ಮುಂಬೈ: ಕರೊನಾ ಸೋಂಕು ತಡೆಗಟ್ಟುವ ನಿಟ್ಟಿನಲ್ಲಿ ಭಾರತ ಎರಡನೇ ಹಂತದ ಲಾಕ್ಡೌನ್ನಲ್ಲಿ ಮುಂದುವರಿದಿದ್ದು, ಅರ್ಥ ವ್ಯವಸ್ಥೆ ಚೇತರಿಕೆ ಹೇಗೆ ಎಂಬ ಚಿಂತೆಯೂ ಕಾಡಿದೆ. ಈ ಸಂದರ್ಭದಲ್ಲೇ ಭಾರತೀಯ ರಿಸರ್ವ್ ಬ್ಯಾಂಕ್ (ಆರ್ಬಿಐ) ಬೆಳಗ್ಗೆ ಎಂಟು ಗಂಟೆಗೆ ಟ್ವೀಟ್ ಮಾಡಿದ್ದು, ಗವರ್ನರ್ ಶಕ್ತಿಕಾಂತ ದಾಸ್ ಸುದ್ದಿಗೋಷ್ಠಿ ನಡೆಸಲಿದ್ದಾರೆ ಎಂದು ಪ್ರಕಟಿಸಿತ್ತು. ಹೀಗಾಗಿ ಎಲ್ಲರ ಚಿತ್ತವೂ ನೆಟ್ಟಿದ್ದು, ಅವರ ಮಾತುಗಳ ವಿವರ ಇಲ್ಲಿದೆ.
10:43 AM: ಕಮರ್ಷಿಯಲ್ ರಿಯಲ್ಎಸ್ಟೇಟ್ ವ್ಯವಹಾರಕ್ಕೆ ರಿಲೀಫ್: ವಾಣಿಜ್ಯ ರಿಯಲ್ ಎಸ್ಟೇಟ್ ವ್ಯವಹಾರಕ್ಕಾಗಿ ಎನ್ಬಿಎಫ್ಸಿಗಳು ನೀಡಿದ ಸಾಲಗಳಿಗೂ ಸದ್ಯ ಉಳಿದ ಸಾಲಗಳಿಗೆ ಸಿಕ್ಕ ವಿನಾಯಿತಿಯೇ ಸಿಗಲಿದೆ. ಇದರಿಂದ ಎನ್ಬಿಎಫ್ಸಿಗಳಿಗೂ ರಿಯಲ್ ಎಸ್ಟೇಟ್ ಸೆಕ್ಟರ್ಗೂ ಪ್ರಯೋಜನವಾಗಲಿದೆ. ಮುಂದಿನ ದಿನಗಳಲ್ಲಿ ಯಾವಾಗ ಅಗತ್ಯ ಬೀಳುವುದೋ ಆಗ ಇನ್ನಷ್ಟು ಕ್ರಮಗಳನ್ನು ಘೋಷಿಸಲಾಗುವುದು.
10:40 AM: ಅವಧಿ ವಿಸ್ತರಣೆ: ಎನ್ಪಿಎ ನಿರ್ಣಯ ಯೋಜನೆಗಳ ಅವಧಿ 90 ದಿನಗಳಿಗೆ ವಿಸ್ತರಣೆಯಾಗಲಿದೆ. ಮುಂದಿನ ಆದೇಶದ ತನಕ ಬ್ಯಾಂಕುಗಳು ಡಿವಿಡೆಂಡ್ಗಳನ್ನು ಘೋಷಿಸುವಂತಿಲ್ಲ. ಅದೇ ರೀತಿ, ಬ್ಯಾಂಕುಗಳ ಎಲ್ಸಿಆರ್ ಅಗತ್ಯಗಳನ್ನು ತತ್ಕ್ಷಣವೇ ಶೇಕಡ 100ರಿಂದ ಶೇಕಡ 80ಕ್ಕೆ ಇಳಿಸಬೇಕು. ಇದನ್ನು ಮತ್ತೆ 2020ರ ಅಕ್ಟೋಬರ್ನಲ್ಲಿ ಶೇಕಡ 90ಕ್ಕೆ ಅದೇ ರೀತಿ 2021ರ ಏಪ್ರಿಲ್ನಲ್ಲಿ ಶೇಕಡ 100ಕ್ಕೆ ಏರಿಸಬಹುದಾಗಿದೆ.
