ಹೈದರಾಬಾದ್: ಇಲ್ಲಿಯವರೆಗೂ ಸನ್ ರೈಸರ್ಸ್ ಹೈದರಾಬಾದ್ (ಎಸ್ಆರ್ಎಚ್) ವಿರುದ್ಧದ ಪಂದ್ಯದಲ್ಲಿ ಎದುರಾಳಿ ತಂಡಗಳು ಭಯಪಡುವ ಪರಿಸ್ಥಿತಿ ಇತ್ತು. ಏಕೆಂದರೆ, ಎಸ್ಆರ್ಎಚ್ ಬ್ಯಾಟಿಂಗ್ ತುಂಬಾ ವಿನಾಶಕಾರಿಯಾಗಿತ್ತು. ಆದರೆ, ಗುರುವಾರ ರಾಜೀವ್ ಗಾಂಧಿ ಅಂತಾರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ನಡೆದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ವಿರುದ್ಧದ ಪಂದ್ಯದಲ್ಲಿ ಎಸ್ಆರ್ಎಚ್ ತಂಡ ಸಂಪೂರ್ಣ ವಿಭಿನ್ನ ಆಟವಾಡಿತು. ಈ ಸೀಸನ್ನಲ್ಲಿ 266, 277, 287 ರಂತಹ ಬೃಹತ್ ಸ್ಕೋರ್ ಗಳಿಸಿದ್ದ ಎಸ್ಆರ್ಎಚ್, ಆರ್ಸಿಬಿ ವಿರುದ್ಧದ 207 ರನ್ಗಳ ಗುರಿ ಬೆನ್ನತ್ತಲಾಗದೆ ಸೋಲನ್ನು ಅನುಭವಿಸಿತು. ಪಂದ್ಯದ ಫಲಿತಾಂಶದ ಹೊರತಾಗಿ ಈ ಪಂದ್ಯದಲ್ಲಿ ಆರ್ಸಿಬಿ, ಎಸ್ಆರ್ಎಚ್ ತಂಡದ ಸೊಕ್ಕನ್ನು ಅಡಗಿಸಿತು. ಅಲ್ಲದೆ, ಪ್ಯಾನ್ ಕಮಿನ್ಸ್ ಪಡೆಯನ್ನು ಫಾಪ್ ಡುಪ್ಲಿಸಿಸ್ ಪಡೆ ಕೆಟ್ಟದಾಗಿ ಅವಮಾನಿಸಿ ಸೇಡು ತೀರಿಸಿಕೊಂಡಿತು ಎಂದು ಹೇಳಲಾಗುತ್ತಿದೆ.
ಈ ಪಂದ್ಯದಲ್ಲಿ ಆರ್ಸಿಬಿ ನೀಡಿದ 207 ರನ್ಗಳ ಗುರಿಯನ್ನು ಮುಟ್ಟಲು ಕಣಕ್ಕಿಳಿದ ಎಸ್ಆರ್ಎಚ್ಗೆ ಆರ್ಸಿಬಿ ಆಲ್ರೌಂಡರ್ ವಿಲ್ ಜಾಕ್ಸ್ ಆಘಾತ ನೀಡಿದರು. ಎಸ್ಆರ್ಎಚ್ನ ವಿಧ್ವಂಸಕ ಆರಂಭಿಕ ಆಟಗಾರ ಟ್ರಾವಿಸ್ ಹೆಡ್ ಅವರನ್ನು ಔಟ್ ಮಾಡಿದರು ಮತ್ತು ಸನ್ರೈಸರ್ಸ್ ಪತನಕ್ಕೆ ಮುಖ್ಯ ಕಾರಣರಾದರು. ಹೆಡ್ ಬೆನ್ನಲ್ಲೇ ಶೀಘ್ರದಲ್ಲೇ ಅಭಿಷೇಕ್ ಶರ್ಮ, ಈಡನ್ ಮಾರ್ಕ್ರಾಮ್ ಮತ್ತು ಹೆನ್ರಿಚ್ ಕ್ಲಾಸೆನ್ ಕೂಡ ಔಟಾದರು. ಎಸ್ಆರ್ಎಚ್ ಅವರ ಪ್ರಮುಖ ನಾಲ್ಕು ವಿಕೆಟ್ಗಳನ್ನು ಕಳೆದುಕೊಂಡಿತು. ಈ ಹಂತದಲ್ಲಿ ತಂಡದ ಹಾರ್ಡ್ ಹಿಟ್ಟರ್ ಅಬ್ದುಲ್ ಸಮದ್ ಬ್ಯಾಟಿಂಗ್ಗೆ ಬಂದರು. ಇದೇ ಸಮಯದಲ್ಲಿ ಆರ್ಸಿಬಿ, ಎಸ್ಆರ್ಎಚ್ ತಂಡವನ್ನು ಅವಮಾನಿಸಿದೆ. ಆರ್ಸಿಬಿಯ ಈ ನಡೆಯನ್ನು ನೋಡಿ ಎಸ್ಆರ್ಎಚ್ ಬ್ಯಾಟರ್ಗಳು ಮಾತ್ರವಲ್ಲದೆ ಕ್ರೀಡಾಂಗಣದಲ್ಲಿದ್ದ ಎಲ್ಲ ಕ್ರಿಕೆಟ್ ಅಭಿಮಾನಿಗಳು ಒಂದು ಕ್ಷಣ ಶಾಕ್ ಆದರು.
