ನ್ಯೂಯಾರ್ಕ್: ಭಾರತದಲ್ಲಿ ಕೋವಿಡ್ 19 ಎರಡೆನಯ ಅಲೆ ಹೆಚ್ಚುತ್ತಿರುವುದರಿಂದ ಮತ್ತು ಅಲ್ಲಿ ಪರಿಸ್ಥಿತಿ ಮಿತಿಮೀರುತ್ತಿರುವುದರಿಂದ ವ್ಯಾಕ್ಸಿನ್ಗಳನ್ನು ಹಂಚಿಕೊಳ್ಳುವ ಮೂಲಕ ಭಾರತಕ್ಕೆ ಸಹಾಯ ಮಾಡಿ ಎಂದು ಬಾಲಿವುಡ್ ನಟಿ ಪ್ರಿಯಾಂಕಾ ಚೋಪ್ರಾ, ಟ್ವೀಟ್ ಮೂಲಕ ಅಮೇರಿಕಾ ಅಧ್ಯಕ್ಷ ಜೋ ಬೈಡೆನ್ ಮತ್ತು ಅಧಿಕಾರಿಗಳಿಗೆ ಮನವಿ ಮಾಡಿದ್ದಾರೆ.
ಇದನ್ನೂ ಓದಿ: ಸಾರ್… ಒಳಗೆ ಹೋದವ್ರು ಶವವಾಗಿ ಬರ್ತಿದ್ದಾರೆ… ಚಿಕಿತ್ಸೆ ಏನ್‌ ಕೊಡ್ತಾರೋ ಗೊತ್ತಿಲ್ಲ- ರೋಗಿಗಳ ಸ್ಥಿತಿ ಹೇಳೋರೂ ಇಲ್ಲ
ಇತ್ತೀಚೆಗಷ್ಟೇ, ಅಮೇರಿಕಾ ದೇಶವು ಭಾರತದಿಂದ ಅಗತ್ಯಕ್ಕಿಂತ ಹೆಚ್ಚಾಗಿ ವ್ಯಾಕ್ಸಿನ್ ತರಿಸಿಕೊಂಡಿತ್ತು. ಈ ಕುರಿತು ಟ್ವೀಟ್ ಮಾಡಿರುವ ಪ್ರಿಯಾಂಕಾ, ‘ಭಾರತದಲ್ಲಿ ಕೋವಿಡ್ 19ರ ಎರಡನೆಯ ಅಲೆ ಭೀಕರವಾಗಿದೆ. ಈ ಮಧ್ಯೆ, ಅಮೇರಿಕಾ ಅಗತ್ಯಕ್ಕಿಂತ 550 ಮಿಲಿಯನ್ ಹೆಚ್ಚು ವ್ಯಾಕ್ಸೀನ್ಗಳನ್ನು ಆಮದು ಮಾಡಿಕೊಂಡಿದೆ. ನಮ್ಮ ದೇಶದಲ್ಲಿ ಪರಿಸ್ಥಿತಿ ವಿಕೋಪಕ್ಕೆ ಹೋಗಿರುವುದರಿಂದ, ದಯವಿಟ್ಟು ವ್ಯಾಕ್ಸೀನ್ಗಳನ್ನು ಭಾರತದೊಂದಿಗೆ ಹಂಚಿಕೊಳ್ಳಿ’ ಎಂದು ಅವರು ಮನವಿ ಮಾಡಿದ್ದಾರೆ.
ಪ್ರಿಯಾಂಕಾ ಒಂದೊಳ್ಳೆಯ ಕಾರಣಕ್ಕೆ ಈ ರೀತಿ ಟ್ವೀಟ್ ಮಾಡಿದ್ದರೂ, ಈ ಕುರಿತು ಸಾಕಷ್ಟು ಅಪಸ್ವರಗಳು ಕೇಳಿಬರುತ್ತಿವೆ. ಪ್ರಿಯಾಂಕಾ ಅವರ ಟ್ವೀಟ್ಗೆ ಪ್ರತ್ಯುತ್ತರ ನೀಡಿರುವ ಹಲವರು, ಇದೇ ಮಾತನ್ನು ಎರಡು ವಾರಗಳ ಹಿಂದೆಯೇ ಹೇಳಬಹುದಿತ್ತು. ನಿಮ್ಮ ದೇಶದ ಜನರು ದುಸ್ಥಿತಿಯಲ್ಲಿರುವಾಗ ಮತ್ತು ವ್ಯಾಕ್ಸ್ಲೈವ್ ಅಭಿಯಾನ ಪ್ರಾರಂಭವಾದ ಮೇಲೆ ಹೇಳುವುದಲ್ಲ ಎಂದು ಹಲವರು ಟೀಕೆ ವ್ಯಕ್ತಪಡಿಸಿದ್ದಾರೆ.
ಇನ್ನೂ ಕೆಲವರು ಅಮೇರಿಕಾ ಈಗಾಗಲೇ ಹೆಚ್ಚುವರಿ ಲಸಿಕೆಗಳನ್ನು ಕೊಡುವುದಕ್ಕೆ ಸಿದ್ಧತೆ ಮಾಡಿರುವುದರಿಂದ, ಈಗ ಟ್ವೀಟ್ ಮಾಡುವ ಬದಲು ಎರಡು ದಿನಗಳ ಹಿಂದೆಯೇ ಟ್ವೀಟ್ ಮಾಡಿದ್ದರೆ ಚೆನ್ನಾಗಿರುತ್ತಿತ್ತು ಎಂದು ಹೇಳಿದ್ದಾರೆ.
ಇದನ್ನೂ ಓದಿ: ಮಾಲಾಶ್ರೀ ಪತಿ, ನಿರ್ಮಾಪಕ ರಾಮು ಮೃತಪಟ್ಟದ್ದು ಕರೊನಾದಿಂದಲ್ಲ! ಸಾವಿಗೆ ಬೇರೆ ಕಾರಣ ಇದೆ
ಟೀಕೆಗಳ ಜತೆಗೆ, ಎಲ್ಲರೂ ಸುಮ್ಮನಿರುವಾಗ ಪ್ರಿಯಾಂಕಾ ಮಾತ್ರ ತಮ್ಮ ಅಭಿಪ್ರಾಯವನ್ನು ದಿಟ್ಟವಾಗಿ ಹೇಳಿದ್ದಿಕ್ಕೆ ಹಲವರು ಮೆಚ್ಚುಗೆಯನ್ನೂ ವ್ಯಕ್ತಪಡಿಸಿದ್ದಾರೆ.
ಸಿನಿಮಾ ಚಿತ್ರೀಕರಣಕ್ಕೆ ಗ್ರಹಣ: ಕೋಟ್ಯಂತರ ರೂ. ಹೂಡಿಕೆ ಮಾಡಿದವರಿಗೆ ನಷ್ಟದ ಭೀತಿ