10:36 AM: ಎನ್ಪಿಎ ಕ್ಲಾಸಿಫಿಕೇಶನ್ನಲ್ಲಿ ಮೋರಟೋರಿಯಂ ಪೀರಿಯಡ್ ಇಲ್ಲ: ಎನ್ಪಿಎ ಕ್ಲಾಸಿಫಿಕೇಶನ್ನಲ್ಲಿ ಮೋರಟೋರಿಯಂ ಪೀರಿಯಡ್ ಇರುವುದಿಲ್ಲ. 25,000 ಕೋಟಿ ರೂಪಾಯಿಗಳ ಟಾರ್ಗೆಟೆಡ್ ಲಾಂಗ್-ಟರ್ಮ್ ರೆಪೋ ಆಪರೇಷನ್ ಹರಾಜು ಇಂದು ನಡೆಯಲಿದೆ. ಹೆಚ್ಚಿನ ನಿಬಂಧನೆಗಳನ್ನು ಬ್ಯಾಂಕುಗಳು ಹಾಗೆಯೇ ಉಳಿಸಲಿದ್ದು, ಮುಂದೆ ವಾಸ್ತವ ಲೆಕ್ಕಾಚಾರ ನೋಡಿ ಹೊಂದಾಣಿಕೆ ಮಾಡಿಕೊಳ್ಳಲಿವೆ.
10:32 AM: ರಿವರ್ಸ್ ರೆಪೊ ರೇಟ್ ಇಳಿಕೆ- ರಿವರ್ಸ್ ರೆಪೊ ರೇಟ್ 25 ಬಿಪಿಎಸ್ನಷ್ಟು ಇಳಿಸುವುದಕ್ಕೆ ಆರ್ಬಿಐ ತೀರ್ಮಾನಿಸಿದ್ದು, ಪರಿಣಾಮ ಶೇಕಡ 4ರಿಂದ ಶೇಕಡ 3.75ಕ್ಕೆ ಇಳಿಕೆಯಾಗಲಿದೆ. ಇದೇ ರೀತಿ, ರಾಜ್ಯ ಸರ್ಕಾರಗಳ ಡಬ್ಲ್ಯುಎಂಎ(Ways and Means Advances) ಮಿತಿಯನ್ನು ಶೇಕಡ 60 ಏರಿಕೆ ಮಾಡಲಾಗಿದೆ.
10:28 AM: ತಡೆಇಲ್ಲದ ಸಾಲ ಸೌಲಭ್ಯ: ಅರ್ಥವ್ಯವಸ್ಥೆಯಲ್ಲಿ ಹಣಕಾಸಿನ ಹರಿವು ಸಾಕಷ್ಟು ಇರುವಂತೆ ನಿರ್ವಹಿಸುವುದಕ್ಕಾಗಿ ಬ್ಯಾಂಕುಗಳ ಮೂಲಕ ಸಾಲಸೌಲಭ್ಯ ಸರಿಯಾಗಿರುವಂತೆ ನೋಡಿಕೊಳ್ಳುವುದು. ಅದಕ್ಕೆ ಇನ್ಸೆಂಟಿವ್ ಮತ್ತು ಅಗತ್ಯ ಇತರೆ ಕ್ರಮಗಳನ್ನು ತೆಗೆದುಕೊಳ್ಳುವುದು. ಹಣಕಾಸಿನ ಒತ್ತಡ ಅಥವಾ ಹೊರೆಯನ್ನು ಕಡಿಮೆ ಮಾಡಿಕೊಂಡು ಮಾರುಕಟ್ಟೆಗಳ ವಹಿವಾಟು ಸುಗಮವಾಗಿ ಇರುವಂತೆ ಮಾಡುವುದು ಆದ್ಯತೆ ವಿಚಾರವಾಗಿದೆ.
