ಮುಂಬೈ: ಬಾಲಿವುಡ್ ನಟ ಸುಶಾಂತ್ ಸಿಂಗ್ ರಜಪೂತ್ ಸಾವಿನ ಪ್ರಕರಣ ತುಂಬಾ ನಿಗೂಢತೆಗೆ ತಿರುಗಿದ್ದು, ನೆಚ್ಚಿನ ನಟನ ದಿಢೀರ್ ಸಾವಿಗೆ ಅಸಲಿ ಕಾರಣವೇನೆಂದು ತಿಳಿಯಲು ಅಭಿಮಾನಿಗಳು, ಸ್ನೇಹಿತರು ಮತ್ತು ತುಂಬಾ ಆಪ್ತರು ಬಯಸಿದ್ದಾರೆ.
ಸುಶಾಂತ್ ಅವರ ಮೃತದೇಹ ಜೂನ್ 14ರಂದು ಮುಂಬೈನ ಬಾಂದ್ರಾ ನಿವಾಸದಲ್ಲಿ ಆತ್ಮಹತ್ಯೆ ಸ್ಥಿತಿಯಲ್ಲಿ ಪತ್ತೆಯಾಯಿತು. ಇದಕ್ಕೆ ಸಂಬಂಧಿಸಿದಂತೆ ಅನೇಕ ಆರೋಪ-ಪ್ರತ್ಯಾರೋಪಗಳ ನಡುವೆ ಸಿಬಿಐ ತನಿಖೆಗೆ ಸುಪ್ರೀಂಕೋರ್ಟ್ ಆದೇಶಿಸಿದೆ. ಇದರನ್ವಯ ಸಿಬಿಐ ತನಿಖೆ ಮುಂದುವರಿಸಿದೆ. ಇತ್ತೀಚೆಗೆ ತಿಳಿದುಬಂದ ಮಾಹಿತಿಯೆಂದರೆ ಸುಶಾಂತ್ ಗೆಳತಿ ರಿಯಾ ಚಕ್ರವರ್ತಿ, ಶವಗಾರದಲ್ಲಿ ಸುಶಾಂತ್ ಮೃತದೇಹ ನೋಡಿದಾಗ ಒಮ್ಮೆ ಕ್ಷಮೆ ಕೋರಿದರು ಎಂಬುದು.
ಇದನ್ನೂ ಓದಿ: ಚಿತ್ರಮಂದಿರದಲ್ಲಿ ಸೆಕ್ಸ್ ಮಾಡಿ ಸಿಕ್ಕಿಬಿದ್ದ ಜೋಡಿ: ವೈರಲ್ ವಿಡಿಯೋಗೆ ನೆಟ್ಟಿಗರ ತರಾಟೆ!
ಅಂತಿಮ ಸಂಸ್ಕಾರಕ್ಕೂ ಮುನ್ನ ಸುಶಾಂತ್ ಮೃತದೇಹವನ್ನು ಶವಪರೀಕ್ಷೆಗಾಗಿ ಶವಗಾರಕ್ಕೆ ಕೊಂಡೊಯ್ಯಲಾಗಿತ್ತು. ಈ ವೇಳೆ ಅಲ್ಲಿಗೆ ಆಗಮಿಸಿದ ರಿಯಾ, ಸುಶಾಂತ್ ಶವವನ್ನು ನೋಡಿ “ನನ್ನ ಕ್ಷಮಿಸು ಬಾಬು” (ಐ ಆ್ಯಮ್ ಸಾರಿ ಬಾಬು) ಎಂದು ಹೇಳಿದ್ದಾಗಿ ಪ್ರತ್ಯಕ್ಷದರ್ಶಿ ಸುಜೀತ್ ಸಿಂಗ್ ರಾಥೋಡ್ ಮಾಧ್ಯಮವೊಂದರಲ್ಲಿ ತಿಳಿಸಿದ್ದಾರೆ.
