ಟರೌಬ (ಟ್ರಿನಿಡಾಡ್): ಯುವ ವೇಗಿ ಕೀಮೊ ಪೌಲ್ (19ಕ್ಕೆ 4) ಬಿಗಿ ಬೌಲಿಂಗ್ ನಿರ್ವಹಣೆ ಮತ್ತು ಸ್ಫೋಟಕ ಬ್ಯಾಟ್ಸ್ಮನ್ ಶಿಮ್ರೋನ್ ಹೆಟ್ಮೆಯರ್ (71 ರನ್, 44 ಎಸೆತ, 8 ಬೌಂಡರಿ, 3 ಸಿಕ್ಸರ್) ಬಿರುಸಿನ ಬ್ಯಾಟಿಂಗ್ ನೆರವಿನಿಂದ ಗಯಾನಾ ಅಮೆಜಾನ್ ವಾರಿಯರ್ಸ್ ತಂಡ ಕೆರಿಬಿಯನ್ ಪ್ರೀಮಿಯರ್ ಲೀಗ್ (ಸಿಪಿಎಲ್) ಟಿ20 ಟೂರ್ನಿಯಲ್ಲಿ ಸೇಂಟ್ ಕಿಟ್ಸ್ ಆಂಡ್ ನೆವಿಸ್ ಪ್ಯಾಟ್ರಿಯಾಟ್ಸ್ ತಂಡದ ವಿರುದ್ಧ 3 ವಿಕೆಟ್ಗಳಿಂದ ರೋಚಕ ಗೆಲುವು ದಾಖಲಿಸಿದೆ.
ಟಾಸ್ ಸೋತು ಮೊದಲು ಬ್ಯಾಟಿಂಗ್ಗೆ ಇಳಿದ ಸೇಂಟ್ ಕಿಟ್ಸ್ ತಂಡ 8 ವಿಕೆಟ್ಗೆ 127 ರನ್ ಕೂಡಿಹಾಕಲಷ್ಟೇ ಶಕ್ತವಾಯಿತು. ಕಿಮೋ ಪೌಲ್ಗೆ ಸ್ಪಿನ್ನರ್ ಇಮ್ರಾನ್ ತಾಹಿರ್ (18ಕ್ಕೆ 2) ಕೂಡ ಸಮರ್ಥ ಸಾಥ್ ನೀಡಿ ಸೇಂಟ್ ಕಿಟ್ಸ್ ತಂಡಕ್ಕೆ ಕಡಿವಾಣ ಹಾಕಲು ನೆರವಾದರು. ಪ್ರತಿಯಾಗಿ ಗಯಾನಾ ತಂಡ ಹೆಟ್ಮೆಯರ್ ಅವರ ಏಕಾಂಗಿ ಸಾಹಸದಿಂದ 17 ಓವರ್ಗಳಲ್ಲಿ 7 ವಿಕೆಟ್ಗೆ 131 ರನ್ ಗಳಿಸಿ ಟೂರ್ನಿಯ ಮೊದಲ ಗೆಲುವು ದಾಖಲಿಸಿತು. ಗಯಾನಾ ಟೂರ್ನಿಯ ಮೊದಲ ಪಂದ್ಯದಲ್ಲಿ ಟ್ರಿನಿಬಾಗೋ ನೈಟ್ರೈಡರ್ಸ್ ವಿರುದ್ಧ ಸೋಲು ಕಂಡಿತ್ತು. ಹೆಟ್ಮೆಯರ್ ಸತತ 2ನೇ ಪಂದ್ಯದಲ್ಲಿ ಅರ್ಧಶತಕ ಬಾರಿಸಿದ ಸಾಧನೆ ಮಾಡಿದರು. ಅವರು ಈ ಬಾರಿ ಕೇವಲ 31 ಎಸೆತಗಳಲ್ಲೇ ಅರ್ಧಶತಕ ಪೂರೈಸಿದರು.
ಸೇಂಟ್ ಕಿಟ್ಸ್ ಆಂಡ್ ನೆವಿಸ್ ಪ್ಯಾಟ್ರಿಯಾಟ್ಸ್: 8 ವಿಕೆಟ್ಗೆ 127 (ಕ್ರಿಸ್ ಲ್ಯಾನ್ 16, ಲೆವಿಸ್ 30, ರಾಮ್ದಿನ್ 9, ಡಂಕ್ 29, ಎಮ್ರಿಟ್ 17, ಸೋಧಿ 4*, ಕೀಮೊ ಪೌಲ್ 19ಕ್ಕೆ 4, ತಾಹಿರ್ 18ಕ್ಕೆ 2), ಗಯಾನಾ ಅಮೆಜಾನ್ ವಾರಿಯರ್ಸ್: 17 ಓವರ್ಗಳಲ್ಲಿ 7 ವಿಕೆಟ್ಗೆ 131 (ಕಿಂಗ್ 10, ಹೇಮರಾಜ್ 19, ಹೆಟ್ಮೆಯರ್ 71, ರಾಸ್ ಟೇಲರ್ 9, ಪೂರನ್ 0, ರುದರ್ಫೋರ್ಡ್ 10, ಕೀಮೊ ಪೌಲ್ 0, ಎಮ್ರಿಟ್ 31ಕ್ಕೆ 3, ಕಾಟ್ರೆಲ್ 24ಕ್ಕೆ 1, ಡ್ರೇಕ್ಸ್ 28ಕ್ಕೆ 1). ಪಂದ್ಯಶ್ರೇಷ್ಠ: ಕೀಮೊ ಪೌಲ್.