10:25 AM: ಇಂದಿನ ಘೋಷಣೆಯ ಮುಖ್ಯಾಂಶ: * ಅರ್ಥವ್ಯವಸ್ಥೆಯಲ್ಲಿ ಸಾಕಷ್ಟು ಲಿಕ್ವಿಡಿಟಿ ಇರುವಂತೆ ನೋಡಿಕೊಳ್ಳುವುದು. * ಹಣಕಾಸಿನ ಒತ್ತಡವನ್ನು ಕಡಿಮೆಮಾಡುವುದು * ಔಪಚಾರಿಕ ಮಾರುಕಟ್ಟೆ ಕಾರ್ಯಚಟುವಟಿಕೆಗೆ ಅವಕಾಶ ಮಾಡಿಕೊಡುವುದು – ಇದಕ್ಕೆ ಪೂರಕವಾಗಿ ನಿಶ್ಚಿತ ದೀರ್ಘಾವಧಿ ಅವಧಿ ರೆಪೊ ಆಪರೇಷನ್ಸ್ ಅನ್ನು 50,000 ರೂಪಾಯಿಗೆ ಏರಿಸಿ ಆರಂಭಿಸುವುದು. ಅದನ್ನು ಮಾರುಕಟ್ಟೆ ಹೇಗೆ ಬಳಸುವುದೆಂದು ಗಮನಿಸಿಕೊಂಡು ನಂತರ ಈ ಮೊತ್ತವನ್ನು ಹೆಚ್ಚಿಸಲಾಗುವುದು.
10:20 AM: ಉತ್ತೇಜನಾ ಕ್ರಮ: ಭಾರತದ ಫಾರೆಕ್ಸ್ ರಿಸರ್ವ್ 11.8 ತಿಂಗಳ ಆಮದಿಗೆ ಬೇಕಾಗುವಷ್ಟು ಇದ್ದು, 476.5 ಶತಕೋಟಿ ಡಾಲರ್ ಗಳ ಮಟ್ಟದಲ್ಲಿ ಉತ್ತಮ ರೀತಿಯಲ್ಲಿ ನಿರ್ವಹಿಸಲಾಗುತ್ತಿದೆ. ಈ ವರ್ಷ ಫೆ.6ರಿಂದ ಮಾರ್ಚ್ 27ರ ಅವಧಿಯಲ್ಲಿ ದೇಶದ ಜಿಡಿಪಿಯ ಶೇಕಡ 3.2ರ ಪ್ರಮಾಣದಲ್ಲಿ ಆರ್ಬಿಐ ಹಣಕಾಸಿನ ಉತ್ತೇಜನವನ್ನು ಆರ್ಥಿಕತೆಗೆ ತುಂಬಲಾಗಿದೆ.
10:15 AM: ಬ್ಯಾಂಕ್, ಖಾರಿಫ್ ಔಟ್ಪುಟ್ ಏರುಮುಖ: ಬ್ಯಾಂಕುಗಳ ಚಟುವಟಿಕೆ ಮತ್ತು ಖಾರಿಫ್ ಔಟ್ಪುಟ್ ಇಳಿಮುಖವಾಗಿಲ್ಲ. ಸದ್ಯದ ಪರಿಸ್ಥಿತಿಯಲ್ಲಿ ಬ್ಯಾಂಕಿಂಗ್ ಕ್ಷೇತ್ರದಲ್ಲಿ ನೆಟ್ ಬ್ಯಾಂಕಿಂಗ್ ಅಥವಾ ಮೊಬೈಲ್ ಬ್ಯಾಂಕಿಂಗ್ ಪ್ರಮಾಣ ಹೆಚ್ಚಾಗಿದೆ. ಈ ಪರಿಸ್ಥಿತಿ ಬ್ಯಾಂಕುಗಳಿಗೆ ಹೆಚ್ಚಿನ ಲಾಭವನ್ನೇ ತಂದುಕೊಡುತ್ತಿದೆ. ಇದೇ ರೀತಿ, COVID19 ಹರಡಿ ಏರುಮುಖವಾಗುವುದನ್ನು ತಪ್ಪಿಸಲು ತೆಗೆದುಕೊಂಡಿರುವ ಕ್ರಮಗಳು ಸರಿಯಾಗಿಯೇ ಇವೆ. ಇದರ ಪರಿಣಾಮ ಐಐಪಿ ಪ್ರಿಂಟ್ನಲ್ಲಿ ಕಂಡುಬಂದಂತೆ ಆ ಡೇಟಾದಿಂದ ಯಾರೂ ತಪ್ಪು ತಿಳಿಯಬೇಕಾದ್ದಿಲ್ಲ. ಖಾರಿಫ್ ಔಟ್ಪುಟ್ ಶೇಕಡ 37 ಏರಿಕೆ ಕಂಡುಬಂದಿದೆ.
