ಮುಂಬೈ: ಎಂಬತ್ತರ ದಶಕದ ಬಾಲಿವುಡ್ನ ಆ್ಯಕ್ಷನ್ ಹೀರೋಗಳನ್ನು ಒಂದೇ ಚಿತ್ರದಲ್ಲಿ ಕರೆದುಕೊಂಡು ಬರುವ ಪ್ರಯತ್ನವೊಂದು ಆಗುತ್ತಿರುವುದು ಗೊತ್ತಿರಬಹುದು. ವಿಶೇಷವೆಂದರೆ, ಈ ಆಕ್ಷನ್ ಹೀರೋಗಳಿಗೆ ಕನ್ನಡದ ರವಿ ವರ್ಮ ಸಾಹಸ ನಿರ್ದೇಶನ ಮಾಡುತ್ತಿದ್ದಾರೆ.
ಇದನ್ನೂ ಓದಿ: ಮತ್ತೆ ಬಂದ ದಂಡುಪಾಳ್ಯ ಗ್ಯಾಂಗ್ … ‘ಹುಬ್ಬಳ್ಳಿ ಡಾಬಾ’ ಕ್ಲೈಮ್ಯಾಕ್ಸ್ನಲ್ಲಿ ಎಂಟ್ರಿ
80ರ ದಶಕದ ಸ್ಟಾರ್ ನಟರಾದ ಮಿಥುನ್ ಚಕ್ರವರ್ತಿ, ಸನ್ನಿ ಡಿಯೋಲ್, ಸಂಜಯ್ ದತ್ ಮತ್ತು ಜಾಕಿ ಶ್ರಾಫ್, ‘ಬಾಪ್’ ಎಂಬ ಚಿತ್ರದಲ್ಲಿ ನಟಸುತ್ತಿದ್ದಾರೆ. ಕಳೆದ ಜೂನ್ನಲ್ಲೇ ಈ ಚಿತ್ರದ ಚಿತ್ರೀಕರಣ ಪ್ರಾರಂಭವಾಗಿದ್ದು, ಭರದಿಂದ ಸಾಗುತ್ತಿದೆ. ಈಗ ಈ ನಾಲ್ವರೂ ಹೀರೋಗಳಿಗೆ ರವಿ ವರ್ಮ ಸಾಹಸ ನಿರ್ದೇಶನ ಮಾಡುತ್ತಿದ್ದಾರೆ. ಇದೊಂದು ಭರ್ಜರಿ ಆಕ್ಷನ್ ಚಿತ್ರವಾಗಿದ್ದು, ಮೈನವಿರೇಳಿಸುವ ಆಕ್ಷನ್ ದೃಶ್ಯಗಳಿರುತ್ತವಂತೆ. ಇಂಥದ್ದೊಂದು ಚಿತ್ರಕ್ಕೆ, ಅದರಲ್ಲೂ ಆಕ್ಷನ್ ಹೀರೋಗಳಿಗೆ ರವಿ ವರ್ಮ ಸಾಹಸ ಸಂಯೋಜನೆ ಮಾಡುತ್ತಿರುವುದು ವಿಶೇಷ.
ರವಿ ವರ್ಮ ಬಾಲಿವುಡ್ನಲ್ಲಿ ಸಾಹಸ ಸಂಯೋಜನೆ ಮಾಡುತ್ತಿರುವುದು ಇದು ಮೊದಲೇನಲ್ಲ. ಇದಕ್ಕೂ ಮುನ್ನ ಶಾರೂಖ್ ಖಾನ್, ಸಲ್ಮಾನ್ ಖಾನ್ ಸೇರಿದಂತೆ ಬಾಲಿವುಡ್ನ ಜನಪ್ರಿಯ ನಟರಿಗೆ ಅವರು ಸಾಹಸ ನಿರ್ದೇಶನ ಮಾಡಿದ್ದರು. ಈಗ ಮೊದಲ ಬಾರಿಗೆ ಹಿರಿಯ ನಟರೆಲ್ಲ ಸೇರಿ ನಟಿಸುತ್ತಿರುವ ಈ ಚಿತ್ರಕ್ಕೆ ಅವರು ಫೈಟ್ ಮಾಡಿಸುತ್ತಿದ್ದಾರೆ.
80ರ ದಶಕದಲ್ಲಿ ದೊಡ್ಡ ಹೆಸರು ಮಾಡಿದ್ದ ಈ ನಾಲ್ವರು ನಟರು ಒಂದೇ ಚಿತ್ರದಲ್ಲಿ ಒಟ್ಟಿಗೆ ನಟಿಸಿದ ಉದಾಹರಣೆ ಇರಲಿಲ್ಲ. ಈಗ ಇವರನ್ನೆಲ್ಲ ಸೇರಿಸಿ ‘ಬಾಪ್’ ಚಿತ್ರವನ್ನು ನಿರ್ಮಿಸುತ್ತಿದ್ದಾರೆ “ಭಾಗಿ 2′, “ಭಾಗಿ 3′ ಮತ್ತು “ಹೀರೋಪಂತಿನ 2′ ಚಿತ್ರಗಳ ಖ್ಯಾತಿಯ ನಿರ್ದೇಶಕ ಅಹ್ಮದ್ ಖಾನ್. ಈ ಚಿತ್ರವನ್ನು ವಿವೇಕ್ ಚೌಹಾಣ್ ನಿರ್ದೇಶನ ಮಾಡುತ್ತಿದ್ದಾರೆ.
ಇದನ್ನೂ ಓದಿ: 11 ಭಾಷೆಗಳಲ್ಲಿ ಬಿಡುಗಡೆಯಾಗಲಿದೆ ‘ದಿ ಕಾಶ್ಮೀರ್ ಫೈಲ್ಸ್’ ನಿರ್ದೇಶಕರ ಹೊಸ ಚಿತ್ರ …
ಹಾಲಿವುಡ್ನ “ಎಕ್ಸ್ಪೆಂಡಬಲ್ಸ್’ ಶೈಲಿಯ ಚಿತ್ರ ಇದಾಗಲಿದ್ದು, ಮುಂದಿನ ವರ್ಷ ಚಿತ್ರ ಬಿಡುಗಡೆಯಾಗಲಿದೆ ಎಂದು ಹೇಳಲಾಗುತ್ತಿದೆ.