ಇದನ್ನೂ ಓದಿ: ಧೋನಿ ನಿವೃತ್ತಿಗೆ ಕರೊನಾ ಕೂಡ ಕಾರಣ ಎಂದ ಚಾಹಲ್!
ದಿನದ ಮೊದಲ ಪಂದ್ಯದಲ್ಲಿ ಜಮೈಕಾ ತಲ್ಲವಾಹ್ಸ್ ತಂಡ ಸೇಂಟ್ ಲೂಸಿಯಾ ಜೌಕ್ಸ್ ವಿರುದ್ಧ 5 ವಿಕೆಟ್ಗಳಿಂದ ಗೆಲುವು ದಾಖಲಿಸಿತು. ಉಭಯ ತಂಡಗಳಿಗೂ ಇದು ಟೂರ್ನಿಯ ಮೊದಲ ಪಂದ್ಯವಾಗಿತ್ತು. ಟಾಸ್ ಸೋತು ಮೊದಲು ಬ್ಯಾಟಿಂಗ್ಗೆ ಇಳಿದ ಸೇಂಟ್ ಲೂಸಿಯಾ ತಂಡ 7 ವಿಕೆಟ್ಗೆ 158 ರನ್ ಕೂಡಿಹಾಕಿತು. ಪ್ರತಿಯಾಗಿ ಜಮೈಕಾ ತಲ್ಲವಾಹ್ಸ್ ತಂಡ 18.5 ಓವರ್ಗಳಲ್ಲಿ 5 ವಿಕೆಟ್ಗೆ 160 ರನ್ ಗಳಿಸಿ ಗೆಲುವು ದಾಖಲಿಸಿತು.
ಸೇಂಟ್ ಲೂಸಿಯಾ ಜೌಕ್ಸ್: 7 ವಿಕೆಟ್ಗೆ 158 (ಕಾರ್ನ್ವಾಲ್ 9, ಫ್ಲೆಚರ್ 22, ಡೆಯಲ್ 17, ರೋಸ್ಟನ್ ಚೇಸ್ 52, ಜದ್ರಾನ್ 25, ನಬಿ 13, ಸ್ಯಾಮ್ಮಿ 4, ಪೆರುಮಾಳ್ 34ಕ್ಕೆ 2, ಮುಜೀಬ್ 25ಕ್ಕೆ 2, ರಸೆಲ್ 32ಕ್ಕೆ 1, ಲಮಿಚನೆ 23ಕ್ಕೆ 1), ಜಮೈಕಾ ತಲ್ಲವಾಹ್ಸ್: 18.5 ಓವರ್ಗಳಲ್ಲಿ 5 ವಿಕೆಟ್ಗೆ 160 (ಫಿಲಿಪ್ಸ್ 44, ಪೊವೆಲ್ 26, ಆಸಿಫ್ ಅಲಿ 47, ರಸೆಲ್ 16, ಬ್ರಾಥ್ವೇಟ್ 18*, ಕೆಸ್ರಿಕ್ ವಿಲಿಯಮ್ಸ್ 32ಕ್ಕೆ 2, ಕಗೆಲಿನ್ 42ಕ್ಕೆ 1). ಪಂದ್ಯಶ್ರೇಷ್ಠ: ಆಸಿಫ್ ಅಲಿ.
ಗುರುವಾರ ಪಂದ್ಯಗಳು:
ಬಾರ್ಬಡೋಸ್ ಟ್ರೈಡೆಂಟ್ಸ್-ಸೇಂಟ್ ಲೂಸಿಯಾ ಜೌಕ್ಸ್
ಆರಂಭ: ರಾತ್ರಿ 7.30
ಟ್ರಿನಿಬಾಗೋ ನೈಟ್ರೈಡರ್ಸ್-ಜಮೈಕಾ ತಲ್ಲವಾಹ್ಸ್
ಆರಂಭ: ಶುಕ್ರವಾರ ಮುಂಜಾನೆ 3.00 (ಭಾರತೀಯ ಕಾಲಮಾನ)
ನೇರಪ್ರಸಾರ: ಸ್ಟಾರ್ ಸ್ಪೋರ್ಟ್ಸ್
ಲಾಕ್ಡೌನ್ನಲ್ಲಿ ಕ್ರಿಕೆಟ್ ಆಡುವುದೇ ಮರೆತುಹೋಗುತ್ತೆ ಎಂದು ಹೆದರಿದ್ದ ಕೆಎಲ್ ರಾಹುಲ್!