10:10 AM : ಪ್ರಸ್ತುತ ಆರ್ಥಿಕ ಪರಿಸ್ಥಿತಿಯ ಮುಖ್ಯಾಂಶ: ದೇಶದ ಮ್ಯಾಕ್ರೋ ಎಕನಾಮಿಕ್ ಪರಿಸ್ಥಿತಿ ಕೆಲವು ಕ್ಷೇತ್ರಗಳಲ್ಲಿ ತೊಂದರೆಗೀಡಾಗಿದೆ. ಐಎಂಎಫ್ನ ಭವಿಷ್ಯ ನುಡಿಯ ಪ್ರಕಾರವೂ ಜಾಗತಿಕ ಜಿಡಿಪಿ ಕೂಡ ಇಳಿಮುಖವಾಗಿದೆ. ಜಾಗತಿಕವಾಗಿ ಕೂಡ ಷೇರುಪೇಟೆಗಳಲ್ಲಿ ಏರಿಳಿತಗಳು ಮುಂದುವರಿದಿದ್ದು, ಕಚ್ಚಾ ತೈಲದ ದರದಲ್ಲೂ ಅದೇ ಪರಿಸ್ಥಿತಿ ಇದೆ. ಜಿಡಿಪಿ ಬೆಳವಣಿಗೆ ಏರುಮುಖದಲ್ಲಿರುವ ಕೆಲವೇ ಕೆಲವು ರಾಷ್ಟ್ರಗಳ ಪೈಕಿ ಭಾರತವೂ ಒಂದಾಗಿದೆ.
10:05 AM: ಮರಣ ಮೃದಂಗದ ಮಧ್ಯೆ, ಜೀವನ ನಿರಂತರ: ಸದ್ಯದ ಪರಿಸ್ಥಿತಿ ನಿಭಾಯಿಸುವಲ್ಲಿ ಆರ್ಬಿಐ ಕಾರ್ಯಪ್ರವೃತ್ತವಾಗಿದ್ದು, ಪ್ರತಿಯೊಂದನ್ನೂ ಸೂಕ್ಷ್ಮವಾಗಿ ಗಮನಿಸುತ್ತಿದೆ. ಮಹಾತ್ಮಗಾಂಧಿ ಅವರ ಮಾತೊಂದಿದೆ- ಸಾವುಗಳ ನಡುವೆ ಜೀವನ ನಿರಂತರವಾಗಿ ಸಾಗುತ್ತಿರುತ್ತದೆ. ಇದೇ ರೀತಿ ಕರೊನಾ ವೈರಸ್ ಸಾಂಕ್ರಾಮಿಕ ರೋಗದ ವಿರುದ್ಧದ ಹೋರಾಟದಲ್ಲಿ ಭಾಗಿಯಾದ ಎಲ್ಲರಿಗೂ ವಿಶೇಷವಾಗಿ ಆರ್ಥಿಕವಲಯದವರಿಗೆ ಧನ್ಯವಾದಗಳು.
10:03 AM: ಸುದ್ದಿಗೋಷ್ಠಿ ಆರಂಭಿಸಿದ ಆರ್ಬಿಐ ಗವರ್ನರ್ ಶಕ್ತಿಕಾಂತ ದಾಸ್
Watch out for the RBI Governor @DasShaktikanta address live at 10:00 am today (April 17, 2020) #rbitoday #rbigovernor
YouTube: https://t.co/rBFkEbmuCX
Twitter: @RBI
@RBIsays
Facebook: https://t.co/rHszbx3HUq— ReserveBankOfIndia (@RBI) April 17, 2020