ಅಬ್ದುಲ್ ಸಮದ್ ಕ್ರೀಸ್ಗೆ ಬಂದ ನಂತರ, ಆರ್ಸಿಬಿ ನಾಯಕ ಫಾಫ್ ಡುಪ್ಲೆಸಿಸ್ ಟೆಸ್ಟ್ ಫೀಲ್ಡಿಂಗ್ ಸೆಟ್ ಮಾಡಿದರು. ಇದರಲ್ಲಿ ಕೊಹ್ಲಿಯ ಐಡಿಯಾವೂ ಸೇರಿದೆ. ಕೊಹ್ಲಿಯ ಸ್ಲಿಪ್ ಮತ್ತು ಸಿಲ್ಲಿ ಪಾಯಿಂಟ್ನಲ್ಲೂ ಫೀಲ್ಡರ್ ಹಾಕಿ, ಸಮದ್ ಅವರನ್ನು ಒತ್ತಡಕ್ಕೆ ಸಿಲುಕಿಸಿದರು. ಟೆಸ್ಟ್ ಫೀಲ್ಡಿಂಗ್ ಮಾಡುವ ಮೂಲಕ ಆರ್ಸಿಬಿ, ಎಸ್ಆರ್ಎಚ್ ತಂಡವನ್ನು ಅವಮಾನಿಸಿತು. ಈ ದೃಶ್ಯ ನೋಡಿದ ಆರ್ಸಿಬಿ ಅಭಿಮಾನಿಗಳು ಖುಷಿಯಾಗಿದ್ದಾರೆ. ಆದರೆ, ಎಸ್ಆರ್ಎಚ್ ಅಭಿಮಾನಿಗಳು ಆಕ್ರೋಶ ಹೊರಹಾಕಿದ್ದಾರೆ.
ಎಸ್ಆರ್ಎಚ್ ಮೊದಲು ಬ್ಯಾಟ್ ಮಾಡಿದರೆ ಆರ್ಸಿಬಿ ಬೌಲರ್ಗಳನ್ನು ಬೆಂಡೆತ್ತಿ, 300 ರನ್ ಗಡಿ ದಾಟುತ್ತದೆ ಎಂದು ಅನೇಕ ಎಸ್ಆರ್ಎಚ್ ಅಭಿಮಾನಿಗಳು ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಹಾಕಿದ್ದರು. ಆದರೆ, ಆಗಿದ್ದೇ ಬೇರೆ. ಅಲ್ಲದೆ, ಅವರೆಲ್ಲರಿಗೂ ಕೌಂಟರ್ ಕೊಟ್ಟು ಆರ್ಸಿಬಿ ಟೆಸ್ಟ್ ಫೀಲ್ಡಿಂಗ್ ಸೆಟ್ ಮಾಡಿತು. (ಏಜೆನ್ಸೀಸ್)
ಇವಿಎಂ ಮತಗಳ ಜತೆಗೆ ವಿವಿಪ್ಯಾಟ್ ಚೀಟಿ ಎಣಿಕೆಗೆ ಕೋರಿದ್ದ ಅರ್ಜಿಗಳು ವಜಾ! ಸುಪ್ರೀಂಕೋರ್ಟ್ ತೀರ್ಪು