ಬೆಂಗಳೂರು: ಬ್ಯಾಟ್ಸ್ಮ್ಯಾನ್ ವಿರಾಟ್ ಕೊಹ್ಲಿ ಹಾಗು ಬೌಲರ್ಗಳು ನಡೆಸಿದ ಸಂಘಟಿತ ದಾಳಿಯ ನೆರವಿನಿಂದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡವು ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ 23ರನ್ಗಳ ಜಯ ಸಾಧಿಸಿದೆ.
ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟಿಂಗ್ RCB ತಂಡವು 20 ಓವರ್ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 174ರನ್ ಗಳಿಸಿತ್ತು.
ಕೊಹ್ಲಿ-ಪ್ಲೆಸಿಸ್ ಬಿರುಸಿನ ಆಟ
ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ RCB ತಂಡವು ವಿರಾಟ್ ಕೊಹ್ಲಿ(50 ರನ್, 34 ಎಸೆತ, 6 ಬೌಂಡರಿ, 1ಸಿಕ್ಸರ್), ನಾಯಕ ಫಾಪ್ ಡು ಪ್ಲೆಸಿಸ್(22 ರನ್, 16 ಎಸೆತ, 3 ಬೌಂಡರಿ, 1 ಸಿಕ್ಸರ್) ಬಿರುಸಿನ ಆಟದ ಫಲವಾಗಿ ಮೊದಲ ವಿಕೆಟ್ಗೆ 4.4ಓವರ್ಗಳಲ್ಲಿ 42ರನ್ ಪೇರಿಸಿ ಬೇರ್ಪಟ್ಟಿತ್ತು.
ಇದನ್ನೂ ಓದಿ: IPL 2023; ಕಾಳಸಂತೆಯಲ್ಲಿ ಟಿಕೆಟ್ ಮಾರಾಟ; 24 ಮಂದಿ ಬಂಧನ
ನಾಯಕ ಪ್ಲೆಸಿಸ್-ಕೊಹ್ಲಿ ಔಟಾದ ಬಳಿಕ ಬಂದ ಬ್ಯಾಟ್ಸ್ಮ್ಯಾನ್ಗಳು ಕೆಲಕಾಲ ಸ್ಪೋಟಕ ಆಟದ ಫಲವಾಗಿ 6 ವಿಕೆಟ್ ನಷ್ಟಕ್ಕೆ 20 ಓವರ್ಗಳಲ್ಲಿ 174ರನ್ ಗಳಿಸಿತ್ತು.
ಡೆಲ್ಲಿಗೆ ಆರಂಭಿಕ ಆಘಾತ
ಗುರಿ ಬೆನ್ನತ್ತಿದ್ದ ಡೆಲ್ಲಿಕ್ಯಾಪಿಟಲ್ಸ್ ತಂಡಕ್ಕೆ RCB ಬೌಲರ್ಗಳು ಆರಂಭಿಕ ಆಘಾತ ನೀಡಿದರು. ಅಲ್ಪಮೊತ್ತಕ್ಕೆ ತಂಡ ಕುಸಿಯುವ ಭೀತಿಯಲ್ಲಿದ್ದ ಸಮಯದಲ್ಲಿ ಕನ್ನಡಿಗ ಮನೀಷ್ ಪಾಂಡೆ(50 ರನ್, 38ಎಸೆತ, 5ಬೌಂಡರಿ, 1ಸಿಕ್ಸರ್) ಅರ್ಧಶತಕದ ಫಲವಾಗಿ ಡೆಲ್ಲಿ ತಂಡವು 20 ಓವರ್ಗಳಲ್ಲಿ 9 ವಿಕೆಟ್ ನಷ್ಟಕ್ಕೆ 151ರನ್ಗಳಿಸಿತ್ತು.
RCB ಪರ ಮೊಹಮ್ಮದ್ ಸಿರಾಜ್(4-0-23-2), ವೇಯ್ನ್ ಪಾರ್ನೆಲ್(4-0-28-1), ವಿಜಯ್ಕುಮಾರ್ ವೈಶಾಕ್(4-0-20-3), ವನ್ನಿಂದು ಹಸರಂಗ(3-0-37-1), ಹರ್ಷಲ್ ಪಟೇಲ್(4-0-32-1) ರನ್ ನೀಡಿ ವಿಕೆಟ್ ಕಬಳಿಸಿದ್ಧಾರೆ.