸಲಿ.

ಕಾಟೇರ ಸಿನಿಮಾದ ಕಲೆಕ್ಷನ್ ಎಷ್ಟಾಗಿದೆ ಎಂದು ನನಗೆ ಗೊತ್ತಿದೆ. ಆ ಮಾಹಿತಿ ನನ್ನ ಕಚೇರಿಯಲ್ಲಿದೆ. ಯಾರಿಗೆ ಬೇಕಾದರೂ ನನ್ನ ಕಚೇರಿಗೆ ಬಂದರೆ ಕಾಟೇರ ಸಿನಿಮಾದ ಕಲೆಕ್ಷನ್ ಬಗ್ಗೆ ಪೂರ್ತಿ ಮಾಹಿತಿ ಕೊಡ್ತೀನಿ ಎಂದು ನಿರ್ಮಾಪಕ ರಾಕ್​ಲೈನ್​ ವೆಂಕಟೇಶ್​ ಹೇಳಿದ್ದಾರೆ.

https://www.vijayavani.net/producer-umapathy-slams-actor-darshan-over-his-statement

https://www.vijayavani.net/actor-darshan-cryptic-speech-goes-viral-in-social-media-in-silver-jubilee-celebration