ಇನ್ನು ಕರೊನಾ ಹಿನ್ನೆಲೆಯಲ್ಲಿ ಅಂತಿಮ ಸಂಸ್ಕಾರಕ್ಕೆ ಕೇಂದ್ರ ಸರ್ಕಾರ ಕೆಲವು ಷರತ್ತುಗಳನ್ನು ವಿಧಿಸಿತ್ತು. ಅದರನ್ವಯ 20 ಮಂದಿ ಮಾತ್ರ ಅಂತಿಮ ವಿಧಿವಿಧಾನಗಳಲ್ಲಿ ಭಾಗವಹಿಸಬುದು ಎಂದಿತ್ತು. ಹೀಗಾಗಿ ಸುಶಾಂತ್ ಅಂತ್ಯಸಂಸ್ಕಾರದಲ್ಲಿ ಭಾಗವಹಿಸಿದ್ದ 20 ಮಂದಿಯ ಪಟ್ಟಿಯಲ್ಲಿ ರಿಯಾ ಹೆಸರು ಇರಲಿಲ್ಲ. ಈ ಸಂಬಂಧ ರಿಯಾ ಪರ ವಕೀಲರು ಇತ್ತೀಚೆಗಷ್ಟೇ ಹೇಳಿಕೆಯೊಂದನ್ನು ನೀಡಿ, ಸುಶಾಂತ್ ಕುಟುಂಬ ಜೂನ್ 15ರಂದು ನಡೆದ ಅಂತಿಮ ಸಂಸ್ಕಾರಕ್ಕೆ ರಿಯಾಗೆ ಅನುಮತಿ ನೀಡಲಿಲ್ಲ ಎಂದಿದ್ದರು.
ಸುಶಾಂತ್ ಪ್ರಕರಣ ದಿನಕ್ಕೊಂದು ತಿರುವು ಪಡೆಯುತ್ತಿರುವುದು ಅಭಿಮಾನಿಗಳಲ್ಲಿ ನಿಖರ ಕಾರಣ ತಿಳಿದುಕೊಳ್ಳುವ ಹಂಬಲ ಹೆಚ್ಚಿದೆ. ಇತ್ತ ಸುಶಾಂತ್ ಕುಟುಂಬ ರಿಯಾ ವಿರುದ್ಧ ಬೊಟ್ಟು ಮಾಡಿದ್ದು, ಆತ್ಮಹತ್ಯೆಗೆ ಪ್ರಚೋದನೆ ನೀಡಿದ್ದಾಳೆಂದು ಬಿಹಾರದಲ್ಲಿ ಎಫ್ಐಆರ್ ದಾಖಲಿಸಿದ್ದಾರೆ. ಆದರೆ, ಇದನ್ನು ರಿಯಾ ತಳ್ಳಿಹಾಕಿದ್ದು, ಇದೆಲ್ಲದರ ನಡುವೆ ಸಿಬಿಐಗೆ ತನಿಖೆ ಹಸ್ತಾಂತರವಾಗಿದ್ದು, ಮುಂದಿನ ದಿನ ಪ್ರಕರಣ ಮತ್ಯಾವ ತಿರುವ ಪಡೆದುಕೊಳ್ಳಲಿದೆ ಎಂಬ ಕುತೂಹಲವಿದೆ. (ಏಜೆನ್ಸೀಸ್)
ಇದನ್ನೂ ಓದಿ: ಸೆಕ್ಸ್ ಲೈಫ್ಗೂ ಕರೊನಾ ಎಫೆಕ್ಟ್: ಸೋಂಕಿನಿಂದ ಪಾರಾಗಲು ಜನ ಮೊರೆ ಹೋದ ಸೆಕ್ಸ್ ಭಂಗಿಗಳಿವು!
ಸುಶಾಂತ್ ಸಾವಿಗೂ ಮುಂಚೆ ರಿಯಾ-ಮಹೇಶ್ ಭಟ್ ನಡುವೆ ನಡೆದ ವಾಟ್ಸ್ಆ್ಯಪ್ ಚಾಟ್ ಬಹಿರಂಗ!